JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KHUNTO sei lori Ângela Freitas ba Tribunal

KHUNTO sei lori Ângela Freitas ba Tribunal

Vise-Prezidente Partidu KHUNTO, Nicolau Freitas Belo, hateten, estrutura Konsellu Nasional no Konsellu Fiskal Jurídika Partidu KHUNTO sei lori Ángela Freitas ba Tribunal, tanba akuza Vise Primeira Ministra, Armanda Berta, sidadaun estranjeira.

Estrutura Konsellu Nasional Konselu Fiskal Jurídika no Konsellu Nasional Juventude  Partidu KHUNTO hato’o lamentasaun ne’e liu hosi konferensia imprensa iha  Manleuana, Sábadu (6/6/2020).

“Iha tempu badak KHUNTO sei hato’o keixa ba tribunál kontra Prezidente Partidu Trabalista Ángela Freitas tanba halo ona akuzasaun falsu hasoru Prezidente Partidu KHUNTO atuál Vise Primeira Ministra Armanda Berta sidadaun estranjeiru neduni deklarasaun ida ne’e Ángela Freitas tenke responsabiliza ninia deklarasaun falsu ne’ebé fó sai ona hodi kria konfuzaun ba públiku”,hateten Nicolau Freitas Belo.

Estrutura Konsellu Nasional Konsellu Fiskal Jurídika no Konsellu Nasional Juventude  Partidu KHUNTO sente triste tebes ba deklarasaun Prezidente Partidu Trabalista nu’udar mos feto ida halo manifesta nia vingansa politika no lahatudu maturidade nudar figura polítiku feto maluk no la iha sensibilidade no solidariedade atu enkoraja feto maluk sira avansa iha kareira polítika.

Alende ne’e Organizasaun Juventude Konsellu Nasional Mane Partidu  KHUNTO mos klarifika Vise Primeiru Ministru,  Armanda Berta, orijin sidadaun Timor ne’ebé nia aman husi uma lisan daujur no nia inan husi uma lisan Bertai. Tanba ne’e organizasaun Juventude Mane Partidu KHUNTO lamenta tebes ho deklarsaun Ângela Freitas nian ne’ebé laiha sensibilidade no  solidariedade ba  feto Timor atu  enkoraja feto sira hodi avansa ba oin.

Enkuantu Ministra Solidaridade Sosial no Inkluzaun atuál Vise Primeira Ministra, Armanda Berta dos Santos, moris iha Maloa, Díli, iha loron 11 fulan Outubru, tinan 1974, hamutuk maun alin na’in 9, Oan hosi aman Pedro Dias hosi uma lisan Daisua Suro munisípiu Ainaro no inan naran Íria Berta hosi uma lisan Bertai Suku Suro munisípiu Ainaro.

Lee hotu :   TL hetan 70% no Austrália 30% bazeia ba área jurisdisaun rai-rua

Iha semana ne’e partidu Kmanek Haburas Unidade Nasional Timor-Oan (KHUNTO) semana sei keixa Prezidente partidu Trabalhista, Angela Freitas ba tribunál, tanba akuza Vise Primeira Ministra (PM), Armanda Berta nu’udár sidadaun estranjeiru.

“Ami parte konsellu fiskal jurídiku partidu KHUNTO hakarak hato’o ba aspetu jurídiku katak, deklarasaun ne’ebé mak Prezidente partidu Trabalhista Angela Freitas ne’e laloos, kontradis konstituisaun legal hakarak hamonu ema nia personalidade no dignidade, tanba ne’e, parte jurídiku sei análiza iha Segunda, loron 8, fulan Juñu ne’e, ami sei hato’o ba tribunál liu husi asaun kriminal no sivíl, Prezidente partidu KHUNTO sei iha responsabilidade sivíl, tanba ne’e, nia sei iha responsabilidade ba iha tribunál”, Prezidente Komisaun Jurídika Politíku KHUNTO, José  Edmundo Caetano ba jornalista sira liu husi konferénsia imprensa iha  Manleuana-Díli, Sesta (05-06-2020).

