JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MPRM: Substitui Xanana depende ba nesesidade

MPRM: Substitui Xanana depende ba nesesidade

Ministru Petróleu Rekursu no Minerais (MPRM), Víctor da Conceição Soares, hateten, bainhira Governu atu hili ema seluk hodi troka, Eis Xefe Negosiadór Fronteira Maritima (FM), Kay Rala Xanana Gusmão, nia fatin, ne’e depende ba nesesidade.

“Negosiasaun fronteira maritima ne’e rezolvidu ona, ho akordu ida ne’ebé halo iha Nova Yorke, kona-ba projetu tasi mane, tuir ha’u nia haree ne’e kestaun tekniku, negosiu entre empreza Timor Gap ho empreza ne’ebé atu servisu hamutuk ne’e klaru,” dehan, Ministru Petróleu Rekursu no Minerais, Víctor da Conceição Soares, iha Palásiu Governu, Kinta (23/07/2020).

Governante ne’e subliña, enkuantu empreza rua ne’e, sei iha konfiansa para servisu hamutuk, ne’e laiha problema, tamba ne’e ho rezignasaun husi Eis Xefe Negosiadór Fronteira Maritima, Kay Rala Xanana Gusmão la implika ba servisu hirak ne’e.

Ministru ne’e hatutan, nia implikasaun ne’e karik mosu hanoin husi jornalista sira ou públiku, kona-ba polítika ne’e influensia ba negosiu karik, maibé negosiu ne’e sei la implika.

“Sé ita rua halai hamutuk hodi halo negosiu, bainhira rezultadu negosiu ne’e fó lukru ba ita, laiha ema ida lakon, ida ne’e mak ita hakarak, bainhira negosiu ne’e mai para halo lakon fila-fali ita, ida ne’e sé mak hakarak,” tenik, Ministru MPRM ne’e.

Ministru Víctor subliña, tamba ne’e, kona-ba iha ema ruma atu troka ou lae, ne’e depende nesesidade, bainhira ita nia Timor Gap ho parseiru ne’ebé servisu hamutuk, no presiza katuas ruma hodi ajuda, ne’e ekipa tekniku mak bele fo hatene mai Governu hodi bele hili ema.

“Ha’u hanoin bainhira atu troka Eis Xefe Negosiadór Fronteira Maritima, Kay Rala Xanana Gusmão, haree ba nesesidade, tamba ita halo negosiu, bainhira parte rua sente katak laiha nesesidade tenke iha ema ida, atu ajuda sira entaun sira rua bele la’o” afirma, Governante ne’e.

Lee hotu :   Estadu tenke kuidadu iha desizaun polítika hodi defende rikusoin TL

Ministru Víctor esplika liu tan, prosesu negosiasaun agora sei la’o, maibé kazu Covid-19 iha TL laiha, maibe iha Australia Covid aumenta ho ida ne’e, sira labele mai, maibé Timor-Leste (TL) kontinua nafatin, atu negosiaun kona-ba Greater Sunrise dau-daun ne’e, iha rejime rua katak parte sorin TL nian, no metade ne’e Australia nia soberania.

“Negosia ne’ebé ita halo iha ne’eba oinsa nasaun rua bele tau hamutuk sai rejime ida deit mak regula, tamba ida ne’e tekniku barak seidauk halo negosiasaun tamba, COVID bainhira virus ne’e para tekniku sira sei tur hamutuk hodi diskute, hodi tau rejime rua ne’e sai ida deit, atu nune’e regula sira saida deit, hodi halo dezenvolvimentu,” afirma, Ministru Víctor.

Semana oin Governu nomeia Prezidente ANPM foun

Semana oin Governu sei halo nomeiasaun foun, ba Prezidente Autoridade Nasionál Petróleu no Minerais (ANPM), tamba, Prezidente autoridade nasionál petróleu no minerál aktual, Gualdino do Carmo da Silva, nia mandatu remata ona iha loron (30/06/3030).

“Prezidente atual ANPM ninian mandatu hotu ona iha loron 30 Juñu liu ba, tamba ne’e sei halo nomeiasaun ne’e normal bele akontese, kuandu ema ida mandatu hotu ona ita bele halo nomeiasaun fali, nomeiasaun semana oin bele halo ona,” hateten, Ministru Petróleu Rekursu no Minerais (MPRM), Víctor da Conceição Soares, iha Palásiu Governu, Kinta (23/07/2020).

Governante ne’e esplika, konserteza Timor-Oan sira iha ANPM ne’e profesional barak, tamba ne’e, labele duvida semana oin sei hatene, kona-ba ema sé mak sei troka.

“Ha’u lakohi temi kandidatu, tamba sei iha prosesu laran, bainhira halo nomeiasaun ba ema ida, sei lori mai Konsellu Ministru, hodi halo deliberasaun, ida ne’e foin bele hatene ema ne’e, tamba ne’e, Governu sempre hili ema ida diak liu, labele tinan barak ona atu hili fila-fali ida pior ne’e laiha, Governu ida ne’e atu halo sasan diak liu,” dehan, Ministru Petróleu Víctor. Cin

Add to Comments Here!!!!

error: Content is protected.
Secured By miniOrange
You might also like:
Pilotu iha estranjeiru, operasaun domestika labele realiza

Ministru Transporte no Komunikasaun (MTK), José...

Eskola balun seidauk reativa, posibilidade hahú iha 2021

Ministru Edukasaun, Juventude no Desportu, Armindo...

TDD sei aplika turnu ba juíz sira durante ferias judisiáriu

Relasiona ho ferias judisiáriu ne’ebé kada...

Close