CNRT preokupa Governu seidauk halo pagamentu ba idozu no inválidu sira

Deputadu bankada CNRT, José Virgílio, sente preokupadu, tanba to’o oras ne’e Governu liu husi Ministériu Solidariedade Sosial no Inkluzaun (MSSI), seidauk halo pagamentu subsídiu ba idozu no invalidu sira.

“Ha’u hakarak hato’o peokupasaun idozu no invalidu sira ni’an iha munisipiu Viqueque, postu Lacluta, ne’ebé kestiona sira nia subsidiu idozus nian to’o agora seidauk simu”, dehan deputadu, José Virgílio, iha nia intervensaun plenária, Segunda (20/07/2020), iha Parlamentu Nasionál (PN).

Deputadu bankada CNRT ne’e haktuir, pagamentu ba idozu no inválidu sira seidauk realiza la’os iha Viqueque de’it, maibé iha fatin barak, ferik ho katuas sira kestiona, tanba liu ona fulan 6, maibé pagamentu seidauk halo.

“Oras ne’e idozu no invalidu sira preokupa, tanba sira hanoin Governu fó ona subsidiu agregadu familia dolar 200 ba kada familia, nune’e sira hanoin Governu la halo ona pagamentu subsidiu ba idozu no invalidu sira”.

Tanba ne’e, PN husu ba Governu liu husi ministériu relevante atu haree ba asuntu ida ne’e.

Hatán ba asuntu ne’e, Ministru Asuntu Parlamentar no Komunikasaun Sosial (MAPKS), Francisco Jerónimo, hateten, nia parte rejista hela preokupasaun deputadu sira ni’an, nune’e bele aprezenta ba ministériu relevante.

Enkuantu, kada tinan Governu liu husi MSSI halo pagamentu dala 2, iha fulan 6, subsidiu ba idozu no invalidu sira iha territoriu Timor, ba ferik ho katuas ne’ebé idade tama ona 60. Fel

Leave a Reply

Your email address will not be published. Required fields are marked *