JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deputadu sira aprova OJE privativu PN millaun USD 12 ba 2020

Deputadu sira aprova OJE privativu PN millaun USD 12  ba 2020

Deputadu sira iha Parlamentu Nasionál (PN) aprova Orsamentu Jerál Estadu (OJE) ba tinan 2020 privativu PN nian ho montante millaun USD 12, ne’ebé kompostu hosi saláriu vensimentu, kapitál menor, transferensia públika, bens servisu inklui kapitál dezenvolvimentu.

Sekretária Jerál PN, Cedelizia Fária dos Santos justifika, montante Orsamentu ne’ebé PN propoin, atu selu gastus hosi Janeiru to’o Jullu tinan ne’e, inklui dívidas balun hosi tinan 2019 nian.

 “Kapitál Menor ne’e ita atu selu dívidas ne’ebé mak rezulta hosi 2019, inklui mós montante kiik kuaze 3 mil tal ne’ebé sei selu mós iha kapitál dezenvolvimentu nian. Ida ne’e nia atividades halai ba dirasaun hotu iha PN nian, inklui mós atividades komisoens sira nian, hosi komisaun A to’o G, inklui KKFP nia programa, iha mós GMPTL, GOPAC no seluk tan, atividades ne’e hotu mak inklina iha laran.Maibe la inklui viajen estranjeiru, tanba ita hotu hatene situasaun agora ne’e”, Cedelizia Fária dos Santos, hato’o asuntu ne’e hafoin diskute no aprova OJE privativu ne’e iha PN, Segunda lorokraik (27/07/2020).

Tanba ne’e, nia parte garante Orsamentu refere sei ezekuta hotu, maioria sei halo pagamentus ba dívidas inklui  mós halo pagamentu ba gastus operasional ne’ebé mak ita ezekuta tiha ona.

 “Ami garantia katak sei ezekuta hotu, tanba maioria ne’e gastus tiha ona, nia gastus ne’e to’o tiha ona Juñu nian, tanba ne’e ami so inklui de’it atividades ne’ebé mak prevê ba fulan Jullu, tanba gastus ida konsidera ne’e to’o fulan Jullu de’it, maibe iha Jullu ne’e ita mós gastus tiha ona, inklui planu ba fulan Agostus ninian”,esplika Cedelizia dos Santos.

Lee hotu :   Transporta material eleisaun ba Munisípiu, STAE preokupa ho estrada no eletrisidade

Nia dehan, atividades ne’e maioria laba iha fulan Outubru Dezembru, tanba konsidera PN komesa dia 15 de Setembru no 15 de Outubru sei simu OJE tui-tuir malu.

“Dívidas iha kapitál menor nian kuaze $100 tál mil, no mós iha kapitál Dezenvolvimentu no bens servisu nia balun hodi selu Kuota ne’ebé mak PN iha, inklui manutensaun sira ne’ebé mak hosi parte IT nian halo, liu-liu ba anti virus sira ne’ebé mak instala”,tenik nia.

Sekretária Jerál ne’e sublina tan, OJE privativu ne’ebé aprovadu, sei haruka kedas ba governu iha loron 30 fulan ne’e, nune’e bele inklina iha proposta Orsamentu Jerál Estadu ne’ebé governu sei aprezenta hikas ba PN iha fulan Setembru.

“Montante bo’ot liu ne’e mak saláriu vensimentu, bens servisus, transferensia, tanba transferensia ne’e liu-liu ba bankada parlamentár sira hodi halo operasional,

Tanba ne’e, montante ki’ik liu mak kapitál dezenvolvimentu ho montante $3 mil tál de’it”,dehan nia.

Aleinde ne’e, prezidente komisaun C ne’ebé trata asuntu finansas públikas, Maria Angélica Rangel afirma, ba tinan 2021, governu haruka tetu fiskal ba PN ho montante $9 milloens liu, maibe PN aprova ho montante $12 milloens liu.

Tanba tetus fiskál ne’ebé governu fó labele responde hotu nesediades Parlamentu Nasionál nian.

“ Pakote fiskál ne’ebé mak governu fó mai ne’e, labele responde hotu saida mak PN iha, tanba ne’e mak iha tan adisional $2.8 milloens de dollar, hodi kompleta ba $12 milloens de dollar ne’e. ”esplika deputada Rangel iha diskusaun ne’e.

Entertantu Governu planeia sei aprezenta proposta OJE 2020 iha 15 fulan Setembru no Governu mós planeia atu aprezenta proposta OJE ba tinan 2021 iha fulan Outubru tinan ne’e.

Lee hotu :   PN presta omenajen ba saudozu La Sama

Ho nune’e, órgaun lejisladór ne’ebé ho autónomu Orsamentu ne’e mós iha hela prosesu preparasaun orsamentu privativu PN ba tinan 2021 nian, maske PN rasik seidauk simu tetu orsamentál hosi VIII Governu ba tinan 2021. Say

 

Add to Comments Here!!!!

error: Content is protected.
Secured By miniOrange
You might also like:
Asosiasaun Antigu Deputadu hasoru PR, Meja PN rahun triste bo’ot ba povu tomak

Reprezentante Asosiasaun Antigu Deputadu, José Nominando...

MSSI verifika ona lista reklamasaun ba subsídiu Governu

Diretór Jeral Ministériu Solidariedade Sosiál no...

Membru F-FDTL baku tan ema ida iha Manu-Metan Raihun

Membru   husi Komponente Naval FALINTIL...

Close