JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EUA apresia TL nia prosesu independénsia

EUA apresia TL nia prosesu independénsia

Embaixadora Estadu Unidus Amerika (EUA) iha Timor-Leste (TL), Kathleen Fitzpatrick, fó apresiasaun bo’ot ba veteranus no povu Timor-Leste (TL), tanba luta hodi determina independénsia rai ida ne’e liu husi votus.

“Amerika fó apresiasaun bo’ot ba povu TL no veteranu sira, bele determina independénsia liu husi votasaun ne’ebé halao iha loron 30, fulan Agostu, tinan 1999, liu ba,” dehan, Ministru Asuntu Kombatente Libertasaun Nasionál, Júlio da Costa Sarmento ‘Meta Mali’, iha nia kna’ar fatin Caicoli-Díli, Tersa (01/09/2020).

Governante ne’e hatutan, Embaixadora mós hakarak vizita Ministru foun sira, hodi rona Ministru foun sira nia preokupasaun.

“Ha’u esplika ba Embaixadora katak, maske situasaun rai laran difísil uitoan liga ho polítika, maibé povu Timor-Leste hatudu sira nia maturidade no kontribui tebes ba paz no estabilidade, ami polítika nain sira dalaruma la rona malu no fila kotuk ba malu, maibé ami agradese, tanba bele hanorin povu ne’ebé simples no koñesimentu menus tebes, kontribui ba paz no estabilidade,” tenik Meta Mali.

Meta Mali subliña, durante tinan 3 nia laran situasaun polítika la konduzivel, maibé situasaun rai laran la’o ho normal.

“Embaixadora hakarak hatene planu prioridade ministériu nian, no ha’u esplika, ba dala uluk kondisaun edifísiu nian la permite atu sai ministériu ida, maibé ba povu no Estadu ami kontinua servisu,” afirma, Ministru asuntu Kombatente Libertasaun Nasionál ne’e.

Iha fatin hanesan, Embaixadora EUA iha Timor-Leste, Kathleen Fitzpatrick, kongratula Povu TL no veteranu sira, tanba luta ba indepéndensia rai ida ne’e ho susesu.

“Ha’u hakarak hasoru malu ho Ministru hirak ne’ebé foun, depois de TL selebra loron referendu ba dala-21, iha oportunidade ida ne’e ha’u kongratula Povu TL, ne’ebé mak susessu iha restaurasaun independénsia, hodi estabelese nasaun ida ne’e, ho valores Direitus Umanus no Estadu de Direitu Demokrátiku,” tenik, Kathleen Fitzpatrick.

Lee hotu :   Governu garante importasaun esensial durante Estadu Emerjénsia

Embaxadora ne’e mós kongratula veteranu sira ba sira nia korazen no luta ba independénsia. Cin

Add to Comments Here!!!!

error: Content is protected.
Secured By miniOrange
You might also like:
Bankada CNRT la aseita implementa EE dalima

Bankada Congresso Nacional da Reconstrução de...

BNU rejeita ko’a pensaun veteranu kada fulan

FOTO: GOOGLE Diretór Banco Nacional Ultramaríno...

CNRT sei la partisipa serimónia hatúr fali meza PN

Vise Xefe bankada CNRT, Partrocínio Fernandes,...

Close