Setembru ró Nakroma 2 sei to’o TL

Prosesu konstrusaun ró Nakroma 2 sei finaliza iha fulan Agostu no ró ne’e sei to’o iha Timor-Leste (TL), iha fulan Setembru, tinan ne’e.

Ministru Transporte no Komunikasaun (MTK), José Agustinho da Silva, hateten, prosesu konstrusaun ró nakroma 2 dau-daun ne’e la’o hela no sei finaliza iha fulan Agostu, tinan ne’e, ró nakroma 2 ne’e bainhira to’o TL sei halo operasaun ba munisípiu 6.

“Ró nakroma nia konstrusaun oras ne’e la’o hela iha progresu on going hela hala’o iha Xina tuir planu eskedul ró ne’e sei remata nia konstrusaun iha fulan Agostu, tantu iha ne’eba ró ne’e sei to’o iha Timor, entaun agora ita tenke antisipa lojistika, ita oinsa kria kondisaun agora polítika ne’e dehan atu loke liña marítima norte no sul, hodi fasilita ita nia populasaun, agora infraestrutura ita tenke haree portu rejional sira ne’ebé mak bele fasilita ró opera ba ne’eba oinsa”, dehan, Ministru Transporte no Komunikasaun, Jose Agustinho da Silva, iha Caicoli, Kinta (23/07).

Orsamentu ne’ebé gasta ba konstrusaun ró Nakroma 2 ne’e ho montante besik USD tokon 15, mai husi Governu Timor-Leste no Euro tokon 7 mai husi Governu Alemaña. Ina