JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prezidente foun RAEOA sei aprezenta ekipa sekretáriu rejional ba PM

Prezidente foun RAEOA sei aprezenta ekipa sekretáriu rejional ba PM

Prezidente Autoridade Rejiaun Administrativa Espesial Oe-cusse Ambeno (RAEOA) Zona Espesial Ekonomia Sosial Merkadu (ZEESM), Arsenio Bano, deklara, semana ne’e nia parte sei aprezenta ekipa sekretáriu rejional ba Primeiru Ministru, Taur Matan Ruak hodi hahú halo prepativu konsentrasaun orsamentu.

“Primeiru tenku halo maka Oe-cusse la bele sai penonton ba Munisipiu 12 ne’ebé simu dadauk ona subsidiu 100 dollarese ka 200, semana oin ami sei kordena makas ho Ministeiru Solidariedade Sosial ,  para Oe-cusse bele iha asesu para bele tama pagamentu 100 dollares amerikanu, sei halo koordenasaun, hametin koordenasaun ne’ebé mak hahu tiha ona husi Prezidenti sesante ba interevensaun COVID-19 nian, COVID Oe-cusse mos kontinua halo vijilansia,  tanba Oe-cusse iha enklave laran, besik NTT ita hatene NTT iha ameasa bo’ot ho COVID-19,  entaun Oe-cusse sei halo ida ne’e” dehan Arsenio. ba Jornalista sira Sesta (12/06/2020 ) iha Palasiu Governu.

Nia salienta, Oe-cusse mos prepara servisu  governu central ba planu estabilizasaun ekonomia, governu central hahu dadauk ona, Oe-cusse mos halo preparativus ne’e , para Oe-cusse la bele iha kotuk, forma ekipa ba sekretariu rejional sira urjenti semana oin, sei aprezenta ba suaselensia Primeiru Ministru, para iha ona autoriedade, la bele iha Prezidente ida sem sekretariu rejionais tempu naruk liu tenki lalais, depois de autoriedade hamrik ona tenki hahu ona halo prepativus konsetrasaun orsamentu ne’ebé  mak iha, ezekusaun planu duadesimu, depois haree planu ba tinan oin orsamental no planu dezenvolvimentu nian

“Prioriedade nafatin, hanesan sua selensia Primeiru Ministru mos hatete ba Doutor Mari Alkatiri ne’ebé mak husik ideias barak, hanorin ami barak, atu halo servisu ho lolos, infraestrutura kombina ho edukasaun saude tenki laos makas, ekonomia baze família ida idak, uma kain ida idak tenki hamrik mesak, bele han dader meudia kalan,  bee mos, estrada ba area rural, tanba Oe-cusse iha 60 porsentu populasaun hela iha area rural, primeiru ministru mos hatete atu haree  inan aman sira, entaun ami sei fila fali ba Oe-cusse semana oin, no 95 porsentu ha’u nia tempu iha Oe-cusse” realsa Arsenio.

Lee hotu :   La diskuti MS, AMP konsidera PPN la konsistente ho deklarasaun

Prezedente Autoriedade ne’e fundamenta , nia telfoni 24 horas, uma nakloke 24 horas ba se deit, Oe-cusse no se deit, para servisu ba rai Timor Leste.

Promete sei rezolve problema iha RAEOA

Prezidente Autoridade Rejiaun Administrativa Espesial Oe-cusse Ambeno (RAEOA)  no Zona Espesial Ekonomia Sosial Merkadu (ZEESM), Arsenio Bano, hatete, nia parte komprometidu sei rezolve probelma hotu iha RAEOA, durante nia mandantu.

 “La’os problema rua deit, problema barak tebes,  iha problema mal nutrisaun, asesu ba eskola, asesu ba bee mos ne’e sai hanesan problema hotu iha Oe-cusse, Otel Oeupu ita tenki kontinua halo hotu, agora uza ba karantina, investimentu ida ké lolos halo hotu ona para, prepara ba atrau investimentu iha liur, ami sei haree ida ne’e, sei kontinua no finaliza, halo hotu para hotel Oeupu ne’e, sai fatin ida atrai ema husi Díli, domestika, Nasional no Internasional iha futuru, para bele hatudu katak Oe-cusse iha fasilidade, ami seic rezolve” esplika Arsenio ba Jornalista sira Sesta (12/06/2020 ) iha Palasiu Governu.

Nia subliña haksolok nia oparte rona ona orientasaun husi Primeiru Ministru, koalia ona Governu Central sei toma konta, ho apoiu doutor Mari Alkatiri nian, haksolok governu central avansa to’o ro haksolok mai, agora hanoin ho problema covid ne’e, karik adia oituan maibe haksolok ne’e nunka lakon.

“Ha’u tenki haree, se presija osan kalae, desde ké ha’u halo servisu  diak, desde Primeiru Ministru sei hela hanesan Primeiru Ministru Oitavu Governu ha’u sei nafatin,  ha’u servisu tinan 20 ona ba timor leste, primeiru governu tranzisaun, tinan  ida ho balun, primeiru govenru tinan lima, deputadu tinan lima, sekretariu rejional tinan 5, seidauk puas ida, tanba povu sei kiak nafatin, se ha’u bele iha tinan lima tan, se ha’u nia forsa bele to’o, estadu sei fiar, Oe-cusse sei fiar ha’u, sei hakarak halo buat hotu ba timor leste, ha’u hakarak Oe-sse sai diak” realsa Arsenio

Lee hotu :   Subsídiu ba bolseiru aprova ona hosi Konsellu Jestaun

Arsenio hatutan, nia parte rona hotu hotu, balun dehan ha’u tendensia ba partidu ida, balun dehan ba família, balun dehan oi-oin ha’u simu hotu, mais ha’u la haluha katak ha’u nia misaun ida deit, Oe-cusse sai husi izolamentu, kontinua hanoin ne’ebé doutor Mari rai hela ona, para halo Oe-cusse diak liu tan, kontinua misaun Timor Leste atu liberta povu, no nia sei halo esforsu hotu hotu para ida ne’e bele sai realidade.

“Se deit maka hanoin dehan ba grupu ida, grupu seluk ha’u simu deit, ha’u hakarak rona no ha’u hakarak koalia la problema, se ha’u ba koalia tetum pasti sira balun ladun komprende, ha’u nia inan aman iha foho sira balun ladun komprende tetum, mais kuandu ha’u koalia Bakenu deit parese, ami bele komprende malu, importante laos sese mak atu ba, maibe importante mak sira rona ha’u atu halo saida ba Oe-cusse, importante ita haree estrada Noefefan bele to’o sitrana kalae, estrada husi tono ba Oesilu bele iha kalae, importante eskola bele aumenta tan kalae, importante labarik sira hotu hetan asesu ba edukasaun, importante la bele hatete Oe-cusse izoladu tan, hanesan tinan  5 ou 6 liu ba” hakotu Arsenio. Oly

Add to Comments Here!!!!

error: Content is protected.
Secured By miniOrange
You might also like:
Lere: Ha’u sei ba hasoru maun bo’ot Xanana

Xefe Estadu Maior F-FDTL Major Jeneral,...

PM Taur: Arsénio Bano laiha imunidade

Primeiru Ministru (PM), Taur Matan Ruak,...

La nesesáriu Governu altera projetu lei kriminaliza difamasaun

Xefe bankada UDT/FM, Francisco Carlos Xavier,...

Close