JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN aprova renovasaun EE dalima

PN aprova renovasaun EE dalima

Deputadu sira kinta lejislatura, liuhosi plenária estraórdinaria Kinta (03/09/2020) ne’e, aprova ona pedidu estensaun Estadu Emerjénsia (EE) ba dala 4 ho votus a favór 40, kontra 0 no abstensaun 7 hosi deputadu bankada CNRT.

Iha debate, Primeiru Ministru, Taur Matan Ruak, hateten, estensaun EE ne’e fundamental tebes, tanba ho objetivu atu fasíl halo kontrolu no evita rejista númeru mate hosi kazu COVID-19.

Taur afirma, proekupasoens hotu, governu sei esforsu atu bele realiza, maibe depende ba kbiit ne’ebé mak iha.

“Governu rejista preokupasoens sira hotu ne’ebé mak embora forma realista hateten, nen toda rekomendasoens ita atu realiza hotu, tuir buat ne’ebé ita hakarak, maibe oida ne’ebé mak bele, governu naturalmente la taka matan, no sei halo esforsu para rezolve no hetan solusaun tuir ita nia kbiit no posibilidades bele.

Ita hotu nia objetivu ida de’it, liu-liu iha tempu ne’ebé moras ne’e mosu iha mundu tomak, ida mak detekta kazu sira ho lalais, liu-liu kazu importadu buka kura lalais, no impede kontazen ba ita nia komunidade sira nia leet, akontese, difisíl tebes ita atu evita ninia espansaun, liu-liu ita haree ba esperiensia país sira seluk.

Terseiru mak ita evita ema mate, para ita atu konsege ida ne’e, dalan ida mak reforsu maka’as hodi limita ema nia direitus no liberdade balun, tanba ne’e estadu Emerjénsia ne’e fundamental loos.

Ho estadu Emerjénsia ne’e, governu nia aktu sira bele kestionavel iha Tribunal, liu-liu kuandu liga limitasaun liberdades”, hateten, Xefe Governu ne’e ba deputadu sira.

Alende ne’e, deklarasaun bankada CNRT ne’ebé transmite hosi deputadu Gabriel Soares ne’e hateten, CNRT fó votus abstensaun, tanba atu halo prevensaun, la’os únika medidas mak EE, maibe sei iha alternativu seluk.

Lee hotu :   FRETILIN vota kontra OJE sosa asaun ConocoPhillips ho Shell ■Fidelis: Preokupasaun FRETILIN la los

Tanba tuir CNRT, Estensaun EE sei implika ba ekonomia rai laran, liu-liu prezudika dezenvolvimentu iha Timor-Leste.

“Covid-19 nu’udar kazu importadu, tama mai hosi rai seluk, nune’e mak dalan loos atu prevene mak tenke asegura pontu entrada sira, kontrola ho rigór, no medidas proporia sira seluk mak lokaliza ema ne’ebé tama mai tenke ho dalan kuarentena no izolamentu obrigatoriu, nune’e husik atividade ekonomia la’o nafatin, importante mak kumpre nafatin regras organizasaun saúde mundial nia protokolu. Governu la kumpre prosedur organizasaun sa’ude mundial nian, jestaun ba prevensuan COVID-19 sai tiha instrumentu polítika governu nian, no PR nian hodi asegura sira nia interese, tanba tempu hanesan, TL hasoru hela impase polítika, nune’e dalan ne’ebé ukun nain sira hola mak fulan-fulan aplika estadu Emerjénsia. Maske ita iha leis propria atu bele implementa sem  prezudika ita nia dezenvolvimentu polítika, sosial no ekonomia”, Deklara deputadu opozisaun ne’e.

Maibe bankada FRETILIN sujere, atu governu kontinua impoin regra hotu ne’ebé rekomenda hosi Organizasaun Saúde Mundial nian, inklui preparasaun ho másimu liu tan, reforsa área saúde nian.

“Haree ba sirkulasaun bankada FRETILIN haree katak presiza duni no krusial duni atu estende tan EE ba dala 5 (dahaatr-red). Bainhira dekreta tan EE ida ne’e, ami fó hanoin ba governu, atu impoin dixiplina hodi kumpre regras protokolu ne’ebé define hosi organizasaun mundial saúde, hanesan distansiamentu sosial, ijíene, portesaun pessoal, iha fatin ne’ebé rame no supermerkadu sira, eskola sira”, sujere Xefe Bankada FRETILIN, Francisco Miranda Branco.

