JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KKLN sei halo levantamentu dadus ba Timor-Oan mate ba ukun-an

KKLN sei halo levantamentu dadus ba Timor-Oan mate ba ukun-an

Sekretáriu Estadu Asuntu Kombatente Libertasaun Nasional (KKLN), Gil da Costa Monteiro “Oan Soru”, hatete, tempu badak ekipa KKLN sei tun ba suku sira iha Timor laran,  hodi koordena ho autoridade lokál sira atu  halo levantamentu dadus ba ema hira mak mate ba Timor-Leste nia ukun rasik an, no dadus hirak ne’e sei foti liu husi matebian sira-nia uma lisan.

“Sosializasaun ida ne’e ita hala’o iha fatin hotu hotu, mais em prinsipiu foin dadauk faze ba dalarua ne’e, foin mak halao iha Munisipiu Aileu ho Bobonaru, maibe polítika ne’e klaru, tanba nia razaun atu justifika mak ne’e, se ita la halo ida ne’e, bele tinan 20 mai mos ita la konsege identifika ita nia ema lolos mak mate ba ukun-an”,dehan Oan Soru ba Jornalista sira Segunda (24/08/2020),  iha Muzeu Rezisténsia.

Nia esplika, razaun segunda guerra mundial nian to’o agora rona novidade dehan 60 mill ital, ka rihun 60 resin, maibe to’o agora seidauk hatene  tebes ka lae? agora dehan estetmentu balun ema mate iha Timor hamutuk rihun atus ka liu ida ne’e mak mate ba  ukun rasik-an, pergunta mak ne’e la hatene rihun atu rua lia nulu ka lae? ou ka liu, se liu karik hira?

“Problema ne’ebé boot tebes to’o agora, entaun Ministériu prepara polítika ida ne’e, liu husi formasaun no reuniaun sira hanesan ohin, atu nune’e bele implementa ona faziadamente, tanba agora dau-dauk  la’o ho duodesimu, ne’ebé bele hahu ona Ministériu deside ona,  hahu husi Aileu, ne’e duodesimu bele uitoan, maibe ita bele aplika ona buat balun, tanba iha ne’eba mos munisípiu ne’e kiik”, hatutan Governante ne’e.

Lee hotu :   Laiha kapasidade lidera meja, CNRT husu PPN Aniceto tun husi nia fatin

Nia fundamenta, prosesu levantamentu dadus ne’e kestionariu mak sira hatudu ona,  agora prosesu levantamentu ne’e senhor Díretor Patrimoniu Programa senhor João Tavares sei ba koordena duni ho estrutura Comisaun Combatente Libertasaun Nasional (CCLN), liu ba diretamente Autoriedade lokal, hanesan Xefe no Aldeia, maka sei akompania malu hodi halo levantamentu, tanba autoriedade ne’ebé ukun suku hatene katak iha suku iha uma lisan, sira sei tama to’o 142 sukus tuir lista ne’ebé anterior no ho iha tan suku foun, iha teritoriu Timor laran sei halo levantamentu hotu.

“Kuandu koalia kona-ba ba istoria luta libertasaun nasional, ita koalia kona-ba ema ne’e mak ida ne’ebé ema ne’e mate tanba ukun-an ka la’os, ema ne’e feto ka mane, ema ne’e nia istoria badak ka naruk mais importante sai iha nia naran, sai iha nia istoria, maibe dalaruma ita interpreta sasan sala, ita la hetan nia ruin ita valoriza oinsa? ruin atu hetan ka la hetan ne’e kestaun seluk, maibe modelu valorizasaun mai husi levantamentu no identifikasaun ne’ebé loloos ona,  ita prepara polítika valoriza sira, liu husi monumentu  ne’ebé sei konstrui husi Estadu naran hakerek iha ne’eba, para iha loron istoriku sira, loron bo’ot sira, ka loron finadu sira tuir buat ne’ebé la’o durante tinan barak, dau-daun ne’e ita mos iha dia dos Herois Nasional monu iha 31 de Dezembru, loron boot hanesan ne’e família sira hakarak ba tau ai-funan tau iha fatin ida ne’e, tanba sira nia naran sei iha hotu ne’eba”, subliña Oan Soru.

Sekretáriu Estadu ne’e akresenta, levantamentu tenke tuir uma lisan para fasil, tanba uma lisan mak fó sasin ba malu di’ak liu, duke ema individu.

Lee hotu :   TL sosa asaun 30% husi ConocoPhilips, Alkatiri kongratula Xanana

“Agora atu rejistu ba hetan rekoñesimentu ne’e kestaun seluk ne’e rejistu ne’e individu, maibe sira halo rejistu atu hatene ema Timor ne’e hira loos mak mate ba independensia. Tanba mate iha momentu ne’eba, mate ho diferensa polítika mos barak, entaun ita tenke iha serteza ida, loos duni ita nia ema mate rihun atus rua resin? ida ne’e mak ita nia intensaun no ita kuandu haree hotu ona ita halo ona lansamentu ba públiku katak sim, ami nia ema mate loloos ba independensia hahu tinan 75 to’o 99  total mak ida ne’e, feto total hira no mane total hira, mate ba hamlaha hira, moras hira, ba kilat musan total hira,hodi husik hela ba jerasaun sira tuir mai, atu nune’e ema seluk la presiza atu halo peskiza tun sa’e hodi halo fali interogasaun ba sira, se lae ema mai lori fali peskiza domina fali rai ida ne’e, ita mak istoria na’in, ita nia família mak mate, ema mai peskiza ita rona fali sira, ne’e mak problema no istoria labele  la’o hanesan ne’e no levantementu ne’e la’os haree ba simu pensaun, ne’e kestaun seluk”, tenik Gil. Oly

Add to Comments Here!!!!

error: Content is protected.
Secured By miniOrange
You might also like:
UNIJMA Pro-RDTL: Governu labele dependénsia demais ba produtu rai-liur

Ativista União Nacional Juventude Maubere Pro-Repúblika...

Sensibiliza komunidade ba COVID-19, Governu louva servisu Maun Xanana ni’an

Brigadeiru Jeneral Falintil-Forsa Defeza Timor-Leste (F-FDTL),...

PN husu ANC-MAE kontrola publikasaun Website ho konteúdu pornográfiku

Parlamentu Nasionál (PN) liu hosi Grupu...

Close