JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aniversáriu FALINTIL ba dala 45, L-7 husu Governu aloka osan iha OJE 2021 rekolla restus mortais

Aniversáriu FALINTIL ba dala 45, L-7 husu Governu aloka osan iha OJE 2021 rekolla restus mortais

Veteranu kombatente, atúal deputadu PLP, Cornelio Gama “L-7”, husu Governu da-ualu ne’ebé lidera hosi Primeiru Ministru (PM), Taur Matan Ruak, atu tau prioridade rekolla restus mortais nu’udár prioridade iha planu programa Orsamentu Jerál Estadu (OJE) tinan 2021, hodi aloka ba rekolla restus mortais ne’ebé sei namkari iha teritóriu Timor laran tomak.

Ho razaun atu bele haloot eroi sira iha fatin ne’ebé dignu, hodi fó onra ba sakrifísiu saudozu funu-na’in FALINTIL sira ni’an.

“Restus mortais sira be namkari iha fatin-fatin ne’e, ita haree hanesan fali izoladu demais, ita la hanoin hetan fali sira nia terus ne’e. Primeiru ami iha Laga dezde tinan 2000, komesa hasai restus mortais iha ne’ebá kuaze 20 anus tiha ona, iha fatin hotu-hotu, tanba ne’e husu atu iha tinan 2021 aloka osan hodi rekolla hotu restus mortais para tau iha fatin ne’ebé dignu, ne’e para ita tenke respeita mós sira”, deklara eis guerilleiru Cornelio L-7, iha plenária komisaun permanente, Kuarta (19/08/2020).

Tuir L-7, komemorasaun loron FALINTIL ba dala 45 ne’e nu’udár oportunidade atu tau atensaun mós ba funu-na’in sira ne’ebé lian la’ek iha teritóriu Timor laran tomak.

“Koalia kona-bá sira moris ne’e, balun ba halo toos no natar no balun tuku lata sira ne’e, maioria sira analfabetu de’it, sira atu koalia saída ba Governu hodi tau matan ba sira, sé sira hanesan kuarta klase sira ne’e karik sira mós bele koalia buat ruma ba Estadu, maibé tanba sira analfabetu, entaun sira garante katak ukun ona Estadu bele haree sira, halo netik uma no hola netik kareta ida atu oan sira tula ba pasiar netik”, dehan deputadu L-7.

Lee hotu :   FDD seidauk foti desizaun ,konabá kontaktu informal husi FRETILIN

“Iha loron 20 de Agostu tinan kotuk liu ba, ami ba Austrália hatais tan farda, ami foti liman ba bus, veteranu sira iha ne’ebá husu fali dehan imi funu nain mós imi nia kareta laiha ne’e, hamri’ik tu-tuir iha dalan ne’e. Ho ida ne’e ita presiza haree mós sira ne’ebé iha área rurál, iha munisípiu sira hotu, tanba ita haree sira ita moe fali, propriu ha’u sira-nia komandante ne’e rasik, tanba sira husu mai ha‘u oinsa, maibé hatán katak ita hotu hamutuk sei bele buka dalan”.

Veteranu ne’e mós sujere ba Governu, atu dezenvolve uma antigu sira ne’ebé sei abandona iha teritóriu Timor laran tomak, sai muzeu, hodi rekolla ekipamentu istóriku sira ne’ebé uluk FALINTIL sira uza durante funu ba libertasaun nasionál.

“Kada munisípiu tenke iha muzeu para hatama relatóriu ka istória sira ne’e no rekolla sasán istóriku sira ne’e, hodi ita-nia oan no bei-oan sira bele haree hanesan istória ida, liu-liu uma antigu Portugés ni’an sira ne’e, bele halo muzeu di-di’ak, para hetan vizita hanesan fatin turístiku mós”, afirma L-7.

Alende ne’e, Prezidente Parlamentu Nasionál (PPN), Aniceto Guterres Lopes, lori Parlamentu nia naran, hato’o felisitasaun ba funu-na’in sira ne’ebé selebra aniversáriu loron FALINTIL 20 de Agostu, tinan 1975-2020 ne’e.

“Parabéns ba sira ne’ebé ohin loron sei moris nu’udár veteranus, hodi kontinua kontribui nafatin ba dezenvolvimentu iha ita-nia rai, Parabéns ba veteranus eis FALINTIL sira hotu”, subliña Aniceto.

Tuir Aniceto, depende ba polítika no programa Governu ni’an, hodi valoriza veteranu sira iha Timor-Leste.

“Buat hotu depende ba Governu mak sei determina no define prioridade ho osan rekursu ne’e oinsa mak halo jestaun, liu-liu hanesan nesesidade funu-na’in sira ni’an ne’e.

Lee hotu :   PM:Funsionáriu Estadu halo servisu lá esensial hela iha uma

Governu uluk atribui ona pensaun, maibé sira-nia kondisaun moris ne’e seidauk di’ak, maibé buat hotu Governu determina hodi jere.

Tinan hirak osan ita gasta barak tiha ona, povu barak mós sei kiak nafatin, dalaruma gasta ba buat ne’ebé ladun importante ho nia rezultadu ne’ebé laiha kualidade,”deklara PPN ne’e.

Atual Primeiru Ministru (PM), Taur Matan Ruak, liu husi kompromísu polítika AMP ni’an durante kampaña, hateten ona katak, sei buka tuir no haloot hotu ruin saudozu sira ni’an, iha teritóriu Timor laran tomak, iha fatin ne’ebé dignu, sai mós nu’udár programa prioridade governasaun AMP ni’an. Say

Add to Comments Here!!!!

error: Content is protected.
Secured By miniOrange
You might also like:
PR husu Governu harii uma ba veteranu sira

Prezidente Repúblika (PR), Francisco Guterres Lú...

Lere husu Xanana, Taur, Lú Olo atu hamutuk

Xefe Estadu Maior FALINTIL-Forsa Defeza Timor-Leste,...

Lere: GAM-GAR sei sai ameasa ba nasaun iha futuru

Xefe Estadu Maior FALINTIL-Forsa Defeza Timor-Leste...

Close