JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Rui Gomes aprezenta rekomendasaun medida kurtu prazu ba KM

Rui Gomes aprezenta rekomendasaun medida kurtu prazu ba KM

Prezidente Komisaun ba Eleborasaun Planu Rekuperasaun Ekonómika (PKEPRE), Rui Augusto Gomes, iha reuniaun Konsellu Ministru (KM) aprezenta rekomendasaun medida  kurtu prazu iha faze dahuluk  mitigasaun husi impaktu  krize COVID-19.

“Durante aprezentasaun, Prezidente Komisaun aprezenta dadus husi konjuntura internasionál ne’ebé COVID-19 afeta iha nível mundial ba rendimentu ho kontratasaun boot ba atividade ekonómiku hahú ho depresaun  boot”, Ministru Prezidensia Konselhu Ministru, Fidelis Leite Magalhães, ba jornalista sira Kuarta (08/07/2020) iha Palásiu Governu, Díli.

Ministru Prezidensia KM ne’e haktuir, rekomendasaun medida kurtu prazu hahú husi fulan Jullu to’o fim de ano. KM rona rekomendasaun hirak ne’ebé PKEPRE aprezenta no KM iha tempu semana ida hodi estuda didiak medida rekomendasaun hirak ne’e.

“Iha semana oin KM bele halo deliberasaun ba rekomendasaun, ne’ebé aprezenta hosi Komisaun ba Eleborasaun Planu Rekuperasaun Ekonómika. Iha aprezentasaun ne’e koalia mós kona-ba kontestu Timor-Leste  nian diagnóstiku ba situasaun ekonómiku sosial  iha paíz ne’e molok COVID-19 fó impaktu foun ba Timor-Leste”, afirma Fidelis.

Governante ne’e subliña, haree ba medida hirak ne’ebé Governu adopta ona durante vijénsia Estadu Emerjénsia kontribui tebes hodi asegura postu servisu no apoia empreza, inklui mantein nível konsumu ba traballdór no ba família sira prevé nesesidade atu mantein ka kria medida foun iha tinan 2020.

“Apoia no hatán ba nesesidade bázika sidadaun sira ni’an, apoia traballadór sira iha setór informal, mantein postu traballu no rendimentu no mantein empreza sira ne’ebé iha ona merkadu. Governu sei kontinua análiza rekomendasaun sira husi komisaun ho objetivu deside medida kurtu prazu hirak ne’ebé sei implementa iha tinan 2020, hodi haree ba mitigasaun ba impaktu husi krize COVID-19 ni’an,” tenik nia. Fel

Lee hotu :   Veteranu TL hasoru malu ho Governadora Tasmania

Add to Comments Here!!!!

error: Content is protected.
Secured By miniOrange
You might also like:
Abitante Costa ezije direitu kompensasaun husi grande projetu pilótu Hotel Bintang Lima

Abitante suku Costa, bairu Kael, Tono...

Prontu debate ho amu sira, Lere: Naimori hanoin sala ona

Xefe Estadu Maior Falintil Forsa Defeza...

Prosesu Ró Haksolok, Governu entrega responsabilidade ba RAEOA

VIII Governu Konstituisionál deside entrega prosesu...

Close