JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT husu Timor GAP klarifika reestrurasaun tendénsia partidária

CNRT husu Timor GAP klarifika reestrurasaun tendénsia partidária

Bankada CNRT husu klarifikasaun husi Prezidente Timor Gas And Petroleum (GAP), António José Loiola de Sousa, kona-bá halo reestruturasaun iha instituisaun Timor GAP, tanba tendénsia partidária.

“Ami rona mós ita boot halo reestruturasaun iha ita boot nia fatin, maibé problema mak ne’e barak halai liu ba kor polítiku, tanba ne’e staff balun ho grau ne’ebé ki’ik tau hanesan diretores hotu hanesan manajer, ha’u la hatene sera que ida ne’e mós vizaun foun ida”, Deputada CNRT, Virginia Ana Belo liu husi plenária iha PN, Sesta semana kotuk.

Deputada CNRT ne’e subliña, ho reestrurasaun iha instituisaun Timor GAP ne’e hanesan vizaun foun no lori tama iha área importante hanesan petróleu ne’e bele garantia sevisu ho di’ak ka lae.

Hatán ba kestaun ne’e, Prezidente Timor GAP, António José Loiola de Sousa, rejeita reestruturasaun iha instituisaun Timor GAP iha tendénsia partidária,maibé halo reestruturasaun refere, tanba haree ba dívidas ne’ebé boot.

“Reestrurasaun iha instituisaun Timor GAP la sentidu ida bazeia ba kor polítiku, tanba momentu ha’u hetan fiar husi Governu hodi lidera Timor GAP, ami tama ba ho dívidas ne’ebé boot USD tokon 4, osan ne’ebé iha kaixa USD rihun 250 de’it, ne’e hatudu katak inkapasidade Governu anteriór, osan hirak ne’e ita selu ba konsultan barak liu duke despeza ba kompañia rasik. Ami fiar no tenke halo medidas rigorozu, ita tenke hadia to’o agora Timor Gap seidauk hasai ema ida husi Timor GAP no seidauk ko’a saláriu husi ema ida iha Timor GAP, Diretór no eis Prezidente Timor GAP simu osan boot liu ha’u ni’an rasik. Ha’u rasik hatun ha’u nia saláriu, tanba ami iha dívidas barak”, dehan Prezidente Timor GAP ne’e.

Entretantu orsamentu iha tinan 2019 Timor GAP simu transferénsia públika hamutuk USD tokon 16 resin no orsamentu tinan 2020 hamutuk USD tokon 16 resin. Ety

Lee hotu :   GRANDE ENTREVISTA Hamutuk ho Xefe Bankada Partido PLP

Add to Comments Here!!!!

error: Content is protected.
Secured By miniOrange
You might also like:
OPTT husu Governu-Igreja organiza povu halo toos ho natar

Organizasaun Popular Traballadór Timor (OPTT), husu...

PR: Oportunidade ba TL atu koriji frakeza estruturál sira

Prezidente Repúblika (PR), Francisco Guterres Lú...

Deputadu “alerjia” ho Xanana nia asaun karitativa, Horta sei hakerek karta ba Papa ho SekJer ONU

Diplomata senior Timor-Leste, José Ramos Horta,...

Close