JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu prepara rihun USD 94 lori fila traballadór Timor-Oan husi Korea

Governu prepara rihun USD 94 lori fila traballadór Timor-Oan husi Korea

Governu prepara ona orsamentu rihun USD 94 atu selu aviaun lori fila traballadór Timor-Oan sira husi Korea du Sul, tanba sira nia kontratu remata ona.

“Bainhira COVID-19 lakon ona ne’e fó dalan, atu ita haruka traballadór sira ba servisu, no orsamentu ne’ebé mak Governu prepara atu lori Timor-Oan 86 fila aprovadu ona, maibé atu haruka fila sei iha prosesu, tamba situasaun seidauk la’o normál, liga ho COVID-19”, afirma, Sekretariu Estadu Formasaun Profísionál no Empregu, Alarico do Rosário, iha Palásiu Governu, Kinta (02/07/2020).

Governante ne’e hatutan, montante orsamentu ne’ebé mak atu lori traballadór Timor-Oan fila, hamutuk rihun USD 94 no traballadór ne’ebé servisu iha Korea hamutuk 86, maibé sei aumenta tan, tanba, Korea fo tempu ba Timor-Leste (TL) to’o loron 10, atu Timor-Oan ne’ebé kontratu mate tenki fila mai TL.

Governante ne’e relata liu tan, informasaun kona-ba traballadór Timor-Oan iha Austrália nia fixa mate ne’e lá loos, tamba ho situasaun COVID -19, SEFOPE halo komunikasaun ho kompañia  iha Austrália, oinsa mak bele estende tan traballadór hirak ne’e nia kontratu, maibé traballadór Timor-Oan balun hakarak estende no balun hakarak fila mai TL.

“Governu liu husi Ministériu Finansas aprova ona orsamentu, maibé ita sei halo hela negosiasaun atu aluga aviaun husi nasaun ne’ebé hodi tula Timor-Oan sira fila,” tenik, Alarico.

Iha fatin hanesan, Ministra Negósiu Estranjeiru no Kooperasaun, Adalgiza Magno, hateten, koordena ona ho embaixadora Timor-Leste iha Korea Sul, hodi fasilitia Timor-Oan hirak ne’e fila mai Timor-Leste, tanba sira nia kontratu remata ona.

“Ita tenki ajuda ita nia rai fasilita sira, tanba sira nia kontratu hotu ona, tanba sira laiha ona salariu atu simu, maibé traballadór hirak ne’e preparadu atu selu rasik aviaun mai to’o Singapura ou Indonézia, ita aluga aviaun atu sira mai ida ne’e sei iha opsaun,” informa, Adalgiza  Magno.

Lee hotu :   Assanami husu MTK kontrola kabu sub-marinu

Adalgiza Magno hatutan, Governu sei hein traballadór hirak ne’ebé, nia kontratu remata iha fulan ida ne’e, hafoin bele aluga aviaun hodi tula sira fila.

“Agora haree fali ba opsaun seluk, ami kordena ona embaixadora TL iha Korea du Sul, oinsa atu bele fasilita Timor-Oan hirak ne’e mai, ida ne’e sei hein, tanba iha traballadór balun nia kontratu sei remata iha fulan Jullu, agora Governu fasilita balun mai no balun sei iha ne’eba, tanbá ne’e sei hein traballadór hirak ne’ebé kontratu remata iha fulan ida ne’e hafoin Governu aluga aviaun hodi tula traballadór hirak ne’e,” tenik, Ministra Adalgiza.

Ministra ne’e afirma,Governu TL sei husu lisensa ba Korea, hodi lori fila traballadór Timor-Oan hirak ne’e.

“Kona-ba ida ne’e inisiativa ita nian, ne’e la’os inisiativa Korea nian no laiha ema ida mak fo ultimatu, Governu sei husu lisensa ba Governu Korea hodi lori Timoroan hirak ne’e fila, tanba ita mak sei hasai osan, maibé sei koalia ho Korea atu bele fo vistu ba traballdór hirak ne’e bainhira, sira halo tránzitu husi Korea mai Singapura”, Adalgiza haktuir. Cin

Add to Comments Here!!!!

error: Content is protected.
Secured By miniOrange
You might also like:
Faustino: Membru PNTL balun halo juramentu ba partidu sei prosesu hotu

Komandante Jerál Polísia Nasionál Timor-Leste (PNTL),...

Pagamentu atraza, kompañia 50 ezije MS halo klarifikasaun

Empreza 50 resin ezije hodi husu...

PM Taur: Ministériu sira tenke fó atensaun ba nesesidade povu

VIII Governu ne’ebé mak lidera husi...

Close