Timor-Leste sei ratifika akordu servisu aéreo ho Austrália

Governu Timor-Leste sei ratifika akordu servisu séreo ho Austrália, hodi asegura liu tan nível seguransa no protesaun internasionál kona-ba ameasa kontra seguransa aviaun.
Konsellu Ministru iha Kuarta (22-07) aprova ona projetu proposta rezolusaun ne’ebé aprezenta husi Ministra Negósiu Estrangeiru no Kooperasaun, Adaljiza Magno kona-ba ratifikasaun akordu servisu aéreo entre Governu Timor-Leste ho Austrália. Akordu ne’e sei asegura liu tan nível seguransa no protesaun internasionál hodi reafirma preokupasaun sira kona-ba ameasa kontra seguransa aviaun ni’an. Liu-liu kona-ba ameasa ne’ebé fó risku ba ema, propriedade no seguransa ne’ebé afeta maka’as ba funsionamentu transporte aéreo no konfiasa públiku ba seguransa aviasaun sivíl.
“Ohin Konsellu Ministru mos aprova proposta rezolusaun ne’e sei apresenta ba Parlamentu Nasional kona-ba ratifikasaun akordu servisu aéreo entre Governu Timor-Leste no Austrália. Quer dizer Governu aprova rezolusaun ida depois haruka ba Parlamentu para bele halo ratifikasaun. Akordu ida ne’e kona-ba servisu aviaun ni’an entre Timor-Leste no Austrália”, hateten Ministru Prezidénsia Konsellu Ministru (MPKM), Fidélis Magalhães.
Akordu ida ne’e sei promove mós sistema aviasaun internasionál ida ne’ebé bazeia ba konkorénsia entre empreza transporte aéreo sira iha merkadu. Alende ne’e, atu enkoraja empreza sira ne’e atu dezenvolve no implementa servisu hirak ne’ebé kompetitivu no inovadór. Oct
Add to Comments Here!!!!