JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Limita direitu no liberdade, PR veta dekretu vijilánsia sanitáriu

Limita direitu no liberdade, PR veta dekretu vijilánsia sanitáriu

Prezidente Repúblika (PR), Francisco Guterres “Lú Olo”, iha Segunda, loron 27, fulan ne’e, veta dekretu lei kona-bá rejime jurídiku vijilánsia epidemiolójika no vijilánsia sanitaria, tanba la tuir konstituisaun RDTL.

Tuir publikasaun komunikadu imprensa ne’ebé GMN asesu husi gabinete média Prezidensia Repúblika katak, Konsellu Ministru (KM) aprova dekretu lei ne’e iha loron 17, fulan Juñu liu bá, ne’ebé aprezenta husi Ministériu Saúde (MS) kona-bá rejime jurídiku ba vijilánsia epidemiolójika no vijilánsia sanitária.

Husi dekretu lei ne’e Governu, liu husi MS hakarak hatuur regra kona-bá oinsá proteje no promove saúde públika, liu-liu kona-bá moras sira ne’ebé hada’et husi ema ba ema (Infecto-Contagiosa-red).

Iha loron 25, fulan Juñu, tinan ne’e, Governu haruka diploma ne’e ba PR, atu bele intende artigu sira iha diploma ne’e haktuir ona konstituisaun RDTL ou lae.

Maibé Xefe Estadu haruka fali diploma ne’e ba Tribunál Rekursu (TR) hodi halo fiskalizasaun preventiva konstitusionalidade katak, instánsia ne’e presiza haree uluk, sé diploma ne’e tuir konstituisaun RDTL, iha artigu 85, alínea (e), iha artigu 149 númeru 1, konjuga hamutuk ho artigu 164 no artigu 126 númeru 1, alínea (b).

PR Lú Olo husu atu haree di-di’ak diploma husi Governu iha artigu 16, artigu 25, artigu 27, artigu 28 no artigu 29 katak, dekretu lei ne’e limita direitu liberdade no garantia ne’ebé konstituisaun RDTL fó ba ema ne’ebé tuir loloos Parlamentu Nasionál (PN) mak iha kompeténsia ba halo ida ne’e, la’ós Governu nia kompeténsia.

“PR husu atu haree di-diak diploma husi Governu iha artigu tuir mai, artigu 16 kona-bá vijilánsia ba kontaktu iha komunidade (la hateten loloos sá medida “restrisaun sosiál” mak foti), medida vijilánsia sanitária ordinária kona tratamentu obrigatóriu previstu iha artigu 25, medida vijilánsia sanitária estraordinária previstu iha artigu 27, (obrigadu sulan-an iha uma iha área afetada, konfinamentu obrigatóriu ba grupu ema iha lokál, edifísiu ka meius transporte, serka sanitária sira, rekizisaun beins, estabelesimentu, servisu no profissionais saúde), deklarasaun  grave emerjénsia saúde públika prevista iha artigu 28 no medida restrisaun ba sirkulasaun iha luron ne’ebé bele akompaña mós ho kuarentena obrigatória no serka sanitária previstu iha artigu 29”.

Lee hotu :   PD sei hari Plaza iha Becora

Alende ne’e, TR mós konsidera dekretu lei ne’e inkonstitusionál, tanba iha artigu balun fó implikasaun ba direitu, liberdade sirkulasaun sidadaun ni’an.

Tanba ne’e, TR mós konsidera atu limite direitu, liberdade sidadaun ni’an ne’e kompeténsia PN ni’an bele regula husi lei, la’ós dekretu Governu.

Haree ba akórdaun no mós ba númeru 4, artigu 88 no númeru 3 artigu 149 konstituisaun RDTL, PR veta juridikamente dekretu lei ne’e, tanba dekretu lei ne’e la hatuir konstituisaun RDTL. san

Add to Comments Here!!!!

error: Content is protected.
Secured By miniOrange
You might also like:
FRETILIN prefere uza liafuan solidariedade ba asaun Xanana

Bankada FRETILIN iha uma fukun Parlamentu...

PPN sei hato’o diskursu iha treseira lejislatura inísiu sesaun lejislativa

Xefe Bankada FRETILIN, Francisco Miranda Branco,...

DNAS sei rezolve beemoos iha área remotas

Governu liu husi Diresaun Nasional Água...

Close