JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: PPN dirije meza la imparsiál ho maneira ditadura

CNRT: PPN dirije meza la imparsiál ho maneira ditadura

Bankada CNRT konsidera Prezidente Parlamentu Nasionál (PPN), Aniceto Guterres, lidera meza iha debate Orsamentu Jerál Estadu (OJE) la imparsiál no hamate direitu opozisaun, tanba ne’e CNRT fó nia votu abstensaun ba OJE tinan 2020 iha faze jeneralidade.

“PPN ilegál lidera meja la imparsiál, maneira ditadura, no hámate direitu opozisaun nian hodi hala’o demokrasia iha Parlamentu Nasionál. Pozisaun votus abstensaun deputadus Bankada CNRT ba aprovasaun proposta OJE 2020 iha sesaun jeneralidade iha loron Sesta-feira (02/10) loloos no momoos atu manifesta boa-vontade deputadus CNRT nian hodi kontribui ba dinámika diskusaun iha espesialidade tuir mai tanba; (1) audiénsia ho membru Governu sira la konvense kona-ba aumentu orsamentu to’o 21,4% tuir tabela ezekusaun duo-decimal nian, inklui mal-gastu osan iha rubrika tékniku profesionais tuir liña ministerial hamutuk $78 milhões de dolares atu rekruta funsionáriu polítiku. Ami deskobre iha prosesu diskusaun hatudu programa ne’ebé la’ós ministériu sira mak halo, nune’e laiha koñesimentu ministériu ba orsamentu ezistente pedidu orsamentu la reflete ba kapasidade Governu nian, sei labele atu ezekuta osan milhões 759 iha fulan rua nia laran, sera que Governu ne’e sei halo de’it milagre ka hanesan bai-bain, sei halo de’it virement-transfert ba-mai hodi ezekuta la-lais. Enkuantu tuir relatóriu ezekusaun iha fulan sia nia laran, Governu só iha kapasidade ezekusaun 49% (526,9 milhões) husi total despeza duodesimu ho montante billiaun 1.241,5”, Xefe bankada CNRT, Duarte Nunes hato’o preokupasuan ne’e liu husi komunikadu imprensa ne’ebé bankada CNRT fahe ba média sira iha Parlamentu Nasionál (PN), Tersa (06-10-2020).

Durante audénsia ho PN membru Governu sira mós la konsege konvense bankada CNRT kona-bá aumenta orsamentu to’o porsentu 21,4 tuir tabela ezekusaun duodesimál, inklui mal-gastu osan iha rúbrika tékniku profisionál tuir liña ministeriál hamutuk tokon USD 78 atu rekruta funsionáriu polítiku.

Lee hotu :   PPN Arão: Iha alternativu rua sosa asaun Shell

Pozisaun CNRT nian fó votus abstensaun mós tanba haree  ba kestaun legalidade Governu de faktu Governu ida-ne’e, alende Governu ne’e de faktu inkonstitusionál, tanba harii husi violasaun Konstituisaun no Lei Organizasaun Funsionamentu Administrasaun Parlamentar (LOFP), nune’e mós submisaun proposta OJE 2020 viola Lei Orsamentu no Jestaun Finanseira.

Iha debate loron-rua iha plenária husi loron 01-02, fulan Outubru, tinan 2020, kontinua mosu violasaun oi-oin, deputadu sira simu ameasa, diskriminasaun iha jestaun plenária no simu insultu, akuzasaun no provokasaun hasoru deputadu CNRT iha plenária PN.

“Tanba-ne’e, bankada CNRT manifesta ninia lamentásoens no kondena maka’as hahalok la-étika PPN ilegál nian mak hanesan, PPN ilegál halo ameasa bainhira eletrisidade iha sala plenária mate, hodi hasai liafuan “tem os dias contados” ka konsidera katak, “hein sura loron de’it ona!”. Ameasa sira ne’e atu dirije ba sé? Tanba maneira PPN ilegál dirije plenária ne’e halis liu bá partidu no nia Governu viabilizadu de faktu inkonstitusionál; PPN ilegál lidera meja la imparsiál, maneira ditadura no hámate direitu opozisaun atu hala’o demokrasia iha Pn ne’ebé garante iha artigu 70, Konstituisaun RDTL, PPN ilegál diskrimina deputadu opozisaun sira atu halo intervensaun, la-fó tempu ponto de ordem nian, maibé iha tempu hanesan fó ponto de ordem ba deputadu sira husi FRETILIN”, tenik Duarte Nunes.

Bankada CNRT mós nota maka’as PPN dirije meza la imparsiál, maibé ho maneira ditadura no hámate direitu opozisaun atu hala’o demokrasia iha PN ne’ebé garante iha artigu 70, Konstituisaun RDTL.

Nune’e, deputadu bankada FRETILIN, Davíd Dias Ximenes “Mandati”, klarifika, maske PPN dirije di’ak, maibé ba bankada opozisaun sempre aat, tanba ida ne’e mak direitu opozisaun nian.

Lee hotu :   FRETILIN konsidera formasaun AMP laiha baze legal

“Dirije meza bele di’ak mós sira dehan bele la di’ak, bele loos mós sira dehan ladun loos, opozisaun nia direitu, ha’u dehan nafatin sira-nia direitu, obrigasaun no papel, ita labele kria monotonia bele hafanun ema barak“, dehan Mandati.

OJE tinan 2020 pasa iha faze jeneralidade ho votu a favor 44, abstensaun 21, kontra 0 no iha loron 5, fulan ne’e, kontinua debate iha faze espesialidade. ety

Add to Comments Here!!!!

error: Content is protected.
Secured By miniOrange
You might also like:
PR promulga dekretu lei Sesta Bázika

Prezidente Repúblika (PR), Francisco Guterres Lú...

Sala utiliza MédSos mak hamosu kazu VD

Juíz Administradór Tribunál Distritál Díli (TDD),...

Ramos Horta: Joven tenke hatene hili área estudu

Laureadu Nobel da Paz, José Ramos...

Close