PN la autoriza média asesu prosesu foti meza prezidensia PN tuan

Uma fukun Parlamentu Nasional (PN) la autoriza média sira atu asesu ba prosesu foti sai meza prezidensia PN tuan ne’ebé antes ne’e hetan estragus husi deputadu sira iha fulan Maiu, tinan ne’e.

Tuir Prezidente PN, Aniceto Guterres, rekoñese, desizaun la autoriza media asesu prosesu foti sai meza prezidensia PN tuan ne’e mai husi sira, tanba tuir lia-na’in sira la presiza media partisipa halo kobertura.

“Sim depropozitu hakarak ami taka ba media buat kultura ne’ebé lia-na’in rasik mós husu la presiza loke ba públiku husik iha PN laran de’it, horikalan ne’e buat ketak ida, hodi hasai meza rahun ne’e rituál hasai manas“, tenik Xefe Órgaun Lejislativu ne’e.

Meza Prezidensia PN ne’e baku fila, tanba bankada CNRT ho PLP hadau no dudu malu bainhira Vise Prezidente PN, Angelina Sarmento atu diriji meza hodi troka eis Prezidente PN, Arao Noe.

Entretantu iha loron 4, fulan ne’e, hala’o ona prosesu kultura hodi troka meza ne’ebe mak rahun. ety