JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Bankada parlamentár preokupadu ho Xanana nia rezignasaun

Bankada parlamentár preokupadu ho Xanana nia rezignasaun

Deputadu sira iha Parlamentu Nasional preokupadu ho figura Kay Rala Xanana Gusmão ne’ebé rezigna-an ona husi nia kargu nu’udar Xefe Negosiadór prinsipal ba Fronteira Marítima (FM), tanba sei fó impaktu boót ba dada kadoras husi kampo mina-rai Greater Sunrise (GS) mai rai-maran Timor-Leste (TL).

Tuir deputadu bankada PD, António da Conceição “Kalohan”, rezignasaun Xanana nian sei iha impaktu bo’ot ba prosesu dada kadoras GS mai Timor-Leste, tanba la fasíl atu bele halo negosiasaun ho nasaun ida, hodi deside fronteira ida iha ambiente amizade.

“Rezigna-an hanesan Xefe negosiadór ba fronteira marítima no terrestre ne’e impaktu maka’as, labele hanoin buat sira ne’e fasil, tanba kuandu ligadu ho Fronteira terrestre ho Indonézia ne’e mós la’os fasíl, ne’e iha implikasaun ba kontinuidade kompromísiu polítiku sira ne’ebé halo hodi ita referêndum ne’e, Tanba ne’e xefe negosiadór nia papel ne’e importante, la’os tanba nia figura polítiku ne’e de’it, maibe nia figura ne’e de’it mós mak hamosu”,haktuir deputadu Kalohan ba jornalista sira iha Parlamentu Nasional, Tersa (14/7/2020).

Hosi sorin seluk deputadu bankada CNRT, Adérito Hugo, hateten, iha ema matenek barak iha Timor-Leste troka pozisaun Kay Rala Xanana Gusmão, nu’udar xefe negosiadór, maibe impaktu mak lejitimidade ne’ebé Xanana iha sei la hanesan.

“Negosiasaun Fronteira ho negosiasaun ba investimentu ne’e pakote ida de’it, inklui mós polítika ba dezenvolvimentu kosta súl ninian, ne’e duni saída mak maun boot Xanana halo ne’e reprezenta Estadu, la’os reprezenta partidu CNRT ka grupu ida  nian, lejitimidade ida ne’e mak maun bo’ot iha lori halo servisu to’o ita asina akordu entre Timor-Leste ho Australia ne’e’’, afirma deputadu Adérito Hugo.

Lee hotu :   Governu la responde pergunta 29, AMP sei prosesa ba oin

Deputadu bankada CNRT ne’e hatutan,  atu halo negosisasaun investidór bo’ot sira iha mundu ne’e la fasil, presiza hetan konfiansa bele privadu ou estatal nini’an ne’e la’os fasíl, presiza lori tempu hetan konfiansa, presiza mós iha kondisaun, primeiru mak estabilidade iha fronteira, kondisaun seluk mak akordu hateten pipeline mai Timor, mak investimentu iha kosta súl ne’e pakote ida iha negosiasaun nia laran, inklui auto estrada iha Suai.

“Agora maun boot deside rezigna katak iha razaun ruma mak deside ne’e, maibe saída mak iha ne’e bele iha impaktu, tanba negosisaun ne’e on going ka prosesu hela, tanba atu konvense ema investór atu mai iha investe ne’e la’os fasíl, iha kapasidade, maibe presiza mós iha lejitimidade, pesoal ne’e tenke iha lejitimidade para bele konvense ema, la’os de’it kapasidade iha negosiasaun, maibe pesoal presiza iha lejitimidade em nome Estadu nian”, haklean deputadu Hugo.

Nia dehan, dadaun ne’e kompromisu akordu refere la’o hela, seidauk to’o iha faze ida final katak bele konkretiza ona, iha situasaun ne’e bele iha impedimentu direta ba progresu sira ne’e.

“Karik atu halo fali renegosiasaun mós presiza fali tempu tan ona, tanba pakote ida dezenvolvimentu Greater Sunrise ita projeta ona másimu ne’e 2026 tenke konkretiza ona iha terenu. Agora ita mós hatene katak mundu petrolíferu ne’e hetan hela impaktu, tanba COVID-19 ne’e, maibe setór ida ne’e sei nafatin potensial ba dezenvolvimentu ekonómiku iha mundu ninian, entaun investimentu iha setór petrolíferu ne’e kontinua atrativu, liu-liu tanba disputa fronteira ne’e rezolvidu ona iha tribunal internasional, hein katak ekipa tékniku sira bele iha kontinuasaun ba ida ne’e, maske maun boot rezigna-an”, afirma Hugo.

Lee hotu :   Símbolu ParPol kontinua infeita iha estrada protokolu

Nune’e mos, bankada Frente Revolucionária de Timor-Leste Independente (FRETILIN), konsidera, Kay Rala Xanana Gusmão, rezigna-an hosi kargu nu’udar Xefe Negosiador Prinsipal ba Fronteira Marítima (FM) laiha justifikasaun ho razaun fundamentu, maibe presiza iha justifikasaun ida ne’ebé fundamental ba responsabilidade ba konfiansa ne’ebé Estadu fó ona durante ne’e.

“Buat ida rezigna-an ne’e direitu ninian (Xanana) bele rezigna, maibe tenke ho justifikasaun ida fundamental, ita tenke iha responsabilidade ida, ba iha konfiansa ne’ebé uluk kedas fó ba hodi halo negosiasaun ne’e. Ita labele uza hela ita nia pozisaun ida ou kargu ida, sein iha buat ruma ne’ebé bele fundamental teb-tebes para atu bele husik, tanba ita agora dadauk ne’e halo negosiasaun a favór du Estadu, ne’e duni sentidu Estadu ne’e tenke iha, se la’e ita hanesan halimar ho Estadu nia situasaun, kuandu ita hakarak, ita kontinua no ita lakohi ita rezigna-an, ne’e hanoin la di’ak”, Deputada bankada FRETILIN, Josefa Âlvares Pereira deklara asuntu ne’e iha PN.

Tuir deputada Josefa, pozisaun Xanana ne’ebé rezigna-an, ladun iha implikasaun, tanba sei iha ema seluk ne’ebé bele troka, maske nune’e nia parte lakohi adianta kona-bá prosesu negosiasaun fronteira terestre ho Indonézia.

Antes ne’e, Kay Rala Xanana Gusmão, deside rezigna-an hosi pozisaun nu’udar xefe negosiador prinsipal, delimitasaun fronteira marítima, hafoin Primeiru Ministru, Taur Matan Ruak, ezonera Prezidente Timor Gas no Petroleu ka Timor Gap, Francisco Monteiro.

Pozisaun Xanana Gusmão ne’ebé rezigna-an, liu husi hato’o karta rezignasaun ba Primeiru Ministru, Taur Matan Ruak, iha semana kotuk.

Akordu ba tratadu Fronteira Marítima entre Timor-Leste ho Austrália ne’e, asina iha loron 6, fulan Marsu, tinan 2018. Say

Add to Comments Here!!!!

error: Content is protected.
Secured By miniOrange
You might also like:
Kazu Gastão de Sousa, TDD altera ba krime pekulatu seña

Tribunál Distritál Díli (TDD), iha Segunda,...

PN preokupa postu Laga laiha kareta ambulánsia

Parlamentu Nasionál (PN) preokupa ho komunidade...

Fasilita patrullamentu marítima, FRETILIN husu Governu hadi’a ró Kay Rala

Reprezentante povu iha uma fukun Parlamentu...

Close