JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu deside husu ba PR deklara tan EE foun

Governu deside husu ba PR deklara tan EE foun

Sorumutu Konsellu Ministru Extraórdinária Segunda (03-08), deside propoin ba Prezidente Repúblika, Francisco Guterres Lú-Olo, atu deklara tan Estadu Emerjénsia (EE) ba loron 30.

Desizaun Governu nian ne’e sai tanba haree ba evolusaun ne’ebe hamosu preokupasaun husi situasaun epidemiolojika no proliferasaun ba kazu kontajiu covid-19 ne’ebe rejista to’o agora, iha nivel mundial no rejional.  Tuir Governu ho Estadu Emerjensia (EE) ne’e, bele neutraliza risku hadaet husi COVID-19, nune’e bele proteje saúde públika no kapasidade resposta husi Sistema Nasional Saúde nian. Além de ne’e, ho estado emerjensia ne’e, sei permite suspensaun no restrisaun ba direitu  tolu sidadaun nian  atu halo sirkulasaun internasional, direitu ba sirkulasaun no fiksausaun residensia no direitu resistensia.

“Objetivu husi ida ne’e atu proteje saúde públika no ao mesmu tempu atu assegura katak ita nia sistema saúde la inundada uanhira iha surtu ruma mosu fali karik. Direitu tolu ne’e mak sei hetan restrisaun ho implementasaun ba iha estadu emerjensia ne’ebe mak liu husi exelénsia Primeiru-Ministru sei hakerek karta husu para que Prezidente Repúblika”,  deklara Ministru Prezidensia Konsellu Ministru (MPKM), Fidélis Magalhães, hafoin reuniaun extraordináriu Konsellu Ministru iha Palásiu Governu.

“Fokus ba iha posibilidade ba restrisaun ba iha direitu tolu ne’e, nune’e atu dehan katak populasaun sira lalika preokupa atividade loro-loron nian ne’ebe mak la’o babain hela no buat hotu ne’ebe mak iha ita nia rai-laran agora ita relaxa tiha ona hafoin de estadu emerjensia sira antes ne’e kontinua nafatin, maibe nia preokupasaun boot mak ba sirkulasaun internasional no fixasaun rezidensia no direitu ba rezisténsia”, afirma nia.

Fidélis Magalhães salienta katak, desisaun governu nian ne’e mai husi mos desisaun inkonstitusionalidade husi Tribunal Rekursu (TR) nian kona-ba  dekretu Governu nian ba vizilansia sanitária husi Ministériu Saúde ne’ebe veta ona husi Prezidente Repúblika Francisco Guterres Lu-Olo, iha loron 27, fulan Jullu ne’e.

Lee hotu :   PN aprova projetu rezolusaun fó nasionalidade ba Max Stahl

“Dalan ida ne’ebe mak diak liu atu bele fasilita ezekutivu no atu garante ezekutivu iha poder atu bele halo atuasaun sira, liu-liu atuasaun hirak ne’ebe  maka restringe direitu sidadaun nian mak Governu husu dala ida tan deklarasaun estadu emerjensia husi Presidente da Repúblika. Direitu hirak mak hanesan izolamentu, direitu kuarentena hanesan serku ezemplu hanesan ita taka zona apropriadu sira, buat hirak ne’e hotu ita presiza iha deklarasaun de estadu emerjensia, sem ida ne’e Governu labele hatur regra sira no ordem sira hanesan ne’e. Tamba ne’e mak ita husu ita husu estadu emerjensia ne’e para atu bele fasilita ezekutivu, hodi nune’e bele hola medida hirak ne’ebe iha ninia implementasaun talvez sei restinje direitu fundamental sidadaun sira nian” deklara MPKM ne’e.

FRETILIN apoia, KHUNTO kontra

Deputadu bankada FRETILIN, atúal Prezidente komisaun B ne’ebé trata asuntu defeza, seguransa ho negosiu estranjeiru, José Agostino Somotxo, deklara, bankada Fretilin apoiu polítika ne’e, tanba úniku liu husi deklarasaun Estadu Emerjensia (EE) mak bele limite sirkulasaun ema nian, hodi prevene transmisaun COVID-19 tama Timor-Leste. Maibe bankada KHUNTO liu husi deputadu António Verdial kontra.

Eis ministru defeza ne’e afirma, estadu emerjensia ne’ebé mak Governu planeia atu deklara tan, sei la hanesan ho estadu emerjensia antes ne’e, tanba sirkulasaun rai laran kontinua la’o, maibe limite de’it iha munisipíu sira área fronteira nian.

