JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kondena maka’as aktu soe bebé kontinua mosu

PN kondena maka’as aktu soe bebé kontinua mosu

Parlamentu Nasionál (PN), liu husi Presidente Grupo Mulher Parlamentar Timor-Leste (GMPTL) deputada, Lidia Norberta, kondena maka’as aktu soe bebé ne’ebé sei kontinua nafatin husi ema iresponsável sira.

Ba kazu refere, deputada Lidia Norberta, hateten, la’os penaliza de’it ba feto (inan bebé-Red), maibe penaliza mós ba mane, tanba rezultadu oan husi inan no aman nia hamutuk  mak hetan bebé, nune’e feto ho mane tenke responsabiliza hotu.

“Problema soe bebé labele tau kulpa ka penaliza de’it inan ne’ebé soe nia oan rasik, maibe presiza buka tuir no penaliza mane ne’ebé nu’udar aman, maibe laiha responsabilidade, tanba la’os feto mesak mak bele iha oan, maibe hamutuk ho mane ida mak foin iha oan”, afirma Prezidente GMPTL, Prezidente GMPTL ba GMN iha PN, Segunda (17/08/2020).

Deputada bankada FRETILIN ne’e haktuir, iha tinan kotuk GMPTL halo ona esforsu hodi fahe informasaun, liu husi seimanariu nu’udar dalan rezolve problema soe bebé.

“Iha tinan kotuk ami halo ona seminariu ida, kuandu iha Timor kazu ida soe bebé barak ne’e, dezde ukun an kazu soe bebé barak, maibe iha tinan kotuk ne’e kazu soe bebé barak liu fali, rejista númeru ida aas tebes, tanba ne’e mak ami buka meius para oinsa bele rona input sira ne’e hotu, liu husi hanesan tinan kotuk ami realiza seminariu kona-ba soe bebé ne’e”, dehan prezidente GMPTL.

Iha seminariu ne’e konvida parte hotu, hanesan parte ne’ebé atende bebé oan ne’ebé konsege salva no parte ministeriu públiku, nune’e bainhira ka’er autora ne’ebé soe nia oan rasik ne’e, sa prosesu ka follow-up mak nia halo ba ida ne’e.

Lee hotu :   PPN Arão Noe: Semana oin, PN haruka fila OJE 2019 ba PR

Atual sekretaria meza PN ne’e informa, PN sei esforsu atu hamosu rezoluasaun ruma, nu’udar dalan ida atu prevene ka minimiza ema soe bebé arbiru.

“Agora GMPTL haré katak sei halo rezolusaun ida, hanesan segimentu ba seminariu soe bebé ne’ebé mak tinan kotuk ami halo”, dehan deputada Norberta.

Iha semana kotuk, mosu tan kazu soe bebé iha parte Maloa Díli, ho kondisaun bebé ne’ebé labele salva nia vida.

Antes ne’e mós akontese ona kazu soe bebé iha fatin barak, maioria Akontese iha Díli, nu’udar kapital no fatin konsentrasaun ema barak ni’an.

Fenómena soe bebé kada tinan sempre rona hanesan akontese ona iha Tasi-tolu, Taibesi, Praia dos Coqueiros, Bekora, Ai-Mutin, inklui iha Lahane, ne’ebé komunidade hili bebé mane ida no konsege salva bebé, maibe ikus mai fó fila bebé ba família. Say

Add to Comments Here!!!!

error: Content is protected.
Secured By miniOrange
You might also like:
Hamosu diskriminasaun ba subvensaun, AUTL halo asaun protesta hasoru Governu

Porta Voz Aliansa Universitáriu Timor Leste...

Durante fulan Jullu PNTL Baucau rejista kazu 79

Komandante Munisípiu Baucau, Superintendente Xefe, Armando...

Funsionáriu EDTL-SAS 440 sei hetan suplementu remuneratoriu

Funsionáriu Eletrisidade De Timor-Leste (EDTL) na’in...

Close