JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Marí Alkatiri: Ukun tinan 12 povu kontinua moris susar

Marí Alkatiri: Ukun tinan 12 povu kontinua moris susar

Sekretáriu Jerál (SekJer) partidu FRETILIN, Mari Bin Amude Alkatiri, hateten, durante governasaun anterior ukun na’in sira gasta osan barak, maibé povu kontinua moris susar nafatin.

Marí Alkatiri konsidera programa ne’ebé Governu anterior sira halo ne’e la fó benefisiu ba povu, tanba fó prioridade liu ba mega projetu sira hodi halo povu  kontinua moris susar nafatin.

“Agora ita hatene katak sasán barak mak la’o sala dalan ona, tanba gasta osan, maibé nia rezultadu laiha, povu kontinua moris iha susar no mukit nia-laran. Bainhira ukun durante tinan 12, ukun nain sira la preokupa ho povu nia moris, maibé preokupa mak mega projetu”, SekJer FRETILIN ne’e bainhira halo abertura ba enkontru estrutura partidu FRETILIN iha postu administrativu Nain Feto, munisípiu Díli, iha salaun Larigutu CNE, Caicoli, Díli, Sábadu (19/09/2020).

Alende ne’e, Alkatiri esklarese, koligasaun Aliansa Mudansa ba Progresu hodi forma VIII Governu sira mak hamonu-an rasik hodi la kontribui ona ba estabilidade governativa.

“Liu tiha tinan 13 prosesu polítiku komesa manas, agora bloku AMP rasik mak harahun tiha sira-nia aliansa, ne’e atu hatún Primeiru Ministru no Governu,  sé FRETILIN mak kontinua situasaun ida ne’ebé depende ema ida nian gosta hakarak hatún, hasa’e, entaun ita la kontribui ba estabilidade, la sai husi krize impase polítiku  ida ne’e, tanba ne’e mak FRETILIN tetu ba tetu mai, hodi asegura Governu ida ne’e, nune’e bele moris to’o nia mandatu remata”, hehan Alkatiri.

Viabiliza VIII Governu

Sekretáriu Jerál (SekJer) Partidu FRETILIN, Marí Bin Amude Alkatiri, hateten, FRETILIN viabiliza VIII Governu hanesan plataforma entendimentu ida ho partidu PLP no KHUNTO, hodi asegura VIII Governu nia mandatu to’o remata.

“FRETILIN hanoin ba hanoin mai mak atu ba viabiliza VIII Governu ne’ebé ema hakarak hatún. Viabiliza ne’e mak hanesan ita tama halo plataforma entendimentu ho partidu PLP no KHUNTO atu lori mudansa”, SekJer FRETILIN ne’e bainhira halo abertura ba enkontru estrutura partidu FRETILIN iha postu administrativu Nain Feto, munisípiu Díli, iha salaun Larigutu CNE, Caicoli, Díli, Sábadu (19/09/2020).

Alkatiri mós husu ba partidu polítiku sira atu labele preokupa ho ema seluk nia partidu, maibé tenke konsentra ba ida-idak nia partidu.

“Ema balun mehi hela plataforma ne’e atu rahun, ne’ebé di’ak liu ita boot sira di’ak liu preokupa mak ita boot nia partidu hodi ba harahun, labele preokupa ho ema seluk nia partidu”, dehan Marí.

Nia mós konsidera ho kondisaun hanesan oras ne’e dau-dauk difísil ba Timor-Leste atu dada kadoras mai, hodi hala’o dezenvolvimentu.

Partisipa iha enkontru ne’e estrutura nasionál no postu administrativu Nain Feto, inklui militante FRETILIN. aba

Lee hotu :   Assanami apela, Timoroan labele tula ibun ba lideransa nasional

Add to Comments Here!!!!

error: Content is protected.
Secured By miniOrange
You might also like:
SEKOMS lansa kampaña nasionál kombate hoax

Sekretáriu Estadu Komunikasaun Sosiál (SEKOMS), lansa...

Governu kumpre kalendáriu diskusaun OJE 2020 iha PN

Ministru Prezidénsia Konsellu Ministru (MPKM), Fidelis...

Xanana Gusmão: Uma-lisan mós kontribui hodi Timor-Leste manan funu

Durante vizita eis komandante em chefe...

Close