JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei kria alta autoridade koordena projetu petrolíferu no minerál sira

Governu sei kria alta autoridade koordena projetu petrolíferu no minerál sira

Ministru Petróleu no Minerais (MPM), Víctor da Conceição Soares, hatete, Governu sei kria alta autoridade hodi koordena projetu sira relasiona ho petróleu no mineirál sira molok nomeia ema troka Kay Rala Xanana Gusmão hanesan reprezentante espesiál Estadu Timor-Leste ba prosessu sira fronteira marítima no dezenvolvimentu ba projetu petrolíferu Greater Sunrise nian.

“Tamba hanesan ita hotu hatene MPM ida ne’ebé foku liu ba mina-rai no minerál sira, agora kestaun sira seluk ne’ebé fora husi ida ne’e labele tula hotu ba Ministériu nia leten. Entaun ita presiza iha alta autoridade ida ne’ebé bele  koordena projetu liña transversál sira ne’ebé envolve Ministériu lubuk ida no MPM labele sai fali koordenador ba Ministériu sira ne’e, entaun tenke iha autoridade bele trata asuntu sira ne’e. Kargu ida ne’e tenke Konsellu Ministru (KM) mak deside, MPM ne’e hanesan Ministériu ida tenke iha entidade ida ne’ebé mak MPM tenke iha nia okos”, MPM ne’e hafoin hasoru malu ho Primeiru Ministru (PM), Taur Matan Ruak, Kinta (24-09-2020).

Iha enkontru ne’e, Victor relata ba Xefe Governu kona-ba mudansa no servisu sira iha kargu Xefia iha instituisaun Estadu sira ne’ebé tutela iha MPM, hanesan Autoridade Nasional Petróleu no Minerál sira, Timor GAP, inklui Institutu Petróleu Jeolójia.

Kona-ba figura ne’ebé atu troka Xanana Gusmão ba kargu reprezentante espesial  Estadu Timor-Leste ba prosesu fronteira marítima no dezenvolvimentu ba projetu petrolíferu Greater Sunrise, iha tasi Timor, Ministru ne’e hatete, Governu seidauk nomeia ema ruma atu troka Xanana Gusmão.

“Ohin seidauk iha indikasaun ba ema, ohin ne’e ideia katak tenke hanoin kona-ba institusaun ida, ita sei koalia kona-ba instituisaun ida tenke regula ho lei, kuandu instituisaun no lei ne’e iha hanoin ita bele koalia kona-ba figura. Tenke haree lai lei sira ne’e maka hafoin indika ema”, Governante ne’e esplika.

Entretantu eis reprezentante espesial Timor-Leste nian ba prosesu fronteira marítima no dezenvolvimentu ba projetu petrolíferu Greater Sunrise, Kay Rala Xanana Gusmão, rezigna-an iha loron 11, fulan Juñu, liu husi karta ne’ebé nia haruka ba PM, Taur Matan Ruak, iha tempu hirak liu ba. Oct

Lee hotu :   Governu la fó prioridade ba pesoál sira iha liña frente

Add to Comments Here!!!!

error: Content is protected.
Secured By miniOrange
You might also like:
MRNDJK: VIII Governu laiha dalan aprezenta OJE ba PN

Porta voz Movimentu Rezisténsia Nasional Defende...

Xanana: Operasaun Skylight halo Nicolau Lobato mate

Komandante Em Xefe FALINTIL iha tempu...

CNRT: Tenke prosesa projetu 40 resin ho justu

Deputadu bankada CNRT, Marcos Xavier, hatete,...

Close