Situasaun polítika rai-laran, Embaixadór Portugal hasoru PR Lú Olo

Embaixadór Portugal iha Timor-Leste, José Pedro Machado Vieira, hasoru malu ho Prezidente Repúblika (PR), Francisco Guterres Lú Olo, hodi troka ideia kona-ba situasaun polítika iha rai laran.

José Pedro Machado Vieira, agradese ba Prezidente Repúblika Francisco Guterres Lú Olo, ne’ebé rona direta nia hanoin kona-ba situasaun polítika iha rai laran, nune’e bele hametin liu tan relasaun entre rai rua ne’e.

“Prezidente Repúblika iha jentiliza simu ha’u iha ne’e, atu esplika situsaun polítika no transmite katak agora dadaun kondisaun no estabilidade instituisional sira reune fali ona hodi garante kontinusaun ba desenvolvimento Timor-Leste nian,” Embaixadór Portugal iha Timor-Leste ne’e hatutan.

“Ha’u agradese wa’in tebes ba prezidente repúblika hodi rona diretamente nia análise ba situasaun, ne’ebe ho pozisaun ida ne’ebé kona-ba estabilidade no kontinuidade Timor-Leste nian naturalmente, ami mos hanesan nasaun maun alin no koopera ho Timor-Leste, naturalmente ami senti satisfeito tebes ho kondisaun nasaun ne’ebe  reunifika fila-fali para ita kontinua hametin ita nia relasaun no ajuda dezenvolvimento  Timor-Leste nian”, dehan, Embaixadór Portugal iha Timor-Leste, José Pedro Machado iha Palacio Prezidensial Nicolau Lobato, Bairro Pite, Segunda (08/06/2020).

Embaixadór ne’e mós informa, profesor portuges sira, ne’ebé repatria husi Timor-Leste, sei fila hikas mai hodi kontinua hanorin iha eskola ne’ebe sira halao servisu ba, bainhira Timor-Leste livre  ona husi COVID-19.

“Sim, klaru katak sei fila, em fim situasaun polítika no mos situasaun mundial husi pandémia COVID-19, kondisiona professor sira ne’e seidauk fila no kondisaun la’o diak ona no iha ona mos voo komersial sira ajente kooperasaun sira ne’e sei fila, ita la izola -an husi mundo, mas ita tenki tuir saida mak mosu iha ita nia sorin, ne’e duni se iha possibilidade sira sei fila”, hatete, Embaixadór Portugal ne’e.

Profesor portugés sira ne’ebé repatria husi Timor-Leste, iha Sabadu loron 04 fulan Abril liu ba, hamutuk 200 resin, profesor sira ne’e, durante hala’o serbisu iha eskola portugesa Rui Cinatti Díli no eskola KAFE.Ina

Leave a Reply

Your email address will not be published. Required fields are marked *