“Ita deklara liu husi estadu emerjensia para atu blokeia ka suspende ka ensera ita nia fronteira, ita fronteira hanesan husi Mota-Ain ba Mota-Masin Oe-Cusse, inklui iha portu ho aeroportu. Se lae estadu emerjensia laiha ne’e ita nia populasaun sira tama sai illegal bele barak no lori moras COVID-19 ne’e mai ita nia rain, ho nune’e mak estadu ho Governu hanoin atu halo deklarasaun dala ida tan ba estadu emerjensia, para atu asegura ita rain ne’e, atu COVID-19 labele tama”, deputadu José Agostino Somotxo, hato’o asuntu ne’e iha PN, Segunda (03/08/2020).

Lee hotu :   Marí Alkatiri: Ha’u sei hakerek karta ba líder nasionál sira

Eis Ministru defeza ne’e hateten, EE ba da-haat ne’e laiha dalan ida atu limite ka suspende ema nia direitu no liberdade, so úniku dalan mak deklara estadu emerjensia.

“Tanba ne’e mak husi Governu husu dala ida tan estadu emerjensia ho nia lójika proporia, tanba ita presiza asegura ita nia fronteira, ne’e para hosi Timor labele sai no hosi estranjeiru mós labele tama. Tanba ita nia viziñu lolos hosi rai iha fronteira ho Indonézia-Kupang, tanba iha ne’ebá mós iha, ida ne’e mak proekupasaun ida”, afirma prezidente komisaun B ne’e.

Deputadu Somotxo esplika, estadu emerjensia ba da-haat ne’ebé governu planeia, sei la hanesan ho estadu emerjensia sira uluk, tanba sirkulasaun rai laran sei kontinua.

“Estadu emerjensia ida agora ne’e, taka de’it fatin ne’ebé rizku, ita bele halo sirkulasaun iha rai laran, hanesan bai-bain agora ne’e”, esklarese deputadu bankada FERTILIN ne’e.

Nia dehan, karik Ministeriu Saúde detekta keta ilegalmente moras ne’e tama mai karik mak Governu uza métodu seluk ne’ebé iha, maibe agora ne’e blokeia la total, parsial de’it.

Alende ne’e, deputadu bankada KHUNTO ne’ebé parte hosi Governu da-ualu ne’ebé lidera hosi Primeiru Ministru, Taur Matan Ruak deklara, sei la aseita ho pedidu deklarasaun estadu emerjensia da-haat ne’e, tanba tuir nia, di’ak liu taka de’it mak fronteira sira, duke limite tomak povu nia sirkulasaun iha rai-laran.

“Hanesan deputadu, ha’u la setuju atu alarga tan estadu emerjensia ne’e, maibe importante mak oinsa governu mantein pozisaun firme, hodi taka ita nia fronteira, atu nune’e ema iha liur labele tama mai, no hosi ne’e labele sai ba”, afirma deputadu bankada KHUNTO, António Verdial.

Lee hotu :   Ró Haksolok la mai TL, Alkatiri informa ba PM Taur

Tuir nia, Estadu liu-liu Governu mak tenke hola responsbilidade hodi atúa situasaun sira ne’e, hodi nune’e mantein situasaun, hodi hala’o nafatin knár tuir mandatu ne’ebé fó sai hosi saúde mundial.

“Labele dehan munisípiu ida ne’e área fronteira, ita taka tomak, ne’e labele, tanba ne’e mak husu ba Governu tenke prepara planu oinsa ho estratéjia ida ne’ebé mak pertinente, hodi trata asuntu ida ne’e iha área fronteira”, nia haktuir.

Antes ne’e, Timor-Leste implementa ona Estadu Emerjensia durante fulan tolu, no konsege rejista kazu pozitivu COVID-19 to’o rua-nulu resin, maibe rekoperadu hotu.

Enkuantu, Indónezia nu’udar nasaun viziñu ho Timor-Leste, liu hosi Fronteira rai maran, dadaun ne’e sei rejista kazu konfirmadu, kuaze rihun 111 liu.

Hosi númeru ne’e, rihun 68 liu mak rekoperadu no rihun 5.230 resin mak mate. oct/say

Add to Comments Here!!!!

error: Content is protected.
Secured By miniOrange
You might also like:
PN aprova Lei Kódigu Mineiru ho unanimidade

Parlamentu Nasional (PN), aprova Lei Kódigu...

Komisaun D husu implementa loloos programa povu kuda Governu sosa

Komisaun D Parlamentu Nasional (PN), ne’ebé...

COVID-19 implika ekonomia nasaun, Governu tenke halo akordu ho nasaun importadór

COVID-19 nafatin sai pandemia, hodi implika...

Close