JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Adere ba ASEAN, TL partisipa enkontru interfase virtual ba área sósio-kultural

Adere ba ASEAN, TL partisipa enkontru interfase virtual ba área sósio-kultural

Timor-Leste (TL) partisipa iha enkontru interfase virtual ho ofisial senior husi komunidade Sósiu-Kultural (ASCC), liu husi video konferensia, ne’ebé organiza husi Sekretariadu ASEAN no prezide husi Vietname.

“Enkontru ida ne’e sai hanesan pasu importante ida ba TL, nia prosesu adezaun ba ASEAN, TL no ASEAN durante ne’e fahe ona informasaun lubuk ida kona-ba, oinsa TL bele partisipa iha servisu sira ASCC nian, inklui kooperasaun iha área oi-oin hanesan, desportu, direitu umanu, ambienti, edukasaun, saúde no seluk tan,” dehan, Diretóra Jeral Asuntu ASEAN, Milena Rangel, iha MNEK, Segunda (07/09/2020).

Diretóra jeral ne’e esplika, enkontru virtual ida ne’e sai hanesan plataforma ida, atu pontu fokal husi lider ba sósiu-kultural, ho setor sira ne’ebé servisu iha área ne’e nia okos, atu estabelese komunikasaun ho Ministériu iha TL, ne’ebé hala’o servisu iha sósiu-kultural nian.

Diretóra Asuntu ASEAN subliña liutan ne’e, Estadu TL kontinua nafatin nia komitmentu atu atinji prosesu adezaun ne’ebé la’o ho diak, ne’e signifika TL atu adere ba ASEAN ho maneira ne’ebé dignu, tamba TL prense rekezitus ne’ebé ASEAN, aprezenta mai TL.

“Ita kontinua nafatin reforsa kordenasaun ho membru ASEAN hamutuk na’in 10, no Sekretariadu ASEAN nian iha Jakarta, hodi kontinua esforsu bo’ot liga ho preparasaun teknika adezaun nian,” tenik,Diretóra Milena.

Milena Rangel afirma liutan, husi avaliasaun ne’ebé TL sei simu, atu hatudu TL nia prontidaun teknika, husi ASEAN tinan 2020 no sei loke dalan, ba TL nia adezaun iha tempu badak.

Milena Rangel informa tan, TL nia Ministériu no institusaun relevante ne’ebé sei partisipa iha ekontru virtual ne’e, Ministériu Solidariedade Sosial no Inkluzaun (MSSI), Ministériu Administrasaun Estatal (MAE), Ministériu Edukasaun Juventude no Desportu (MEJD), Ministériu Ensinu Superior Siensia no Kultura (MESSK), Ministériu Saúde (MS), Ministériu Agrikultura no Peska (MAP).

Lee hotu :   FRETILIN-PD tama lista membru governu foun, PM Taur: Ha’u la hasai CNRT maibe depende sira

Milena Rangel hatutan, partisipa mós husi, Gabineti Sekretariu Estadu sira hotu no Komisaun Funsaun Públika (KFP), Komisaun Nasionál Direitu Labarik, inklui mós ajensia hirak ne’ebé halibur hamutuk iha Institutu Ensinu Diplomatiku iha MNEK.Cin

Add to Comments Here!!!!

error: Content is protected.
Secured By miniOrange
You might also like:
Identifika estudante laiha kapasidade finanseira, AUTL aprezenta karta ba PN

Aliansa Universitáriu Timor-Leste (AUTL) aprezenta ona...

LABEH husu Estadu harii Tribunal de Contas iha TL

Diretór Ezekutivu Lalenok Ba Ema Hotu...

Diareia hamate ema na’in haat no na’in lima mate ho nutrisaun grave

FOTO: GOOGLE Xefe Interina Departementu Pediatria...

Close