JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Odete Ezonera Diretór na’in tolu

Odete Ezonera Diretór na’in tolu

Ministra Saúde, Odete Maria Freitas Belo foti ona desizaun hodi halo ezonerasaun ba Diretór Aprovizonamentu Ministériu Saúde (MS), ho Diretór Nasionál Lojístika (MS), inklui mós Diretora Institutu Nasionál Saúde (INS).

Razaun ezonera Diretór hirak ne’e, tanba konsidera servisu la la’o ka servisu lentu, maske sira mai ho nomeasaun pur méritu, maibé bainhira haree servisu la la’o tenke hetan ezonerasaun ka troka.

“Parte rua ne’e Diretór na’in rua hetan ezonerasaun, ita ezonera la’ós tanba hirus, maibé dalaruma ha’u persiza sira na’in rua atu presta maka’as, maibé sira-nia prezensa laiha, Diretór na’in rua la’ós halo servisu la hatene, maibé ha’u presiza ema ne’ebé servisu forte liu tan”, Ministra Saúde ne’e ba jornalista sira hafoin partisipa serimónia entrega ekipamentu protesaun COVID-19 husi United Nations Population Fund (UNFPA) iha sala izolamentu Vera Cruz-Díli, Sesta (04-09-2020).

Governante ne’e dehan, MS sei servisu la ho tempu tinan rua de’it no servisu uza orsamentu duadesimu ne’ebé iha no to’o tinan 2023 mandatu remata, tanba ne’e MS presiza ema ne’ebé servisu forte liu tan, atu nune’e bele apoiu servisu.

Enkuantu Diretór na’in rua sei la sai ba fatin seluk, tanba sira funsionáriu públiku no kontinua servisu iha fatin aprende bainhra Diretór foun na’in rua halo servisu.

Enkuantu kona-bá ezonerasaun Diretora, Celia Gusmão, iha INS, Odete dehan, Diretora Celia la’ós hetan ezonerasaun, maibé nia-rasik mak rezigna-an husi ninia kargu, tanba ne’e MS labele husik fatin mamuk de’it, maibé nomea fali Diretora ezekutivu INS hodi subtitui hikas no Diretora sesante sei ba kontinua fó apoiu iha Hospitál Nasionál Guidu Valadares (HNGV).

Lee hotu :   Laiha osan selu dividas US$ 240 milhoens ''Emprezariu barak sei lulun biti''

“Liu husi ami nia diskusaun ne’ebé iha, ami deside fila-fali Diretora sesante ba fó apoiu iha HNGV, hodi haree ninia pasiente sira,” tenik Governante ne’e.

Iha sorin seluk, Diretora sesante, Celia Gusmão iha ninia diskursu haklaken, nia parte asume kargu Diretora INS ho durasaun tempu fulan neen (6), maibé konsege halo buat balun.

“Ha’u hakarak hatoo de’it buat rua katak ha’u hala’o servisu iha INS hamutuk ho funsionáriu sira ho durasaun tempu fulan neen, hahú husi loron 2, fulan Marsu, tinan 2020 to’o loron 31, fulan Agostu, tinan 2020, ha’u husik fatin ne’e hodi fila ba kontinua fó apoiu ba iha HNGV”, dehan nia.

Nune’e mós atual Diretora Ezekutivu INS, Domingas da Costa Pereira, hateten, nu’udár funsionáriu públiku prontu atu hala’o desizaun husi Superior no irarkia sira, desizaun ne’e sei to’o iha loron 31, fulan Dezembru, tinan 2020, hodi hein selesaun pur méritu.

Tanba ne’e, husu ba pesoál sira iha INS tomak atu halo aplikasaun ba konkursu ne’ebé iha bainhra iha ona avizu.

“Responsabilidade hanesan Diretora Ezekutivu sei la fásil mai ha’u atu implementa, tanba presiza haktuir lei no polítika MS. Enkuantu atu implementa servisu lao ho di’ak presiza hamutuk ho komponente hotu-hotu iha INS rasik, nune’e programa husi MS, institutu autónomu Governu ka privadu no asosiasaun profesionál sira, inklui parseriu dezenvolvimentu atu iha komitmentu hodi fó atensaun ba dezenvolvimentu rekursu umanu no peskiza iha área saúde”, tenik Diretora Ezekutivu INS ne’e. eni

Add to Comments Here!!!!

error: Content is protected.
Secured By miniOrange
You might also like:
Dom Virgilio: Sarani sira tenke hateke ba oin hodi rekupera imajen Uma Kreda ni’an

Arsebispu Metropolitanu Díli, Dom Virgilio do...

Dom Virgílio: Manifestasaun organiza husi grupu RNDJK la reprezenta Igreja

Arsebispu Arkidioseze Metropolítana Díli, Dom Virgílio...

Júlio Crispim: Militar atua kuandu Polísia labele ona

Jurista Timor-oan Padre Júlio Crispim, hatete,...

Close