Governu aprova tetu OJE 2021 billiaun USD1.6

Governu liu husi Konsellu Ministru (KM), aprova tetu Orsamentu Jeral Estadu (OJE), tinan 2021 ho montante billiaun USD1.6 no Governu mós aprova Dotasaun Orsamentu Temporária (DOT) ba fulan Setembru ho montante USD millaun 119,6.

“KM rona aprezentasaun no halo aprovasaun ba tetu OJE 2021, ne’e hanesan tetu pre eliminár ida, tanba iha faze tuir mai, hanesan krop no liña Ministeriál sira sei halo ajustamentu, maibé ohin (horseik-red), deside ona ita avansa ho tetu OJE ba 2021, ho monatente USD billiaun 1.6,” dehan, Ministru Prezidensia Konsellu Ministru (MPKM), Fidelis Leite Magalhães, iha Palásiu Governu, Kuarta (02/09/2020).

Fidelis esplika, OJE tinan 2021 ne’e kobre nesesidade programa no prioridade nasionál ne’ebé define husi VIII Governu konstituisionál no OJE ne’e haree liu ba nível dezenvolvimentu, kapitál sosiál no dezenvolvimentu ekonómika.

Alende ne’e OJE ne’e mós, aliñadu ho medida ne’ebé integra iha planu rekuperasaun ekonómika, dezenvolvimentu infraestrutura báziku fundamentál sira, dezenvolvimentu ambientál, dezenvolvimentu institusionál no ba prosesu reforma institusionál ne’ebé la’o hela.

Governante ne’e subliña, DOT ba fulan Setembru ne’e, inklui mós pagamentu ba empréstimu sira. Cin