GMN TV Politika Impaktu husi COVID-19, FRETILIN: Prosesu dada kadoras mai TL komplikadu

Impaktu husi COVID-19, FRETILIN: Prosesu dada kadoras mai TL komplikadu

Deputada bankada FRETILIN, Josefa Alvares, hateten, prosesu atu dada kadoras Greater Sunrise (GS) mai Timor-Leste sei komplikadu, tanba surtu Corona Virus Disease 2019 (COVID-19) dau-daun ne’e sei sai risku ba nasaun sira iha mundu, tanba konsege hamate ona ema barak.

“Iha posibilidade ha’u hanoin ida ne’e depende ba Governu asume responsabilidade, ha’u hanoin ita hotu hamutuk, ita bele depende ba iha negosiadór buat hotu sei la’o ba oin, ita iha esperansa”, Deputada bankada FRETILIN ne’e ba jornalista sira iha PN, Segunda (14-09-2020), relasiona ho líder nasionál Kay Rala Xanana Gusmão ne’ebé dezafia Ministru Petróleu no Rekursu Minerál (MPRM), atu aprezenta vizaun estratéjiku foun iha setór petróleu.

Josefa subliña, maske sei iha posibilidade atu dada kadoras mai iha Timor-Leste, maibé tenke iha unidade no depende ba responsabilidade husi governante no polítiku sira.

“Ami polítiku no Governante sira ba ami nia-an rasik, ba sé de’it negósia ninia-an rasik haree ba nia povu, sé ema iha nasionalizmu nia haluha nia-an, konsentra ba nia atu halo buat ne’e, sé la’e ita mak la’o hanesan ne’e, la’o bilin-balan hela de’it”, haktuir Deputada bankada FRETILIN ne’e.

Nia informa, maske Timor-Leste gasta ona osan hodi sosa asaun husi kompañia petróliferu sira, tanba ne’e tenke iha seriedade no kontinuidade ba negosiasaun, maske eis xefe negosiadór, Xanana Gusmão rezigna-an ona, maibé nia tenke husik hela buat ruma, sé la husik buat ruma mak buat ne’e la’o hanesan ne’e hela de’it.

Entretantu Timor-Leste asina akordu delimitasaun Fronteira Marítima (FM), iha loron (6/3/2018), iha Nova Iorke. ety


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker