JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana diskorda Fretilin kestiona estudu viabilidade dada kadoras GS mai TL

Xanana diskorda Fretilin kestiona estudu viabilidade  dada kadoras GS mai TL

Líder nasionál Kay Rala Xanana Gusmão, deskorda ho lider bo’ot partidu Fretilin, ne’ebé kestiona katak laiha tékniku halo estudu kona-ba dada kadoras husi Greater Sunrise (GS) mai Timor-Leste (TL). Tanba estudu ne’e, kompañia estranjeira sira ne’ebé nasaun Europa no nasaun sira seluk uza hodi halo estudu viabilidade hirak ne’e katak, kadoras GS viavel dada mai TL.

Eis xefe negosiadór fronteira marítima, Xanana Gusmão mos dehan, iha moementu ne’eba entrega tiha ona dokumentu estudu hirak ne’e ba líder bo’ot Fretilin nian hodi haree no kompriende, maibe politiza nafatin.

Xanana hasai deklarasaun ne’e iha nia aprezentasaun, bainhira sai orador iha semináriu ho tema, Maun Bo’ot Kayrala Xanana Gusmão ho Partidu CNRT Nia Ukun, mak Bele Asegura Riku Soin Timor-Leste Ni’an, iha Salaun Katedrál, Sábadu (12/09).

Xanana deskorda ho  hanoin lider partidu Fretilin nian kona ba asuntu delimitasaun fronteira marítima no hateten laiha tékniku no estudu hodi dada kadoras mai Timor-Leste.

“Deklarasaun públika husi líder bo’ot Fretelin ni’an, Fretelin mak hahú primeiru defende kadoras greater sunrise ni’an mai Timor, maibé ekonomia iha ninia regra no atu hahú tenke iha estudu viabilidade no ha’u seidauk haree buat ida seidauk haree estudu ruma kona-ba viabilidade ne’ebé bele konvense ha’u ita hotu hakruk ba afirmasaun hanesan ne’e, mais kuandu ha’u hakruk ha’u sente konfuzu tebes deklarasaun ohin temi ne’e katak fretilin sempre defende hori uluk kedas kadoras mai Timor-Leste mezmu ke seidauk iha estudu konvensidu líder bo’ot fretelin ne’e dehan bainhira iha 2018 asina tratadu fronteira maritima ho australia iha Nova Iorque katak líder país ne’e sempre ho hanoin hasoru malu  kona-ba objetivu atu lori kadoras mai Timor-Leste kosta sul kapas mós mesmu laiha estudu, maibé ita la sukat ita nia liafuan”,dehan Xanana.

Lee hotu :   OJE 2019, MOP prevé millaun US$ 61 ■Prioridade manutensaun ekipamentu elektrisidade

Asuntu delimitasaun Fronteira Marítima Governu Timor-Leste asina ona akordu ho Governu Austrália iha loron 6, fulan Marsu, tinan 2018 iha Nova Iorque.

VIII Governu presiza aprezenta estratejia

Líder Nasionál, Kay Rala Xanana Gusmão husu VIII Governu lideradu Taur Matan Ruak, atu aprezenta estratéjia governasaun ba povu Timor-Leste (TL).

Xanana Gusmão hateten Governu labele hasa’i de’it ema, maibé governu tenke aprezenta ninia vizaun no misaun ba povu tomak ne’ebé hein hela.

Tuir Xanana, governu labele koalia barak de’it, maibé iha dever atu aprezenta estratéjia, li-liu atu dada kadoras mina mai Timor-Leste, ne’ebé akordu ona ho Governu Austrália iha tinan 2018, iha Nova Iorque.

“Ita iha direitu atu husu misaun ne’e iha ne’ebé vizaun estratéjika ba setór estratéjiku ne’e saida los, ha’u nu’udar sidadaun ida ha’u mós iha direitu atu ezije atu Governu aprezenta mai povu tomak vizaun estratéjika foun iha setór petrolíferu iha rai ida ne’e alias sidadaun hotu-hotu iha direitu ezije ne’e ba Governu, mezmu la ezije governu iha dever atu aprezenta mai vizaun estratéjiku foun ne’e, tanba Governu tenke presta foun ne’e ba sidadaun no povu tomak mudansa vizaun estratéjika fó sai mai ha’u hanoin katak hanesan ha’u rasik nune’e mós sidadaun barak ami interesadu tebes atu haree misaun estratéjika foun ne’e”, Prezidente Partidu CNRT, Kayrala Xanana Gusmão, hato’o apelu ne’e, bainhira sai orador prinsipál iha semináriu, ne’ebé hala’o iha salaun Katedrál Vila Verde, Sábadu (12/09/2020).

Governasaun AMP ne’ebé forma husi partidu CNRT, PLP no KHUNTO ne’ebé povu fiar liu husi Eleisaun Antesipada (EA), nakfera bainhira bankada CNRT vota kontra Orsamentu Jerál Estadu (OJE) tinan 2020, iha momentu ne’ebé bankada refere mós hola parte iha Governu daualu.

