JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN hakfodak ventiladór ba COVID-19 ida de’it

FRETILIN hakfodak ventiladór ba COVID-19 ida de’it

Deputada bankada FRETILIN, Maria Angélica dos Reis, hakfodak ho relatóriu Governu ne’ebé relata katak, iha ventiladór ida de’it ne’ebé uza hodi atende pasiente Corona Virus Disease (COVID-19).

“Parlamentu Nasionál (PN) aprova orsamentu transferénsia dalarua tui-tuir malu ba osan COVID-19 USD tokon 220, ita hatene katak iha parseiru balun fó apoiu ita, ohin kuandu halo aprezentasaun dehan ventiladór ne’e ida de’it, ami hakfodak, tanba ami aprova osan, maibé ventiladór apoiu husi Xina ne’e ida de’it. Iha primeiru levantamentu fundu petróleu eis Ministru Negósiu Estranjeiru no Kooperasaun (MNEK), Dioníso Babo Soares asina akordu ho UNDP atu halo akizasaun”, Deputada bankada FRETILIN ne’e liu husi ninia intervensaun  iha PN, Tersa (28-07-2020).

Maria afirma, PN aprova orsamentu transferénsia dalarua no hetan apoiu mós husi parseiru sira, maibé realidade ventiladór ida de’it, nune’e prosesu akizisaun ne’e ventiladór sira ne’e prosesu to’o ona iha ne’ebé.

“Sé ha’u la sala iha dokumentu osan por volta USD tokon 5.9 resin nia prosesu andamentu to’o iha ne’ebé, tanba ne’e mak ohin aprezenta relatóriu to’o agora ventiladór ida de’it ba iha kazu emerjénsia, ha’u komprende iha ventiladór fiksa no movel sira ne’e hira, razaun ha’u husu pergunta ne’e, tanba PN aprova osan hamutuk tokon 220 iha tabela free balance relata ami halo emprime kapasidade Governu to’o ohin loron foin maka atinji porsentu 48 ida ne’e kestionavel”, tenik  Deputada bankada FRETILIN ne’e.

Husi sorin seluk, Xefe bankada PD, Antonio da Conceicão “Kalohan”, mós kestiona kona-bá material COVID-19 nia prosesu akizasaun ne’e.

“Ita to’o ona iha ne’ebé, maske ohin iha iha relatóriu sita uitoan aprovizionamentu balun seidauk mai, pedidu balun figura balun mak halo mai ona fornese hahan no otél sira. Husu ba Governu uza orasmentu USD tokon 150 pagamentu, fora husi pagamentu ne’ebé mak hala’o tiha ona saída tan mak agora dau-daun sai kestaun“, tenik Kalohan.

Lee hotu :   PR sei partisipa enkontru anual ONU iha Setembru

Ministra Saúde (MS), Odete Maria Freitas Belo, klarifika katak, ventiladór ba COVID-19 hamutuk lima (5) iha Sentru Saúde Vera Cruz ne’ebé seidauk uza, tanba Timor-Leste laiha ona kazu COVID-19.

“Ita nia kontratu hamutuk ho UNDP iha faze primeiru sira haruka hela ai-moruk ba espesialista sira iha HNGV no faze segunda sira haruka tan ventiladór 5 ba iha Sentru Saúde Vera Cruz, ita la uza, tanba ita kazu laiha, ventiladór ida maka Doutor sira uza halo treinamentu ba iha ita nia médiku sira“, dehan Odete.

Entretantu, PN aprova primeira tranferénsia extraordinária ba fundu COVID-19 hamutuk USD tokon 150 no segunda tranferénsia extraordinária ho montante USD tokon 70 ba fundu COVID-19. ety

Add to Comments Here!!!!

error: Content is protected.
Secured By miniOrange
You might also like:
Konfrontu iha DIT, rezulta ema ida kanek todan

Abitante ida hetan sona hafoin konfrontu...

MF: Ema balun tenta hatama dokumentu hodi simu suplementu remuneratóriu

Ministru Finansas (MF), Fernando Hanjam, afirma,...

TL livre husi COVID-19, PM Taur: Moras ne’e mosu fali ita prontu kombate

Primeiru Ministru (PM), Taur Matan Ruak,...

Close