JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN sei halo votu konfirmasaun ba LPS ne’ebé PR veta

PN sei halo votu konfirmasaun ba LPS ne’ebé PR veta

Prezidente komisaun B ne’ebé trata asuntu defeza no seguransa, deputadu José Agostinho Sequeira ‘Somotxo’, hateten, Parlamentu Nasionál (PN) sei halo votu konfirmasaun ba Lei Protesaun Sivíl (LPS) ne’ebé veta hosi Prezidente Repúblika (PR), Francisco Guterres Lú Olo, tanba iha proposta lei refere la foti kompetensia hosi Konstituisaun-Repúblika Demokrátika Timor-Leste (K-RDTL) nian.

Xefe Estadu rekomenda atu haree didi’ak mak artigu 24 ho 25, nune’e labele hadau kompetensia hosi lei inan, maibe loloos la’e tanba diferente iha desizaun.

Lejisladór ne’e fó ezemplu katak, iha lei protesaun sivíl ne’e, limita direitu ho liberdade balun de’it, maibe la’os atu limite total. maibé Artigu balun presiza hadi’a, tanba lei protesaun sivíl ne’e iha situasaun 3, situasaun alerta, emerjensia ho kalamidade.

“Maibe lei protesaun sivíl ne’e, labele foti hanesan konstituisaun nian, iha artigu 25 KRDTL nian ne’e dehan hanesan suspende ema nia direitu no liberdade, maibe lei protesaun sivíl ne’e restrinjir direitus ho liberdades, signifika ezemplu hanesan  PN ne’e bandu ita labele tama, so bele liu iha sorin-sorin de’it, ida ne’e mak bolu dehan restrinjir direitus ho liberdade, ne’e signifika, la suspende ema nia direitu, maibe limite de’it liberdade balun”,Prezidente komisaun B, Somotxo, hato’o asuntu ne’e ba jornalista sira iha PN, Kuarta (09/09/2020).

Deputadu Somotxo hateten, lei protesaun sivíl la’os foin mosu, desde 2010 lei ne’e iha tiha ona esbosu, maibe lori tempu naruk to’o foin 2020 mak hetan aprova iha PN.

“Kuandu ita ko’alia kona-bá lei protesaun sivíl ne’e, liu ona matan barak, revizoens no alterasoens barak, iha konsellu ministru no iha instituisaun propriu ne’ebé hanesan protesaun sivíl, ministériu interior,  maibe ami iha responsabilidade atu lori lei ne’e hanesan levanta kestoens barak kona-bá ita nia konstituisaun. Kominsaun B mós labele kestiona kona-bá nia inkonstitusionalidade, maibe ba to’o PR no PR veta, ne’eduni lei ne’e mai fali ona iha PN, iha dalan rua, hanesan hadi’a lei tuir hanesan PR rekomenda ou votus de konfirmasaun hodi haruka fila fali ba PR, ho signifika katak, PN sei la hasai buat ruma hosi lei ne’e.

Lee hotu :   Arão Noe: Pedidu viajen Prezidente Repúblika kabe ba desizaun plenária

Maibe deputadu bankada FRETILIN ne’e hateten, dadaun ne’e PN resesu nune’e seidauk bele halo votus konfirmasuan, tanba persiza apoiu maioria deputadus.

“Deputadus hotu hetan ona kopia para estuda, bainhira depois resesu ida asuntu primeiru ne’ebé ami sei haree, enkuantu orsamentu sei baixa ba komisaun C”, dehan Somotxo.

Nia hatutan, PR rekomenda atu haree  didi’ak mak ligadu ho artigu 24 ho 25 ne’e, kona-bá restrisaun ho deklara estadu de esepsaun ne’e.

“Iha PR nia justifikasaun ne’e hatete, labele foti kompetensia hosi Konstituisaun RDTL nian, maibe loloos laiha, iha lei protesaun sivíl ne’e la foti kompetensia, halo restinjir de’it. Ezemplu, hanesan Díli mosu inundasaun bo’ot ka bee nakonu, ema sira ne’ebé atu mai Díli ne’e, ne liuhosi Kristu Rei ho Fatu-ahi, maibe bele liuhosi Aileu ho Liquisa mak tama mai”, tenik deputadu bankada FRETILIN ne’e.

Proposta lei númeru 16/V (2a) lei protesaun sivíl ne’e, aprovadu iha Parlamentu Nasionál, iha loron 21 fulan Jullu tinan ne’e ho votus afavor 54, kontra 0 no abstensaun 4. No hetan veta hosi Xefe Estadu, iha fulan Agostu, tinan ne’e.

Lei protesaun sivíl ne’e, atu enkuadra iha sistema integradu seguransa nasionál, hodi bele kompleta ho dezempeña nia fundamentu ba prevensaun no resposta ba situasaun,  hanesan asidente ka dezastre ne’ebé rezulta asaun umanu ka natural, hodi hola asaun imediata, hanesa sókorru. Say

Add to Comments Here!!!!

error: Content is protected.
Secured By miniOrange
You might also like:
Lere: Governu tenke fó sansaun ba ema tama-sai dalan ilegál

Xefe Estadu Maior FALINTIL-Forsa Defeza Timor...

PNTL kaptura estudante AUTL na’in 15

Polísia Nasionál Timor-Leste (PNTL) kaptura  estudante...

Lere prontu hasoru Ângela Freitas iha Tribunal

Xefe Estadu Maior FALINTIL-Forsa Defeza Timor-Leste...

Close