Lee hotu :   PN konsidera MOP laiha kapasidade ezekuta OJE 2019 "CNRT sadik MOP atu labele repete iha OJE 2020"

Hafoin ne’e, mosu kedas polítika foun iha Parlamentu Nasionál (PN) ho plataforma entendimentu, husi partidu tolu hanesan FRETILIN, PLP no KHUNTO hodi kaer ukun to’o tinan 2023.

Nune’e líder nasionál, Kay Rala Xanana Gusmão, husu Governu daualu atu aprezenta programa foun, tanba programa AMP Tinan 2018 ni’an la viável ona.

Xanana hateten ho Oitavu Governu Konstituisionál ne’ebé mak harii husi partidu FERETILIN, PLP no KHUNTO, presiza aprezenta  programa foun ruma  ba PN, nune’e bele halo aprovasaun no Governu la presiza kontinua nafatin programa Governu ne’ebé mai husi Governu AMP tinan 2018, ne’ebé hamutuk ho CNRT, tanba programa hirak ne’e la sustentavel ona.

“Governu ne’ebé agora dadauk ne’ebé temi an nu’udar Oitavu Governu muda tiha ona ninia liñas programátikus ne’e mak ita atu hakarak husu deputadu sira husi maioria absoluta kona-ba programa ne’ebé aprezenta no aprova iha 2018 sai hotu ona husi PN karik balun sei iha ne’eba, orientasoens no kompromisus polítikus ne’ebé mai husi programa Oitavu Governu la viavel hotu ona ne’e mak ita temi eskrutiñu, Governu ne’ebé temi an konstituisionál deside atu la’o tuir ninia programa rasik, entaun Oitavu Governu bele hatudu nia programa rasik programa foun ida mai, programa ne’ebé hatudu duni iha substansia rasik barani ba hodi fó hatene ba povu Timor tomak no husu ba parlamentu atu valida tiha programa foun ne’e halo ba ami husu de’it, halo ho honestu, transparensia, responsabilidade ne’ebé ita nia povu hein”, tenk Prezidente Partidu CNRT ne’e.

Xanana hateten, Oitavu Governu Konstituisionál ne’ebé mak harii husi partidu tolu, hodi ukun ho lolos, honestu no tenki iha responsabilidade ba povu no nasaun.

Lee hotu :   TR sei anunsia rezultadu EA hafoin oras 72

Nune’e mos, eis Prezidente Repúblika, Kay Rala Xanana Gusmão, husu Ministru Petróleu Rekursu no Minerais (MPRM), atu halo aprezentasaun públika kona-ba Fronteira Marítima (FM), ne’ebé Governu anterior dezenvolve ona.

“Tanba ne’e ha’u konvida Governu konvida lideransa partidu no ita nia sosiedade sívil atu halo aprezentasoens públika lubuk ida ne’ebé hala’o tiha ona revé fali took estudus no relatóriu ne’ebé dezenvolve tiha ona iha tinan hirak ne’e kona-ba aspetus tékniku no komersiais kona-ba projetu Tasi Mane ni’an no kona-ba opsaun soberania  ni’an lori kadoras mai Timor-Leste ba ministru petroleu foun, ha’u rekomenda atu reflete di-diak molok polítiza situasaun tanba ida ne’e asuntu interese nasionál, karik ministru foun ne’e iha maturidade polítika”, Prezidente Partidu CNRT ne’e.

Xanana hateten, Governu liu husi Ministériu Petroleu no Minerais, presiza duni revé fila-fali asuntu refere, tanba fundu mina-rai mak hanesan rikusoin Timor-Leste ni’an.

Líder nasional ne’e, la preokupa ba ezonerasaun prezidente ANPM, Gualdinho do Carmo da Sílva, no Prezidente Timor GAP, Francisco Monteiro, maibe Xanana husu ba Ministru Petroleu Rekursu no Minerais foun, presiza halo aprezentasaun ba ezonerasaun ne’e.

Iha semináriu ne’e, Xanana mós husu ba Oitavu GOVERNU atu halo diskusaun kona-ba projetu Tasi Mane.

Governu Timor-Leste ho governu Austrália asina ona akordu kona-ba fronteira marítima iha loron 6, fulan Marsu, tinan 2018. Ina

Add to Comments Here!!!!

error: Content is protected.
Secured By miniOrange
You might also like:
Governu seidauk deside fasilita billete ba Timor-Oan fila ho profesór Portugés

Governu liu hosi Ministra Negósiu Estranjeiru...

Dom Virgílio kondena foto modelu satanás iha Na’in Feto Ramelau

Arsebispu Arkidioseze Metropolitanu Díli, Dom Virgílio...

Governu presiza aplika pena ba sidadaun tama-sai ilegál iha fronteira

Xefe bankada CNRT iha Parlamentu Nasionál...

Close