JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: FRETILIN hamro’ok ukun

CNRT: FRETILIN hamro’ok ukun

Bankada CNRT haree ona katak, bankada FRETILIN hamro’ok atu ukun, tanba buka oportunidade hodi tonka VIII Governu defaktu, hafoin bankada CNRT sees husi koligasaun Aliansa Mudansa ba Progresu (AMP) ne’ebé kompostu husi bankada CNRT, PLP no KHUNTO naksobu.

Hafoin AMP naksobu FRETILIN viabiliza Governu, maibé CNRT konsidera FRETILIN la aguenta ona atu sai bankada opozisaun, ho nune’e mak hamro’ok atu ukun, hodi sama no haksoit liu tiha lei, hodi aproveita viabiliza Governu.

“Hahú húsi debate Orsamentu Jerál Estadu (OJE) ha’u hein hela FRETILIN atu hato’o netik liafuan agradesimentu ida ba CNRT, tanba sorte CNRT sente katak sees husi AMP, iha fatin FRETILIN haksoit tama, la’e FRETILIN tata-liman hodi la ukun ona. Maibé molok ne’e bankada FRETILIN viabiliza, tanba bankada CNRT sees husi AMP, maibé sé FRETILIN intensaun di’ak, tanba saída la fó votu a favor ba OJE iha loron 17, fulan Janeiru, tinan ne’e, nune’e la presiza OJE 2020 mai dala rua iha PN. Maibé iha momentu ne’e seidauk iha sinál FRETILIN tama atu okupa pasta sira, hodi partidariza instituisaun sira seidauk iha serteza, tanba ne’e husik OJE monu ohin mak ko’alia osan importante”, Vise Xefe bankada CNRT, Patrocínio Fernandes ba jornalista sira iha PN, Sesta (09-10-2020).

Husi sorin seluk, Xefe Bankada FRETILIN, Francisco Miranda Branco, hateten, deklarasaun Vise Xefe bankada CNRT ne’e hanesan deklarasaun polítika baratu, tanba FRETILIN la hamro’ok ba ukun, maibé FRETILIN viabiliza Governu nu’udár responsabilidade atu salva povu no Estadu, hodi labele sai vítima bei-beik ba kultura polítika sobu no forma Governu.

“FRETILIN la’ós hamro’ok ba poder, maibé FRETILIN preokupadu ho situasaun moris iha ita-nia rai ne’ebé ho kultura forma Governu no sobu Governu, sé mak sai vítima, ho nune’e povu no Estadu sai vítima, tanba FRETILIN ho espíritu responsabilidade ba povu no nasaun simu poder no simu konsiénsia atu viabiliza Governu ida ne’e, tanba sente iha responsabilidade. Ami lamenta maske CNRT ukun durante tinan 10 resin gasta osan fundu mina-rai besik billiaun USD 14, maibé ita-nia povu kontinua halerik ba bee moos, tanba CNRT tenke simu realidade hodi tuur  iha oposizaun”.

“Ohin loron sira kestiona tribunál, Xefe Estadu no Governu dehan sira mak loos liu hotu-hotu no Estadu hotu laloos, sira mak loos liu, entaun ida ne’ebé mak loos liu. FRETILIN sempre iha oportunidade ami sempre manan no ami nunka lakon, sempre iha manobra husi sira atu ami labele ukun realidade hatudu iha VII Governu ami iha konsertasaun, sira rasik hakarak apoiu Governu FRETILIN nian. Hili de’it PR sira-nia pozisaun la loos tiha ona, ita lalika kria polémika iha nasaun, Estadu no povu, presiza dezenvolvimentu nasionál, nune’e FRETILIN la sama lei no konstitusionál, ne’e laloos”.

Entretantu desizaun FRETILIN viabiliza Oitavu Governu ne’ebé lidera husi Primeiru Ministru (PM), Taur Matan Ruak, wainhira mosu dezintendimentu iha bloku AMP, kompostu husi CNRT, PLP no KHUNTO rasik hodi forma Governu. Maibé iha aprezentasaun OJE tinan 2020 bankada Governu, liu-liu CNRT rasik deside fó votu abstensaun, nune’e orsamentu refere xumba iha PN.

Ho ida ne’e, Prezidente Repúblika (PR) konvoka kedas diálogu ho partidu polítiku sira, ho nia rezultadu mak FRETILIN deside viabiliza Governu, nune’e PM retira ninia rezignasaun, hodi mantein nafatin Oitavu Governu.

Ho estrutura Governu ne’ebé viabiliza husi FRETILIN konsege aprezenta fali OJE 2020 ho montante billiaun USD 1.4 no hetan aprovasaun iha PN ho votu a favor 43, kontra 21 no abstensaun 1. ety

Lee hotu :   DEPUTADU IV LEJISLATURA SEI SIMU POSE IHA LORON 21

Add to Comments Here!!!!

error: Content is protected.
Secured By miniOrange
You might also like:
José Reis: Governu iha vontade fó solusaun ba projetu 44

Vise Primeiru Ministru no Ministru Planu...

PR Lú Olo: MP tenke kontribui harii dame iha sosiedade

Prezidente Repúblika (PR), Francisco Guterres Lú...

PERMATIL halo akampamentu 10 iha suku Dare

Konserva rekursu bee hodi infiltra udan...

Close