JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kumpri akordu ho Santa Sé, Semana oin PN aprova alterasaun lei migrasaun azilu

Kumpri akordu ho Santa Sé, Semana oin PN aprova alterasaun lei migrasaun azilu

Prezidente Parlamentu Nasionál (PPN), Aniceto Guterres, informa, semana oin PN sei aprova proposta primeiru alterasaun ba lei migrasaun Azilu (Lei de migração de asilo) ne’e, nu’udar devér ida atu implementa akordu ne’ebé Estadu Timor-Leste ho Santá Sé asina ona iha tinan 2015.

“Konkordata ne’ebé ami ko’alia kona-bá implementasaun konkordata, akoordu entre TimorL ho Santa Sé, konkordata ida ne’ebé uluk iha 2015 halo entre Estadu Timor-Leste ho Santa Sé,”,afirma Prezidente PN, Aniceto Guterres, ba jornalista sira, hafoin sorumutu ho reprezentante Santa Sé, iha PN, Kuarta-feira (16/07/2020).

Aniceto Guterres hateten, hanesan babain ratifikasaun kuandu iha ona, ne’e Estadu kompromete ona atu implementa no realiza saida mak iha akordu nia laran,

“Tanba agora dadauk ne’e iha proposta lei ida alterasaun ba lei migrasaun azilu, ne’ebé liga mós ho sidadaun estranjeirus nia tama ho sai, liu-liu relijiozu sira”,haktuir nia.

Nia dehan, tuir loloos depois de Estadu asina konkordata ne’e, ninia espíritu husi konkordata nene’e tenke reflete iha kualker lei ne’ebé Estadu halo.

“Tanba ne’e mak agora proposta ida iha hela PN ne’e, kona-bá alterasaun ida ne’e, tanba ne’e mak reprezentante hosi Santa Sé mós mai hato’o sira nia hanoin oinsa mak konkordata ninia letra ho ninia espíritu nene’e bele refleta ba lei ida ne’e mós”,sublinha Aniceto Guterres.

Líder órgaun lejisladór ne’e subliña, intensaun governu hodi husu halo alterasaun, nune’e bele fó biban ba misionáriu sira tama mai TL ho vistu tempu naruk.

“Ha’u intende parte hosi medidas preventivas restrisaun iha atu preven COVID-19 ninian ne’e, parese governu hakarak aplika restrisoens balun tan, kona-bá entrada no saida ba sidadaun estranjeirus nian, inkluindu relijiozu estranjeiru sira, ho sira nia permanense iha ne’e, maibe intensaun hosi governu atu halo alterasaun ne’e ha’u lahatene”,afirma nia.

Lee hotu :   Ramos Horta husu ministru-deputadu hamenus viajen estranjeiru

Nune’e prosesu la’o hela iha komisaun espesializadas permanentes, komisaun sei halo hela relatoriu pareser inklui audiensia ho membru governu.

Proposta alterasaun ne’e ajenda ona ba plenária Tersa-feira semana oin, hodi diskute no aprova iha jeneralidade, tanba altersaun ne’e iha artigu tolu de’it, tanba ne’e bele mós kontinua kedas ho espesialidade no finál global,”tenik Eis xefe bankada Fretilin ne’e.

Iha biban hanesan,reprezentante Santa Sé, Nunsiu Apostóliku Monseñor Marco Sprizzi, hateten proposta primeira alterasaun ba lei númeru 11/2017, loron 24 fulan Maiu kona-bá lei migrasaun azilu ne’e, baixa ba komisaun A no B, liuhosi plenária, Segunda loron 13 fulan Jullu ne’e.

“Enkontru ida ne’e hanesan enkontru kortezia ho PPN foun hanesan institusaun sentrál ba demokrasia ba estadu Timor-Leste hanesan estadu demokrátiku. Entaun enkontru ida ne’e hanesan prazer ida mai hau no hanesan obrigasaun atu vizita órgaun estadu ida ne’e no fó ha’u nia apoiu husi  Santa Sé husi Santo Padre Papa Francisco ba funsionamentu demokrátiku  husi instituisaun repúblikana no demokrátika sira iha Timor-leste,”haklean reprezentante Santa Sé.

Nunsiu Apostóliku Monseñor Marco Sprizzi hatete,iha sorumutu refere ko’alia kona-bá mudansa lei ba prezensa misionáriu estranjeiru sira iha Timor-Leste ba tempu naruk nian.

“Misináriu sira ne’e mai iha ne’e hodi serví ba povu, espesialmente ba ema ki’ak sira, ba idozu no labarik sira, além de ne’e ba mós edukasaun no saúde.  Maibe missináriu sira ne’e dalaruma sira iha vistu ho durasaun tempu ne’ebé maka badak tebes, maske iha konkordata  entre Vátikanu ho Timor-Leste ne’ebé ko’alia kona-bá vistu longu prazu ba missináriu sira”,afirma Nunsiu Apostóliku Monseñor Marco Sprizzi.

Lee hotu :   PN husu Governu indika jestór diak ba RAEOA tuir estatutu espesial

Nia dehan, parte Santa Sé ko’alia asuntu ne’e atu PN Timor-Leste nian ne’ebé iha tinan 2015 aprova ona ho unanimidade konkordata entre Timor-Lest ho Santa Sé ne’e atu nune’e bele debate no aprova mudansa ba lei ida ne’e.

“Buat sira ne’e hotu sempre iha atmôsfera ida ne’ebé ho grande respeitu no apoiu boot husi parte Santa Sé ba dezenvolvimentu Timor-Leste nian ne’ebé agora la’o dadaun, esperansa Santa Sé nian katak Parlamentu Nasional  kontinua halo lei no fiskaliza ba interrese povu nian”,akresenta Monsiñor Marco.

Aleinde ne’e, reprezentante Santa sé ne’e garante, uma fukun PN ne’ebé nu’udar fatin reprezentante povu nian, sei kontinua kuda espíritu demokrátiku ne’ebé sem iha violensia no diskute liu ba interese ba povu nian .

“Ha’u nia esperansa katak Parlamentu Nasional kontinua sai nafatin orgaun demokrátiku soberanu Estadu nian, iha esperiensia bo’ot kona-bá demokrasia no ita laiha tauk konaba argumentasaun  demokrátika no até konflitu demokrátika ita la devia iha eskândalu tauk to’o momentu ida ne’e ida bele dehan katak ita forte no nunka iha violensia ida”,salient nia.

Dadaun ne’e PN sei diskute hela iha komisaun B ne’ebé trata asuntu defeza, seguransa ho negosiu estranjeiru inklui komisaun A ne’ebé toma konta asuntu justisa no konstitusionais.Say

Add to Comments Here!!!!

error: Content is protected.
Secured By miniOrange
You might also like:
PNTL la autoriza manifestasaun kontra Lú Olo

Komandante Jeral Polisia Nasional Timor Leste...

PM Taur: Seidauk iha ema ida troka Xanana Gusmão

Primeiru Ministru (PM), Taur Matan Ruak,...

Fó servisu ba joven 60.000 la realiza, Sosiedade sivíl konsidera VIII Governu inkapasidade

Kampu traballu 60.000 ba joven sira...

Close