JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: KHUNTO la intende demokrasia

CNRT: KHUNTO la intende demokrasia

Bankada CNRT konsidera deputadu bankada KHUNTO la intende di-di’ak liafuan demokrasia, hodi halo komentáriu ne’ebé la apropriadu, tanba CNRT kontinua firme promove demokrasia, defende Estadu Direitu Demokrátiku mak konsagra ona iha Konstituisaun RDTL.

“Ho sira-nia komentáriu sira la intende rasik saída mak demokrasia no Estadu Direitu Demokrátiku, ita ko’alia kona-bá Estadu Direitu Demokrátiku ko’alia kona-bá lala’ok Estadu iha nasaun Timor-Leste bazeia ba enkuadramentu legál. Liu-liu Konstituisaun Repúblika, sé sira intende artigu ne’ebé ami sita, sira laiha komentáriu ona, tanba ne’e, CNRT firme atu promove demokrasia defende Estadu Direitu Demokrátiku konsagra ona iha Konstituisaun Repúblika no lori nasaun ba oin atu tau presedente di’ak ba jerasaun foun”, Vise Xefe Bankada CNRT, Patrocínio Fernandes, iha Parlamentu Nasionál (PN), Kinta (8-10-2020), hodi responde ba deputadu bankada KHUNTO, Luis Roberto ne’ebé mak la komprende termu demokrátiku loloos.

Maibé, deputadu bankada KHUNTO, Luis Roberto, konsidera bankada opozisaun CNRT lakohi rona ema seluk nia opiniaun, hodi dezvaloriza demokrásia iha Timor-Leste, tanba hafoin Orsamentu Jerál Estadu (OJE) tinan 2020 pasa iha Parlamentu Nasionál (PN) no hafoin CNRT halo deklarasaun polítika sira sai kedas husi plenária, lakohi rona bankada seluk nia deklarasaun.

“Bankada opozisaun ita hotu akompaña katak no povu mós akompaña, sira hakarak no hatene fó sai liafuan de’it, maibé lakohi rona ema seluk nia liafuan, ida ne’e hatudu momoos katak ida ne’e mak dezvaloriza demokrasia iha Timor-Leste. Maske bankada seluk rona deklarasaun husi bankada CNRT, maibé CNRT rasik lakohi rona, hafoin hato’o deklarasaun hodi husik hela plenária”, tenik deputadu KHUNTO ne’e.

Entretantu OJE tinan 2020 billiaun USD 1.4 ne’e pasa ona iha PN iha finál globál, ho votu a favor 43, kontra 21 no abstensaun 1. ety

Lee hotu :   PN husu Governu indika jestór diak ba RAEOA tuir estatutu espesial

Add to Comments Here!!!!

error: Content is protected.
Secured By miniOrange
You might also like:
OJE 2020 billiaun USD 1.4 aprovadu iha PN ■CNRT vota kontra tanba VIII Governu laiha lejitimidade

Deputadu sira Parlamentu Nasionál (PN) kinta...

PN finaliza diskusaun OJE 2020 billiaun USD 1.4 iha espesialidade

Deputadu sira kinta lejislatura finaliza ona...

MOP sei rezolve problema bee moos iha proposta OJE 2021

Ministru Obras Públikas (MOP), Salvadór Pires,...

Close