Funsionáriu EDTL-SAS 440 sei hetan suplementu remuneratoriu

Funsionáriu Eletrisidade De Timor-Leste (EDTL) na’in 300 no Servisu Agua no Saneamnetu (SAS) na’in 140, sei hetan suplementu remuneratoriu.

“Tuir lista ne’ebé mak iha pesoal husi EDTL ne’ebé atu simu subisídiu hamutuk 340 resin no pesoal SAS hamutuk 140,” dehan, Ministru Obras Públika (MOP), Salvador Pires, iha Palasiu Governu, Sesta (14/08/2020).

Governante ne’e sublina katak, pesoal EDTL sira iha direitu ba suplementu remuneratoriu, nune’e MOP trata hela prosesamentu ba dokumentu iha Ministeriu Finansas espera katak iha tempu badak, sira bele halo pagamentu.

“Ba pesoal sira iha sentral rua hanesan Hera no Betano, ne’e depende ba definisaun, sé kualifikasaun tuir Dekretu Lei ne’ebé aprova ona iha Konsellu Ministru (KM) ba pesoal sira ne’ebé merese duni atu hetan subsídiu husi Governu, durante Estadu Emerjénsia (EE),” afirma, Ministru Salvador. Cin