JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT nota Governu rejista COVID-19 hanesan halo politizasaun

CNRT nota Governu rejista COVID-19 hanesan halo politizasaun

Bankada CNRT konsidera Governu rejista kazu Corona Virus Disease 2019 (COVID-19) hanesan halo politizasaun, tanba bainhira Governu planeia estende Estadu Emerjénsia (EE), la kleur de’it Ministériu Saúde (MS) deklara Timor-Leste rejista kazu COVID-19 foun.

“Ha’u haree momoos estensaun sempre akontese bainhira besik ona remata EE, tanba ne’e mak halo ha’u dúvida kuandu besik atu remata EE atu tama proposta foun, mosu moras ida”, hateten deputadu CNRT, Arão Noe Amaral ba jornalista sira iha Parlamentu Nasionál (PN), Kinta (01-10-2020).

Nia subliña, situasaun ida ne’e hamosu dúvida, tanba hafoin liu semana ida kazu COVID-19 lakon no besik atu remata EE besik remata, Timor-Leste rejista fali COVID-19.

“Ha’u hanoin tuir loos la presiza hamosu hanesan ne’e atu estende EE ne’e, estende de’it, la presiza atu rejista kazu COVID-19, ha’u fiar katak ida ne’e parte ida politiza de’it COVID-19, hodi estende EE”, dehan Arão.

Tuir Xefe bankada FRETILIN, Francisco Miranda Branco, hatete, laiha politizasaun, tanba EE atu salva guarda ba interese nasaun no interese povu nian, atu povu sira labele monu ba situasaun hanesan agora dau-daun.

Maske durante ne’e iha duni difikuldade ida em termos kuadru legál atu responde ba situasaun, tanba ne’e presiza dekreta EE. Mais EE agora dau-dauk ne’e imi haree hotu-hotu livre, maibé ita labele haluha katak perigu COVID-19 ameasa ba komunidade mundu tomak. Tanba laiha dalan seluk atu evita ita-nia rai ne’e bele sai mós perigu kontaminasaun husi virus (COVID)”, tenik Xefe bankada FRETILIN ne’e.

Francisco akresenta, objetivu estende EE laiha intensaun seluk, maibé ho intensaun atu salva Timor-Leste labele hetan ameasa husi pandémia COVID-19.

“Ita-nia kapasidade hanesan Estadu ninia servisu ba saúde nian no servisu sira seluk, ita seidauk prontu atu responde, maibé sé haree implementasaun EE ne’e ba área sira ne’ebé iha fronteira, hodi salva guarda nasaun husi perigu virus idane’e”, informa Xefe bankada FRETILIN ne’e.

Tuir dadus husi Ministériu Saúde (MS), Timor-Leste rejista hikas kazu konfirmadu COVID-19, sidadaun estranjeiru (mane) ida ho idade 39, iha loron 27, fulan ne’e no agora kontinua hela prosesu izolamentu iha sala izolamentu Vera Cruz.

Entretantu hahú husi loron 6, fulan Marsu, tinan ne’e, númeru kazu konfirmadu COVID-19 hamutuk na’in 28 no husi númeru ne’e na’in 27 rekuperadu ona. ety

Lee hotu :   Xanana la uza asuntu FM ba hetan votus "Alkatiri lakon kontaktu ho Xanana"

Add to Comments Here!!!!

error: Content is protected.
Secured By miniOrange
You might also like:
PD: Impase polítiku-COVID-19 impede investimentu iha TL

Xefe bankada PD, António da Conceição...

KUOFKK sai vítima ba verfikasaun dadus veteranu sira

Prezidente Konfederasaun Unidade Organizasaun Frente Kaixa...

Governu prevé tokon USD 708.708 ba fulan Novembru-Dezembru

Primeiru Ministru (PM), Taur Matan Ruak,...

Close