Deskonfia membru PNTL jura ba partidu KHUNTO, Vise Ministru Interior konsidera isu de’it

Vise Ministru Interiór, António Armindo, hateten, kona-ba deskonfia membru Polísia Nasionál Timor-Leste (PNTL) jura ba partidu KHUNTO, ne’e hanesan isu de’it.

Maske durante ne’e, preokupasaun barak hato’o husi sosiedade sira ne’ebé mak deskonfia membru PNTL balun halo juramentu hodi tama ba partidu KHUNTO. Maibé Visé Ministru Interiór rejeita informasaun ne’e no konsidera hanesan isu de’it, tanba seidauk iha faktu ruma mak hatudu.

“Buat ida deskonfia ne’e normal, ne’e situasaun polítika, balun bele la gosta hodi bobar malu, maibé nu’udar instituisaun nu’udar lideransa, ita tau aténsaun konsidera isu sira ne’e, mas buat hotu-hotu tuir nia regra, nia jura ka lae, ida ne’e prova mai husi investigasaun, buat ida duun malu ne’e bele individual mak gosta bobar malu ba to’o iha Komisáriu ba to’o iha públiku bele hatene. Ne’ebé konsidera hanesan isu”, esplika Vise Ministru Interiór, António Armindo, ba jornalista sira, Kinta (10/07/20), iha Kuartel Jerál PNTL, Kaikoli, Díli.

Antes ne’e, Komandante Jerál PNTLm Komisáriu Faustino da Costa, iha loron 2m  fulan Jullu ne’em hateten, deskonfia membru PNTL balun halo juramentu ba partidu KHUNTO no sei submete ba prosesu investigasaun. avi

Leave a Reply

Your email address will not be published. Required fields are marked *