JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Angela Freitas-Aitahan Matak mobiliza massa hato’o petisaun kontra PR Lú Olo

Angela Freitas-Aitahan Matak mobiliza massa hato’o petisaun kontra PR Lú Olo

Grupu Rezisténsia Nasional Defende Justisa no Konstituisaun ne’ebé lidera husi Prezidente Partidu Trabalhista, Angela Freitas, no veteranu António Aitahan Matak, tuir planu ohin Sesta (17/07/20), sei hatún masa husi munisípiu hodi hato’o petisaun kontra Prezidente Repúblika, Francisco Guterres Lú Olo, kona-bá ninia desizaun ba formasaun VIII Governu.

Tanba  ne’e, iha Kinta (16/07/20) Veteranu António Aitahan Matak, ho nia delegasaun sira  ba  hasoru, Komandante Operasioál PNTL, Superintendente Xefe Pedro Belo no Porta-Voz PNTL Superintendente Xefe  Arnaldo Araújo, hodi hala’o enkontru  hamutuk, iha Kuartel Jerál PNTL.

Veteranu António Aitahan Matak hateten, objetivu enkontru ne’e atu husu autorizasaun ba PNTL  hodi apoiu  seguransa ba atividade konsentrasaun masa sira husi munisípiu  iha Sede Rezisténsia partidu Trabalhista iha bairu Formosa, hodi hala’o enkontru ho Porta-Voz Angela Freitas, hafoin halibur opiniaun hotu husi partisipante sira hodi hato’o petisaun ba Prezidente Repúblika, kona-ba partidu ne’ebé mak ho kadeira lima, maibé  lidera iha Governu ida ne’e.

“Lei la hakerek artigu ida la hateten kadeira lima ne’e kuandu viabiliza, organizasaun bolu naran viabiliza ne’e maiória parlamentáriu, minoria governu, ne’e mak  naran Portugés viabiliza, kuandu naran koligasaun formal bolu naran nonu Governu, la’os bolu fali oitavu governu, oitavu governu ne’e  nia ulun boot mak Maun Xanana Gusmão, nono governu ne’e mak FRETILIN, maibé sira vota sira-nia ema  ba fali membru ne’e mak sira la puas. Ha’u la’os partidu CNRT, ha’u la’os partidu FRETILIN, como  ema konsentra naran  rezisténsia  tau maun boot Xanana nia foto iha ne’ebá, ha’u nu’udar líder da rezisténsia ida tenki  neutralija situasaun para labele halo instabilidade iha ita-nia rai”, esplikaVeteranu António Aitahan Matak, ba jornalista sira, Kinta (16/07/20) ho nia Grupu Rezisténsia Nasional Defende Justisa no Konstituisaun hafoin enkontru iha Kuartel PNTL, Kaikoli, Díli.

Lee hotu :   Xanana Gusmão: Woodside dada-an investe iha onshore GS ne’e diak liu tan

Tanba ne’e mak masa sira atu mai husi bairu-bairu konsentra iha   iha sede rezisténsia  bairu Formosa, la’os  halo manifestasaun.

“Manifestasaun ne’e ema marsa ema la’o ba fatin ne’ebé ami  tenke trasa hamutuk ho PNTL, seguransa estabilidade tenke forte mak ami halo  manifestasaun, ida agora ne’e  bolu dehan konsentrasaun  iha sede para  aprezenta sira nia opiniaun, petisaun sira la konkorda desizaun  Prezidente  nian  balun los, balun la los ne’e  iha ne’ebé, ami rona sira nia opiniaun  mak aprezenta kestoens ne’e ba delegasaun mak sei lori ba Prezidente  RDTL ninia gabinete, la’os povu mak  ba halo fali asaun iha Prezidente nia gabinete ne’e laiha”,dehan Aitahan Matak.

Nia dehan, porta voz mak Angela Freitas, maibé sei la mosu asaun ruma marsa fali iha Díli-laran laiha, tenki tuir  regras lei ne’ebé vigora, artigu 42 hateten lolos katak, sé mak halo manifestasaun ami tenki identifika didiak  katak, ema normas diak  mak ida ne’ebé, ema hemu tua mak ne’ebé, ema polítiku mak ne’ebé ami tenki koñese ema sira didiak foin bele rona sira nia opiniaun, la’os ema hemu tua bulak mak mai hurlele fali ami, hodi lori fali ida ne’e ba Prezidente lae.

“Ha’u mai iha ne’e atu husu autorizasaun no seguransa mós bolu ami mai, porta voz Angela Freitas, parte polítika nian la mai, maibé atu koalia iha públiku ne’e mak señor Cornelio mai para atu hato’o instabilidade labele mosu iha ita nia rai. Massa ne’e ami labele promete rihun hira-hira, maibé ami sei haree bairu ida ne’ebé mak mai, depois ami rona ema sira nia opiniaun, señor Cornelio mak sei rekolla ida ne’e, depois hatene los tiha mak hato’o ba Polísia”, dehan Aitahan Matak.

Lee hotu :   Ramos Horta: Laiha pena de morte, droga kontinua tama TL

Alende ne’e, Porta-Voz PNTL, Superintendente Xefe Arnaldo Araújo esplika, Polísia iha obrigasaun bolu veteranu António Aitahan Matak ho nia delegasaun  atu husu tuir informasaun  objetivu  masa sira nia konsentrasaun iha Díli.

“Ohin  ne’e ami aserta buat balun kona-bá sira atu halo (manifestasaun) aban (ohin) sira seidauk halo parese iha tempu oin mak sira halo, tanba  buat hotu tenki aserta ho PNTL, importante liu mak haree ba seguransa no estabilidade”, dehan Arnaldo Araújo.

Durante enkontru la marka prezensa husi Portavoz Angela Freitas.

PM Taur: Ema iha liberdade hato’o petisaun

Primeiru Ministru (PM), Taur Matan Ruak, hatete, kona-ba grupu balun atu halo mobilizasaun masa tún mai Díli laran halo manifestasaun kontra desizaun balun husi Prezidente Repúblika, Francisco Guterres Lú Olo ba formasaun Governu, ne’e konstituisaun fó dalan.

“Ita nia lei ne’e demokrasia ne’e, ema iha liberdade atu aprezenta ninia petisaun, ninia opiniaun, ita respeita ida ne’e”,dehan PM Taur.avi/oly

Add to Comments Here!!!!

error: Content is protected.
Secured By miniOrange
You might also like:
Embaixadór RI oferese Mie Sedap ba PNTL

Embaixadór Republik Indonesia (RI) ba Timor-Leste,...

DOT PN ba viajen lokal ki’ik, Cedelizia: Difikulta komisaun sira halo fiskalizasaun

Sekretária Jerál (SekJer) Parlamentu Nasionál (PN),...

PN Sei konsulta ho asesór jurídiku kona-bá petisaun husi jornalista

Prezidente Parlamentu Nasionál (PN), Aniceto Guterres, hateten,...

Close