VMI promete 2021 reforma regra operasionál PNTL

 Vise Ministru Interior (VMI), António Armindo, kompremetidu, ba tinan oin 2021 sei halo reforma ba regra operasionál Polisia Nasionál Timor-Leste (PNTL), atu bele diminui risku uza veikulu la tuir dalan.

“Agora dau-daun ita haree hela ba reformasaun ba lei, hodi nune’e ba futuru ita bele hadi’a, ita nia hakarak ema uza veikulu no kombustivel, tenke ho kuidadu, ita hanoin hela atu hadi’a lei operasionál balun, atu bele diminui risku uza veikulu arbiru,” dehan, Vise Ministru Interior, António Armindo, iha Palásiu Governu, foin la-lais ne’e.

Governante ne’e subliña, iha tinan 2020 sei preve Orsamentu Jerál Estadu (OJE), hodi selu dívida iha PNTL ne’ebé to’o oras ne’e seidauk selu.

“Prioridade ministériu interiór nian mak tenke selu ona dívida PNTL ni’an, nune’e ba OJE 2021 bele foka de’it ba dezenvolvimentu infraestrutura, dívida PNTL tinan 2020 ni’an tenke selu, la’os PNTL de’it, hotu-hotu ne’ebé mak nia dívida iha ne’e 2020 ita selu ona, para 2021 ne’e hala’i ba infraestrutura, depois tinan tuir mai ita sei haree fali buat seluk,” afirma, Vise Ministru Interior ne’e.

Vise Ministru ne’e esplika liu tan, dívida ne’e barak iha manutensaun ba veíkulu, manutensaun internet, CCTV sira ne’ebé monta hela, liga tiha, depois dezliga tiha, tanba dívida seidauk selu, totál la lembra mais iha dívida barak balun hahú husi 2015 to’o agora. Cin

Leave a Reply

Your email address will not be published. Required fields are marked *