JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: Funsionáriu hotu tenke kontribui ba MI nia susesu

PM Taur: Funsionáriu hotu tenke kontribui ba MI nia susesu

Primeiru Ministru (PM) nomos Ministru Interior, Taur Matan Ruak, kompremetidu sei kontinua servisu ne’ebé, Ministru Interior  Interinu sesante Filomeno Paixão hala’o ona, no husu atu funsionáriu hotu tenke fó kontribuisuan no servisu ho disiplina lori Ministériu Interior(MI) ba bem estar.

Ministru Interior, Taur Matan Ruak hateten, instituisaun ida ne’e importante tebes tamba Estadu hotu iha mundu, ho objetivu rua seguransa no bem estar,  balun hanoin katak seguransa la presiza, tamba, bem estar iha ne’e signifika katak ema hotu kontenti no konsidera seguransa iha.

“Seguransa iha relasaun ho ita nia estabilidade, soberania no integridade teritorial, iha relasaun ho prezensa polítika nian,  ho ida ne’e instituisaun seguransa no defeza ida ne’e importante, tamba nia tau matan ba ita nia seguransa, no bainhira mosu kazu ruma sira mak hamrik iha oin hodi defende ita nia nasaun,” afirma, Primeiru Ministru no Ministru Interior, Taur Matan Ruak, iha Edífisiu Ministériu Interior,Vila-Verde, Tersa (30/06/2020).

Governante ne’e hatutan, MI nia funsaun atu presta servisu ba instituisaun sira ne’ebé hamrik iha oin, atu bele halo servisu diak, no kumpri funsaun  ne’ebé Estadu fó no tau matan ba, migrasaun, PNTL, Bombeirus, Seguransa Sivil,  nia servisu.

“Instituisaun ida ne’e la’os harii iha ha’u nia tempu agora mai ne’e, ho ida ne’e ita bele hatutan buat diak ne’ebé mak halo ona, no ida ne’ebé ladun diak ita hadia, no ida  ne’ebé ladiak ita hasai, hodi fó kontribuisuan ba ita nia dezenvolvimentu ita nia nasaun, ita hotu bele fó kontribuisaun to’o rohan hodi hetan susesu,” akresenta, Taur Matan Ruak.

Taur subliña liutan, lori familia bo’ot MI  nia naran, agradese ba Ministru Interior Interinu sesante, ne’ebé mak durante ne’e ezerse papel hanesan Ministru Interior Interinu.

Lee hotu :   CNRT lahatene dívidas US$ 1.6 biloens

“Ha’u kontenti atu servisu hamutuk nafatin ho MD, Komisariu PNTL, Sekretariu Estadu, inklui Diretores no funsionariu sira hotu,” tenik Taur Matan Ruak.

Iha fatin hanesan, Ministru Interior Interinu Sesante, Filomeno Paixão relata, servisu Ministériu Interior ne’e todan, durante tinan rua iha ne’e, halo esforsu masimu bele hetan mos produtu masimu, MI iha diresaun importante 3, Finansas, Migrasaun no Protesaun Sivil.

“Ita tenki agradese ba Eis Sekretariu Estadu Protesaun Sivil, tamba halo servisu todan ho fuan, durante ne’e tau matan ba inundasaun, no insendiu ne’ebé akontese iha fatin-fatin,” haktuir, Filomeno Paixão.

Filomenu esplika, iha institusaun PNTL presiza iha lei organika, atu bele re-defini no estuda fali, misaun espesifika ne’ebé fó ba unidade PNTL, koresponde ho situasuan real ka lae, bainhira koalia kona-ba formasaun, ekipamentus infra-estrurura koalia mós kona-ba kapasidade.

“Ha’u prontu atu kolabora ho Vise Ministru Interior, no Komando PNTL hodi komanda diak liu tan forsa rua nia servisu, emtermus ekipamentus, bele kuidadu forsa rua ne’e atu, ida labele hetan previlejiu liu fali ida,” afirma, Ministru Defeza Fimomeno.Cin

Add to Comments Here!!!!

error: Content is protected.
Secured By miniOrange
You might also like:
PTR: Kazu pendente iha TR falta de’it sia

Prezidente Tribunal Rekursu (PTR), Deolindo dos...

Lere husu Governu fó autónomu orsamentu ba F-FDTL ■Ofisiál F-FDTL preparadu atu jere osan rasik

Xefe Estadu Maior F-FDTL Majór Jenerál...

Austrália apoia radio komunikasaun 100 ba F-FDTL

Governu Austrália, liu hosi nia embaixada...

Close