JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT haree VIII Governu tendénsia liu atu lori kadoras GS ba Austrália

CNRT haree VIII Governu tendénsia liu atu lori kadoras GS ba Austrália

Reprezentante povu iha uma fukun Parlamentu Nasionál (PN), liu-liu bankada CNRT konsidera, VIII Governu Konstitusionál laiha seriedade atu atu defende rikusoin povu Timor-Leste no atu dada kadoras Greater Sunrise (GS) mai Timor-Leste no tendénsia liu atu dada ba Austrália.

Tanba estrutura foun husi Timor Gas And Petroleum (Timor GAP) no Autoridade Nasionál Petróleu no Minerais (ANPM) hatudu de’it sentidu pesimista katak, dalan atu lori kadoras Greater Sunrise mai Timor-Leste ne’e sei todan, tanba tenke iha konsensu ho Austrália.

“Timor-Leste iha asaun 56,56%, mas tenke hakru’uk fali ba Austrália,  deside iha Joint Venture? Prezidente Timor GAP no ANPM konsidera, Timor-Leste sei depende ba Austrália no kompañia Joint Venture sira-nia desizaun atu bele lori kadoras Greater Sunrise mai Timor-Leste ka lae. Ne’e  hatudu loloos katak la kompreende prosesu ne’ebé hala’o tiha ona. Maibé,  át liu mak iha proposta lei orsamentu ne’ebé diskute daudauk, hakerek kona-bá dezenvolvimentu Kosta Sul, Ministru ho Prezidente Timor GAP no ANPM tenke husu ba PN atu muda tiha hakerek sira ne’e, tanba  lae, sira rasik mak viola lei OJE. Inkonsisténsia hanesan ne’e mak ita bele haree iha PPL tomak. Governu soe hela rai-rahun ba ita-nia matan, tanba ita hotu hatene katak, bele lori kadoras mai Timor-Leste. Tanba ne’e, dalan seluk laiha ona, sé de’it mak ukun tenke asegura povu nia ezijénsia ida ne’e. Kadoras tenke mai iha Timor-Leste, tanba tempu la’o ba oin dau-daun no  kampu Bayu Undan ne’ebé kontribui ba Fundu Mina-rai mós besik atu hotu ona”, Vise Xefe bankada CNRT, Patrocínio Fernandes liu husi ninia deklarasaun polítika iha debate Orsamentu Jerál Estadu (OJE) tinan 2020 iha faze Jeneralidade, PN, Sesta (02-10-2020).

Deputadu bankada CNRT ne’e afirma, Ministru Petróleu no Minerais,  Prezidente Foun Timor GAP no Prezidente foun ANPM tenke hatudu ba povu katak sira iha razaun duni atu viola lei OJE 2020 ne’ebé orienta hela  ba dezenvolvimentu kampu Greater Sunrise no Kosta Sul.

Governu labele hato’o de’it ninia sentidu pesimismu no laiha vontade atu defende direitu povu ni’an ne’ebé mak ezije atu lori kadoras Greater Sunrise mai Timor-Leste.

“Iha tinan 2024 mina-rai iha kampu Bayu Undan sei maran. Atu halo estudu foun, sei lori tempu hira?  Estudu  sira ne’ebé halo ona ne’e, tenke prova mai povu katak nia la di’ak iha ne’ebé, presiza loke ba diskusaun públika, tanba povu na’in ba rikusoin ne’e tenke hatene”, tenik Patrocínio.

Entretantu, Governu Timor-Leste liu husi eis Ministru Adjuntu Primeiru Ministru ba Delimitasaun Fronteira, Hermenegildo Pereira, ho Governu Austrália reprezenta husi eis Ministra Negósiu Estranjeiru, Julia Bishop asina akordu Fronteira Marítima ho sasin Sekretáriu Jerál Organizasaun Nasaun Unidas (ONU), António Guterres ho Prezidente Konsiliasiaun, iha Nova Iorke, iha loron 6, fulan Marsu, tinan 2018. Ety

Lee hotu :   Eis Frente Klandestina lamenta maneira entrevista CH

Add to Comments Here!!!!

error: Content is protected.
Secured By miniOrange
You might also like:
OJE 2020 billiaun USD 1.4 aprovadu iha jeneralidade

Uma fukun Parlamentu Nasionál (PN) aprova...

PM Taur: Ha’u la fó sala Maun Xanana

Primeiru Ministru (PM), Taur Matan Ruak,...

Akadémiku: Ahi lakan-mate iha Díli laran tanba jestaun la di’ak

FOTO:GOOGLE Akadémiku Roberto Paicheco, konsidera, akontese...

Close