JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Longuinhos: Governu la diskrimina lia-na’in sira

Longuinhos: Governu la diskrimina lia-na’in sira

Governu liu hosi Ministru Ensinu Superiór no Siénsia Kultural (MESCC_Sigla portugés), Longuinhos dos Santos, rejeita, Governu halo diskriminasaun ba lia-na’in sira iha serimónia ritual hatúr meza Prezidénsia Parlamentu foun foin lalais ne’e.

MESCC konsidera serimónia ritual ne’ebé refere hodi kompleta de’it prosesu hatúr meza PN.

“Ida ne’e kestoens ida ne’ebé mak la’os pertinente liu, maibe importante mak partisipasaun hosi ita nia lia na’in sira, atu bele haree,  liu-liu hatúr hikas meza PN ne’e. Hanoin prosesu ida ne’e laiha ida mak atu temi diskriminasaun, tanba atu kompleta de’it iha prosesu ida ne’ebé mak iha”, Longuinhos dos Santos, hato’o asuntu ne’e ba GMN, hafoin partisipa asina memorandu entendimentu ho MSSI, iha salaun Ian Martín INFORDEPE, Tersa(08/09/2020), relasiona ho lia na’in Karketu Motael ne’ebé, hato’o karta lamentasaun ba Parlamentu Nasionál (PN) iha Segunda-feira semana ne’e, tanba  nu’udar uma na’in ba munisípiu Díli, sente diskriminadu hosi Estadu, durante porsesu serimónia hatúr meza Prezidensia PN erefere.

Maske nune’e nia hateten, MESCC laiha kompetensia atu foti desizaun ba prosesu refere, maibe Parlamentu mak iha kompetensia liu atu foti desizaun ba prosesu tomak.

“Maibe asuntu ida ne’e, kabe kompetensia liu mak Parlamentu Nasionál ne’ebé mak kolabora mós hosi Sekretária Estadu Arte no Kultura, ne’e konjuga direita mós mai iha ministériu ensinu superiór nian”, afirma Longuinhos dos Santos.

Governante ne’e hatutan, bainhira estebelese meza foun tenke iha serimónia ritúal ida, nune’e momentu ne’ebá MESCC prepara hamutuk ho parte Parlamentu Nasionál nian hodi prepara no estabelese hodi bele hatúr hikas meza ne’e.

Iha Segunda-feira loron 7, fulan Setembru ne’e, Lia na’in Karketu Motael, Pio de Ataide, hatama karta lamentasaun ba Parlamentu Nasionál ho Ministeriu Estatal, tanba hanesan uma nain, lamenta ho prosesu ritual ne’ebé realiza la konvida sira.

Lee hotu :   PN suspende ajenda diskusaun alterasaun LJF • Simu ona pedidu levantamentu FP husi Governu

Alende ne’e, iha Segunda-feira, antes reprezentante lia na’in hosi parte leste sentrál ho oeste ne’ebé partisipa iha serimónia ne’e atu fahe malu, lia na’in balun aprezenta lamentasaun ba PN, tanba deskonfia  mosu diskriminasaun iha prosesu apoiu osan transporte ba lia na’in sira, ne’ebé balun hetan osan USD 200.00 no balun hetan USD 60.00

Maibe, informasaun ne’ebé GMN hetan asesu mós, ba serimónia hatúr meza ne’e, Parlamentu Nasionál gasta osan kuaze rihun USD 25.00 liu.

Entretantu, meza Prezidensia PN ne’e hatúr ona iha loron 4 fulan Setembru ne’e, no meza Prezidensia inklui vise na’in rua ho kadeira hamutuk gasta osan kuaze rihun USD 4 liu.

Enkuantu meza ne’e rasik, harahun hosi membru Parlamentu Nasionál rasik, kompostu hosi bankada Fretilin, CNRT, Khunto ho PLP, bainhira disputa kadeira atu prezide diskusaun no votasaun ba pedidu destituisaun ba eis Prezidente PN, Arão Noe Amaral. Say

Add to Comments Here!!!!

error: Content is protected.
Secured By miniOrange
You might also like:
Governu sei implementa rejime espesiál ba kbi’it laek tama UNTL

Ministru Ensinu Superior Siénsia no Kultura,...

KFP: Lei la obriga FP idade 60 reforma

Prezidente Komisaun Funsaun Públika (KFP), Faustino...

Provedora Jesuína husu PM Taur hametin kooperasaun ho PDHJ

Provedora Díreitu Umanu no Justisa (PDHJ-sigla...

Close