Nia hatutan, Angela Freitas tenke responsabiliza ba ninia deklarasaun falsa ne’ebé fó sai iha konferénsia imprensa, hodi kria konfuzaun ba públiku.

Nune’e mós, Vise Prezidente KHUNTO Sílvia Hornai, afirma, nia parte la simu deklarasaun falsa hasoru Prezidente KHUNTO atuál Vise PM, Armanda Berta.

Organizasaun feto KHUNTO konsidera Prezidente partidu Trabalhista kontra desizaun Primeiru Ministru (PM), Taur Matan Ruak ho Prezidente Repúblika (PR), Francisco Guterres “Lú Olo”, ne’ebé hetan kompeténsia konstitusionál ba indijita no pose ba Prezidente partidu KHUNTO, Armanda Berta.

“Vise PM, Armanda Berta orijin sidadaun Timor ne’ebé nia aman husi uma lisan Daujur no nia inan husi uma lisan Bertai, tanba ne’e, organizasaun feto KHUNTO lamenta tebes ho deklarasaun ne’ebé laiha sensibilidade no  solidariedade nu’udár feto Timor atu enkoraja ninia feto maluk sira, hodi avansa iha kareira polítika. Prezidente KHUNTO merese hetan apresiasaun husi feto maluk sira, tanba primeira vez iha Timor-Leste feto ka inan ida simu kna’ar todan, hodi asumi responsabilidade nu’udár Vise PM iha estrutura VIII Governu konstitusionál. Prezidente KHUNTO nia aman sidadaun Portugal no inan sidadaun Indonézia, ami organizasaun feto partidu KHUNTO mós la simu Angela Freitas nia deklarasaun katak, Primeiru Ministru (PM), Taur Matan Ruak, nomeia ema estranjeiru hodi ba kaer pasta hanesan Vise PM, hodi sobu estabilidade nasionál”.

Lee hotu :   CNRT sei hatama petisaun foun ba TR uza artigu 150 KRDT

“Ita la hatene sé mak nia aman ho inan ka nia aman ka inan ema apátrida ka ho nasionalidade deskoñesida, nia aman ho inan ema estranjeiru no kuandu iha tiha ona tinan 17, nia deklara rasik katak nia hakarak sai ema Timór. Ema ne’ebé nia aman ka inan sidadaun Timor, maske moris iha estranjeiru nia Timór-Leste nia sidadaun orijináriu. Lei sei regula oinsá mak ema ida hetan, lakon ka hetan fila-fali sidadania no oinsá mak halo rejistu no prova kona-bá sidadania. Prezidente Trabalista mós la respeita prinsípiu báziku ne’ebé haktuir iha artigu 2, númeru 2, husi lei númeru  9/2002 (lei sidadania-red) katak, lei mak determina nasionalidade no hamoris ligasaun jurídiku husi ema no Estadu”, klarifika  Sílvia.

Tuir Konstituisaun RDTL, artigu 3, haktuir katak, iha RDTL iha sidadania orijinária no sidadania adkirida, Timór-Leste nia sidadaun orijináriu mak ema sira ne’ebé moris iha teritóriu nasionál no nia aman ka inan moris iha Timór-Leste.

Enkuantu, Ministra Solidaridade Sosiál no Inkluzaun (MSSI), atuál Vise PM, Armanda Berta dos Santos moris iha Maloa-Díli, iha loron 11, fulan Outubru, tinan 1974, hamutuk maun-alin na’in sia (9), oan husi aman Pedro Dias husi uma lisan Daisua, Suro, munisípiu Ainaro no inan naran Íria Berta husi uma lisan Bertai, suku Suro, munisípiu Ainaro.aba/ety

Add to Comments Here!!!!

error: Content is protected.
Secured By miniOrange
You might also like:
Konfrontu iha Metiaut, rezulta joven ida tama ICU

Konfrontu entré joven sira iha Metiaut,...

Vizita maun boot Xanana laiha motivu polítiku

Reprezentante Komunidade Suai Loro no Kamanasa,...

TDD absolve membru PNTL ida husi Kazu OIFS

Tribunál Distritál Díli (TDD), iha Kinta,...

Close