JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor-oan tama-sai ilegál durante COVID-19 hanesan traidór ba nasaun

Timor-oan tama-sai ilegál durante COVID-19 hanesan traidór ba nasaun

Deputadu komisaun B ne’ebé trata asuntu defeza séguransa no negósiu estranjeiru iha Parlamentu Nasionál (PN) konsidera, sidadaun Timor-oan ne’ebé tama sai ilegál iha fronteira durante pandemia COVID-19  ne’e halo traisaun ba nia nasaun rasik, tanba lori risku ba nasaun tomak.

Estadu emerjensia nu’udár medidas preventivas ne’ebé importante liu-liu iha área fronteira sira, signifika la’os obriga ema atu labele la’o, maibé ema hotu tenke kumpri regras EE katak, labele tama sai wainhira laiha autorizasaun hosi parte kompetenti sira.

“Ita Timor-oan tenke konsiente katak labele tama no sai, kuandu sira iha nasaun sorin ne’ebá afeitadu, balun sé ba bebeik sorin liu hosi jalan tikus, ema barak mak informa Timor-oan barak séi ba sorin, maibé ne’e hatudu katak ita laiha responsabilidade, katak kona ema ida, séi implika ba Estadu no nasaun tomak, ne’e signifika traisaun”, hateten prezidente komisuan B, David Dias Ximenes “Mandati”, ba GMN iha PN, Tersa (25/08/2020).

Tanba ne’e PN apoiu wainhira polítika governu halo estensaun estadu emerjensia ba dala-lima, tanba ida ne’e nu’udár maneira halo prevensaun.

“Sébelum Hujan siapkan payung, medidas preventivas ne’e importante tebes, tanba ita nia fasilidades menus, kuantu mais COVID ne’e hanesan inimigu ida ne’ebé ita la haree ne’e séguransa sira iha fatin ne’e (kuarentena) sira ne’e mak laiha responsabilidade, ita la’os kastigu ema, maibé izola sira para sértifika tiha katak laiha moras mak sai, para ita defende sosiedade, tanba ne’e séguransa mak laiha sériedade”, haktuir deputadu Mandati.

Nia dehan, ema nebeé mak afetadu ba covid-19 só bele detekta loron 14, entaun susar atu identifika la-lais sé mak afeta uluk moras refere, tanba ne’e séguransa sira iha fronteira tenke halo kontrolu másimu atu ema labele tama sai no tenke kumpre regra ne’ebe mak Estadu fó sai ona.

Lee hotu :   Reduz dezempregu, PM Taur orienta SEFOPE apoia empregu ba Timor-Oan

“Tanba karik mak ataka ita hanesan iha Amérika, Itália, Brazil no sira séluk ne’e, ho ita nia fasilidades saúde ne’ebé laiha ne’e ita mate hotu, tanba ne’e mak ita nia Governu haree ba buat  sira ne’e, tanba sira maioria mesak guerlleiru de’it, presiza medidas preventiva ida”, tenik nia.

Maske nune’e prezidente komisaun B ne’e husu atu hametin séguransa iha dalan ilegál sira atu labele fo biban ba ema tama sai konforme hakarak.

“Ita mós labele haree de’it ba fronteira rai maran sira jalan tikus sira ne’e, presiza haree mós parte tasi nian ne’e, hanesan Kisár ne’ebé baliza ho Atauro Manatutu no Lospalos nian ne’e mós kona ona, buat sira ne’e hotu ita nia Estadu tenke haree”, haktuir deputadu Mandati.

Alende ne’e, Xefe bankada KHUNTO, Deputada Olinda Guterres deklara, séi apoia kualker desizaun hotu ne’ebé Governu ho Prezidente Repúblika foti, tanba ne’e interese Estadu no povu ni’an.

“Hosi bankada KHUNTO séi asegura Governu to’o tinan 5, nu’udár bankada Governu ezijensia saída mak Governu ho PR fó, ami séi fó apoiu tomak, atu estende ou la estende, depende hosi Governu ho PR”, deklara deputada Olinda.

Maibé nia parte sujere ba Ministra Saúde, atu bele halo kontrolu di’ak liu ema ne’ebé iha kuarentena.

“Ha’u hirus oituan ba Ministra saúde, tanba iha momentu maluk balun hosi rai-liur mai, ne’ebé la la’o hamutuk ho aviaun citilink ne’ebé mak liu husi Bali, atu nune’e bele tau matan ba sira, tanba ema sira ne’e telefone ha’u la para, ema sira ne’e la’os asasinatu, sira ne’e kumpre regra saúde mundial, nune’e labele lori moras da’et ba komunidade”, afirma deputada KHUNTO.

Lee hotu :   SEMA lansa manual projetu fundu klimátiku

“Maibé pesoál saúde sira ne’e mak la esplika ba ema hirak ne’e oinsa no bainhira mak bele sai, tanba balun to’o 17 dias mós séidauk sai, tanba ne’e loron ruma karik ita simu tan ita nia Timor-oan sira mai hosi rai-liur ne’e tenke atende di-di’ak, no tempu to’o telefone família ba hasoru, labele nonook de’it.

Relasiona ho asuntu ne’e, GMN tenta konfirma ho parte opozisaun iha Parlamentu nasionál, maibé iha Tersa-feira ne’e, deputadu sira hosi bankada opozisaun la marka prezensa iha plenária.

Entretantu, númeru kazu COVID-19 séi kontinua aumenta iha nível mundiál ne’ebé rejistadu kuaze tokon 23 liu, hosi númeru pozitivu ne’e, kuaze tokon 15 liu mak rekoperadu, inklui nasaun viziñu Indonézia rasik sei rejista kazu COVID-19 kuaze rihun 155 resin.

Enkuantu Timor-Leste ne’ebé antes ne’e rekopera total, dau-daun ne’e rejista hikas kazu pozitivu ida, maske iha sémana kotuk ida séluk rekoperadu. Say

Add to Comments Here!!!!

error: Content is protected.
Secured By miniOrange
You might also like:
Dom Virgílio: Sarani hotu tenke kumpre regra MS-OMS

Arsebispu Metropolitanu Arkidioséze Díli, Dom Virgílio...

Asidente tráfegu, kareta rua rahun no ema lima kanek

Asidente tráfegu iha área kruzamentu Aitarak-Laran,...

MKLKD husu VIII Governu kanséla esbosu LKD

Movimentu Kontra Esbosu Lei Kriminaliza Difamasaun...

Close