JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MOP Salvador Pires: “Komunidade tenke selu kontadór USD 36 atu sustenta operasaun eletrisidade”

MOP Salvador Pires: “Komunidade tenke selu kontadór USD 36 atu sustenta operasaun eletrisidade”

Ministru Obras Públika (MOP), Salvador Soares Dos Reis Pires, hateten, kontadór ne’ebé tékniku EDTL instala iha kada uma kain, konsumidor sira tenki selu USD36, tamba osa ne’e atu sustenta operasaun eletrisidade.

Governante ne’e hato’o lia hirak ne’e ba JNDiário, Segunda (20/07), relasiona ho lamentasaun komunidade ni’an ba ekipa EDTL ne’ebe tun ba komunidade hodi instala kontador prepagu foun hodi kobra USD36.

“Ha’u hanoin iha EDTL rasik iha prosedimentu, atividade ne’e para atu instala kontadór ba ita nia konsumidor sira, tamba durante ne’e ita nia rendimentu husi eletrisidade ne’e rasik 33 Milhoes. Tamba ne’e Governu esforsu instala nune’e ita nia konsumidores ne’ebé uza enerjia komesa husi EDTL bele selu fornese atu bele sustenta fali operasaun husi EDTL ne’e rasik”, dehan  MOP ne’e.

Salvador, akresenta, prezensa tékniku EDTL sira iha suku, aldeia no bairu sira atu monta prepagu ba kada uma-kain, konsumidor sira iha obrigatoriu atu selu osan USD 36, tamba osan ne’e atu sustenta operasaun eletrisidade ni’an.

Governante ne’e rekoñese, komunidade  nia lamentasaun kona-bá tekniku EDTL sira derpente tu’un hodi monta prepagu, no ezije komunidade atu halo kedas pagamentu ne’e hanesan erru ida, tamba falla kontrolu husi Xefe Ekipa Tekniku Inspeksaun kontadór EDTL ni’an.

Antes ne’e, komunidade  no  autoridade lokal aldeia Suku Laran, suku Camea, postu administrativu Cristo Rei, munisípiu Díli lamenta ho tékniku EDTL, ne’ebé halo kobransa osan ba komunidade, maibé laiha resibu.

Antes ne’e mós, Xefe Ekipa Tekniku inspeksaun kontador EDTL, Domingos da Costa promete ona hodi buka tuir pesoal tékniku sira ne’ebé halo servisu la tuir regras atu fó sansaun.

Lee hotu :   Aurélio Guterres: Baze ekonomia TL la’os mina-rai

Tuir planu ekipa tékniku EDTL sira sei monta konta prepagu hamutuk 190 ba família uma-kain 176.

Montajen ba kontador prepagu foun ne’e, Ministériu Obras Públikas kontrata kompañia Jet Electrik. Tos

Add to Comments Here!!!!

error: Content is protected.
Secured By miniOrange
You might also like:
KHUNTO: MEJD presiza tetu molok foti impréstimu USD millaun15 husi Banku Mundial

Deputadu bankada Khunto, Antonio Verdial, husu...

Juventude sira prontu rekonstrui uma tradisionál Lautém

FOTO: MEDSOS Juventude Munisípiu Lautém iha...

Luis husu deskulpa ba igreza-sarani Katólika

Deputadu bankada Kmanek Haburas Unidade Nasionál...

Close