JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR husu VIII Governu servisu maka’as liu tan

PR husu VIII Governu servisu maka’as liu tan

Prezidente Repúblika (PR), Francisco Guterres Lú Olo, husu ba membru Governu sira atu servisu maka’as liu tan hodi lori dezenvolvimentu ba nasaun no povu. Tanba iha ona partidu maioritáriu ne’ebé bele sustentabiliza VIII Governu to’o mandatu remata.

“Iha ona maioria iha parlamentu FRETILIN, PLP no KHUNTO hodi bele garante funsionamentu ezekutivu ninian”, dehan tan PR Lú Olo, liu husi nia diskursu Kuarta (24/6/2020), iha Palásiu Prezidensial, Bairu Pité, Díli.

PR Lú Olo mos agradese ba Primeiru Ministru, Taur Matan Ruak ne’ebé hili ona profisional sira atu envolve iha komisaun  atu bele servisu hodi bele rekupera ekonomia nasaun ninian.

Nune’e mos, Primeiru Ministru (PM), Taur Matan Ruak, agradese profunda ba membru governu na’in 21, ne’ebé simu ona pose husi Xefe Estadu, Francisco Guteres Lú-Olo, hodi kompleta membru governu da-ualu, iha ne’ebé hamutuk 43 membru Governu.

“Ha’u hakarak fó agradese ba públiku nia rekoñesementu no agradese ba membru governu ne’ebé ohin simu pose, governu agrades dedikasaun tomak maske ho dezafiu maibé ho lealdade no espiritu no misaun hodi integra oitavu governu konstituisional apresia ba hotu- hotu ne’ebé ke ho forsa hodi asumi kargu iha governasaun iha kada pasta ka kada ministériu ba dahuluk hanesan ministru interior hodi serbisu hamutuk no aproveita oportunidade dejeza votos ba ita hotu saúde properidade ba ita nia funsaun públika ne’ebé asumi”, Xefe Governu, Taur Matan Ruak, hato’o agradesementu ne’e liu husi seremonia tomada de pose, ba kandidatu membru na’in 21, iha Palásiu Prezidensial Bairo Pite.

Ho pose da-haat ne’e, oitavu governu, kompleta ona nia membru governu hamutuk 43, ho konjuntura polítika foun, entre PLP, KHUNTO no FRETILIN, ne’ebé mosu atu viabiliza governasaun da-ualu, hafoin membru governu husi partidu CNRT ses-an husi governu da-ualu.

Lee hotu :   FRETILIN prepara ona proposta 30 hodi altera OJE 2020 ■CNRT lakohi fó komentáriu

Membru governu ne’ebé mak, simu pose ne’e hamutuk 21 husi númeru ne’e kompostu husi Ministru na’in 6, Vise Ministru na’in 10, no Sekretáriu Estadu na’in 5.

Membru governu sira ne’e, asume pasta sira mak hanesan, Vise Primeiru Ministru José Reis (FRETILIN), Ministru Koordenador Asuntus Ekonomiku, Joaquin Amaral (FRETILIN), Ministra Negósiu Estranjeiru, Adalgiza Magno (FRETILIN), Ministru Edukasaun Joventude No Desportu, Armindo Maya (FRETILIN), Ministru Turízmu Komérsiu Indústria, José Lucas Da Silva (FRETILIN), Ministru Interior, Taur Matan Ruak (PLP), Ministru Petróleu No Minerais, Victor Soares (FRETILIN), Vise Ministru Negosiu Estranjeiru No Kooperasaun, Julião da Silva (KHUNTO), Vise Ministru Justisa, Edmundo Caetano (KHUNTO), Vise Ministru Administrasaun Estatal, Lino Torrezão (FRETILIN), Vise Ministru Saúde, Bonifácio Maucoli (PLP), Vise Ministru Edukasaun Joventude No Desportu, António Guterres (KHUNTO), Vise Ministru Komérsiu Indústria, Domingos Lopes Antunes (FRETILIN) no Inásia Teixeira (FRETILIN), Vise Ministru Agrikultura no Peskas, Abílio Xavier de Araújo (KHUNTO), Vise Ministru Interior, António Armindo (KHUNTO), Sekretariu Estadu Formasaun Profisional No Empregu, Alarico do Rosário (KHUNTO), Sekretariu Estadu Koperativas, Elizário Fereira (FRETILIN), Sekretariu Estadu Peskas, Elídio de Araújo (KHUNTO), Sekretariu Estadu Joventude no Desportu, Abrão Saldanha (FRETILIN), Sekretariu Estadu Protesaun Sivil, Joaquim dos Reis Martins (KHUNTO).

Antes ne’e,  iha Sesta, loron 29, fulan Maiu liu ba, Xefe Estadu mós, fó ona pose ba membru governu na’in 8, ne’ebé nomeia husi partidu FRETILIN, KHUNTO no PD.

Partisipa iha serimonia tomada de pose, Prezidente Parlamentu Nasional, Aniceto Guteres, Prezidente Tribunal Rekursu, Deolindo Dos Santos, Xefe Estadu Maior F-FDTL, Major Jeneral, Lere Anan Timur, Konselleiru Máximu partidu KHUNTO, Jose dos Santos Naimori “Bukar”, Sekretáriu Jeral Partidu FRETILIN, Marí Alkatiri, no seluk tan. ina

Lee hotu :   Membru Governu 21 simu tan pose, partidu viabilizadór FRETILIN domina VIII Governu

 

Add to Comments Here!!!!

error: Content is protected.
Secured By miniOrange
You might also like:
Governu taka temporáriu postu fronteira

Konsellu Ministru aprova projetu husi proposta...

PN haruka ona pedidu LFP USD 286 ba PR

Prezidente komisaun C ne’ebé trata asuntu...

Governu deside la prolonga EE

Governu liu husi Konsellu Ministru (KM),...

Close