Entretantu, Parlamentu Nasionál aprova ona pedidu EE ba dalima nu’udar maneira hodi halo prevensaun ba pandemia COVID-19 ne’ebé invade mundu tomak, inklui Timor-Leste ne’ebé konsege rejista kazu pozitivu kuaze 20 resin, maibe rekoperadu, no la konsege rejista númeru mate.

Lee hotu :   Opozisaun lamenta Governu duplika orsamentu selu divída

Regra prevensaun COVID-19 la efetivu

Deputadu bankada CNRT, Domingos Lemos, hateten, maske Timor-Leste estende bei-beik Estadu Emerjénsia (EE), maibé implementasaun regra prevensaun la efetivu no rigór, tanba realidade iha terenu hatudu katak maioria sidadaun sira iha Díli la uza máskara no loja sira la tau bee ba vizitór ou kliente sira atu fase-liman.

“Ita haree iha ita-nia rai-laran la apar ho situasaun ne’ebé mak estensaun, ita haree iha Díli laran maioria la uza máskara, loja sira la tau bee, hodi fase-liman”, Deputadu bankada CNRT ne’e liu husi ninia intervensaun iha plenária, Kinta (03-09-2020).

Domingos subliña, implementasaun EE ba dahuluk ne’e diferénsia ho faze sira ikus-ikus ne’e, tanba iha faze dahuluk obriga komunidade uza máskara no loja sira tau bee ba kliente sira fase-liman.

“Signifika katak povu hatene ona katak la presiza EE nia mós hatene nia-an, maibé kuidadu nia-an, liu-liu pandémia ne’ebé akontese maske ita haree la uza máskara, maibé povu moris hakmatek”, tenik Deputadu bankada CNRT ne’e.

Nune’e mós deputada FRETILIN, Maria Angélica dos Reis, hateten, maske Ministériu Saúde (MS) halo publisidade liu husi meius komunikasaun sosiál ba halo prevensaun no kombate COVID-19, maibé latun ba baze, hodi halo sensibilizasaun ba komunidade.

“Depois ita renova EE regra prevensaun kombate COVID-19 dalaruma la la’o, ha’u rasik haree iha televizaun pamfletu ne’ebé tau iha média ne’ebé MS sempre alerta, atu nune’e hodi halo prevensaun ba COVID-19”, dehan deputada bankada FRETILIN ne’e.

Nune’e Ministra Saúde (MS), Odete Maria Freitas Belo, rekoñese, MS ladun halo sensibilizasaun direta iha terenu, maibé ministériu sei servisu hamutuk ho Organizasaun Naun Govermental (ONG) sira, hodi fó sai de’it apelu liu husi meius komunikasaun sosiál.

Lee hotu :   Polémika pose ba membru governu pendenti, PR Lú Olo: Ha’u hakruk deit ba konstituisaun

“MS nia esforsu kona-bá promosaun ha’u husu deskulpa ami la halo promosaun ne’ebé máximu, maibé halo promosaun no halo publisidade, liu husi meius komunikasaun sosiál, MS mós simu proposta husu ONG lokál hakarak ajuda MS hodi halo monitorizasaun no promosaun asuntu COVID-19 ni’an MS hein husi servisu hamutuk ho sira. Ha’u hakarak atu hateten de’it promosaun sei la sufisiente atu muda ema nia attitude, maibé ita sira tuur iha ne’e mós tenke sai hanesan ezemplu uza máskara, fase-liman bei-beik, atu nune’e ema seluk mós bele la’o tuir”, tenik Governante ne’e.

Pedidu estensaun Estadu Emerjénsia (EE) ba dahaat, aprova iha Parlamentu Nasionál (PN) ho votus a favor 40, kontra 0, abstensaun 7. say/ety

Add to Comments Here!!!!

error: Content is protected.
Secured By miniOrange
You might also like:
DEMOKRASIA Husi: Dom Carlos Filipe Ximenes Belo

FOTO: GOOGLE Repúblika Timor-Leste bolu “demokrátika”....

Diretór BNU: Governu mak ko’a veteranu nia osan USD 30 kada fulan, la’ós BNU

Diretór Banco Nacional Ultramarino (BNU), Paulo...

Xanana husu jerasaun foun banati tuir ain-fatin mártir sira nian

Lider karismátiku Kay Rala Xanana Gusmão,...

Close