JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia Vise MI fasilita kareta plat RI tama TL iha períodu EE

Deskonfia Vise MI fasilita kareta plat RI tama TL iha períodu EE

Deputadu bankada CNRT, José Virgílio, hatete, nia rona informasaun katak, deskonfia Vise Ministru Interior (MI), António Armindo, fasilita kareta ho plat Repúblika Indonézia (RI) nian tama Timor-Leste (TL) no simu mos informasaun katak Vise Ministru Interior mak autoriza kareta refere tama, maske dadaun ne’e iha TL aplika hela Estadu Emerjénsia (EE).

 “Akontesimentu ne’e iha fulan kotuk liu ba, la sala iha loron 5 ou 6 fulan Setembru, ami mos halao vizita kontaktu eleitoral iha Munisípiu Bobonaro la sala iha kalan 7 oras ami fila husi ne’eba mai haree kareta Plat 1 marka Fortuna kor metan DH 1530 ED,  ita haree katak, ita-nia Xefe Estadu, liu-liu Prezidente Repúblika estende tan Estadu Emerjénsia, dekreta iha fulan kotuk ida liu ba ne’e, ita haree katak parte liman ain Governu sira ne’e aproveita estende ida ne’e, liu liu ba asuntu COVID-19, informasaun ne’ebé ema balun fó hatene mai ami, kareta ne’e tama tanba orientasaun Ministru balun mak haruka kareta tama, ne’e hatudu momos ita falla iha kontrolu”,Deputadu José Virgílio ba Jornalista sira, Kinta (08/10/2020) iha Parlamentu Nasional.

Nia afirma, memebru Governu sira la respeita EE ne’e, atu lori Estadu Timor-Leste ne’e ba tau iha ne’ebé, liu-liu oras ne’e mos moras COVID-19 ne’e iha Indonézia sa’e maka’as los.

“Sira fasilita ne’e ema Timor-oan balun iha ne’eba, kuandu nia iha ne’eba ou Indonezia mos, ne’e ita dehan la bele, se Timor-oan nia tama iha ne’eba tenke liu husi kuarentena, agora la liu husi regra sira, ita haree katak kareta ne’e tama mai livre los, iha parte fraku ne’e iha ne’ebé, la kontrolu husi Polísia ka? la kontrolu husi Ministru sira, kaer pasta liu liu Ministériu Interior nomos Polísia Fronteira sira, sira fo livre para ema tama ne’e hanoin lalos”, realsa Virgílio.

Lee hotu :   FRETILIN husu AMP halo inkéritu ba Ró Haksolok

Iha fatin hanesan, Vise Ministru Interior, Antonio Armindo, klarifika informasaun ne’e lalos, tanba nia rasik seidauk hatene katak kareta ida ne’ebé tama mai ne’e.

“Ita la iha informasaun katak kareta Indonézia ida iha ne’e,  primeira vez rona fó sai temi nia naran, dehan katak ha’u mak fó lisensa no autoriza, atu dehan ba públiku katak ne’e lalos. Dalaruma ema individu ruma mak koko para hafoer naran, depois fó liu husi Deputadu Virgílio, ha’u husu deit se deputadu sira hakarak fó sai informasaun sira ne’e, pelo menus halo lai investigasaun, haree took lai buat ne’e tebes ka lae molok sai. Se fó sai hanesan ne’e públiku hanoin katak ita mak autoriza kareta sira ne’e tama, ha’u orienta ona komisariu PNTL haree asuntu ida ne’e, mas asuntu refere nia relatóriu tama mai mak ita haree took”,tenik tan.

Alende ne’e, Governante ne’e subliña, nia parte orienta ona Komisáriu PNTL  atu buka tok membru  PNTL ida ne’ebé. “Ha’u husu ba deputadu Virgílio koalia ho ha’u ho komisariu jeral Polísia se mak fó hatene ba nia, hakrak koalia buat hotu ho faktus, se faktus iha halo investigasaun, PNTL iha hirarkia no komandu, membru Polísia labele haksoit diretamente la governante ida, maibe tenke husi komandu mak mai. Komisáriu Jeral toma hela nota ba ida ne’e, dadaun ne’e sei buka hela ajente Polísia se mak kolaia kona-ba ida ne’e”,tenik Antonio.Oly

 

Add to Comments Here!!!!

error: Content is protected.
Secured By miniOrange
You might also like:
FRETILIN-PD apoia Governu investe fibra ótika iha Kosta Sul

Reprezentante povu iha uma fukun Parlamentu...

CNRT: KHUNTO la intende demokrasia

Bankada CNRT konsidera deputadu bankada KHUNTO...

OJE 2020 billiaun USD 1.4 aprovadu iha PN ■CNRT vota kontra tanba VIII Governu laiha lejitimidade

Deputadu sira Parlamentu Nasionál (PN) kinta...

Close