Kompañia lima sei halo kanalizasaun bee moos iha Díli

Ministru Obras Publikas, Salvador Pires, hateten, Governu asina ona akordu ho Kompañia lima atu halo kanalizasaun bee moos  no kompañia ida sei hamoos esgotu drenajen iha Kapital Díli.

“Objetivu bolu ministeriu obras publika bolu Kompañia 6 ohin mai halo enkontru ne’e oinsa Kompañia 6 ne’ebé governu fo fiar atu kaer obra emerjensia durante fulan 3 bele lao ho di’ak tuir tempu ne’ebé governu fo no governu hili ona Kompañia 6 atu halo projetu emerjensia  hanesan drainajen ba mota malo halo limpeza  ba valeta sira iha capital Dili laran inklui kanalizasaun be mos ba populasaun sira,hateten Salvador Pires ba GMN iha Kaikoli,Díli, Sesta (12/06).

Governante ne’e informa Orsamentu Jeral estdau tinan 2020 Ministeriu Obras Publikas sei tau prioridade ba  hadia Estrada Eletresidade no Beemoos ba povu sira.

“Atu responde ba preokupasaun komunidade suku Loilubo ne’ebé durante ne’e uza au hodi tonka fiu eletresidade no mos suku sira seluk miniteriu obras publikas sei tau orsamentu nune bele hadia eletresidade Estrada no beemoos ba komunidade  iha teritoriu timor laran tomak informa Salvador.

Direto Kompañia Haksolok Helder  Vieira informa sira sei kumpri regra sira ne’ebé parte governu determina ona.

“Ami sei kumpri regulamentu no prosedementu husi Ministeriu Obras Publikas nian hodi finaliza obra ne’ebé sei halo iha tempu badak ne’e katak Helder.

Kompañia nen ne’ebé Ministeriu Obras Publikas fo fiar kompostu husi Kompañia Haksolok Unipe,L.da, Luliana Unipe L.da, Leno Timor,Amigo Unipe L.da, Sicola Unipe L.da no Monte Free Unipe, L.da.

Entretantu Orsamentu ba projetu emerjensia refere  hamutuk  rihun atus 6 resin.

Ministro Obras Publikas mos halo ona asina akordu ho Kompañia balun ne’ebé tama kriteriu lei aprozianamentu nune iha tempu badak kompañia sira bele implementa ona projeitu rehabilitasaun ba estrada no ponte. aba