JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ema balu ezije líder sira tur hamutuk, Xanana: Deskulpa! diferensa ida ne’e, diferensa iha prinsípiu

Ema balu ezije líder sira tur hamutuk, Xanana: Deskulpa! diferensa ida ne’e, diferensa iha prinsípiu

Eis Komandante em Xefe FALINTIL, Kay Rala Xanana Gusmão, hatete, iha ema balu preokupadu loos atu líder Partidu Polítiku sira atu tur hamutuk, ne’e deskulpa, tanba diferensa ida agora ne’e diferensa iha prinsípiu luta ba prosperidade povu no nasaun ninian.

Kay Rala Xanana Gusmão hato’o ninia anti teza ne’e hodi responde ba pergunta husi partisipante balu ne’ebé husu dehan katak, nusa mak Maun Bo’ot sira la tur hamutuk koalia? iha semináriu ne’ebé hala’o husi Asosiasaun Kombatente Brigada Negra iha Manatuto, Tersa (29/9/2020).

“Imi bo’ot sira ne’e hamutuk ka lae, be imi la hakoak malu ka? Ne’e oin seluk, oin seluk los! Ami han hamutuk tiha, hemu tan Whisky, han, imi (povu sira) haree, imi labele koalia ona, tanba ami hamutuk tiha ona. Sira fó ba ha’u atu sai Prezidente Autoridade Oe-Cusse, ha’u dehan deskulpa! Ha’u hakarak han hamutuk, hemu hamutuk, hakoak malu loro-loron, ha’u simu, ne’ebé labele konfundi konflitu ho diferensa. Tanba demokrasia ne’e tenke iha diferensa. Demokrasia admite diferensa. Hametin liberdade espresaun katak, señora ne’e koalia hanesan ne’e, ha’u koalia buat seluk. tuku malu labele! Tanba ne’e mak dehan demokrátiku ne’e”, tenik eis Prezidente Repúblika, Xanana Gusmão.

Xanana dehan, diferensa ne’e laiha mak Estadu ne’e tama iha rai naruk. Tanba se la hanesan ne’e ha’u dehan A, hot-hotu dehan A. Ha’u dehan B, hot-hotu dehan B, ha’u dehan C, imi dehan T, ita te ahu hotu. Ne’e demokrasia laiha, demokrasia moris iha sentidu diferensa, konflitu, ne’e la’os demokrátiku ona”, dehan Xanana hodi esplika ba partisipante sira kona-ba lalaok Estadu direitu demokratiku iha Timor-Leste ne’ebé la’o la tuir ninia dalan.

Líder máximu funu ba libertasaun teritóriu nasionál Xanana Gusmão afirma, atu defende Estadu direitu demokrátiku iha dalan rua, dalan ida mak konfrontativu no dalan ida seluk mak legál no konstitusionál.

Líder karismátiku Xanana Gusmão lia tun tan katak, bainhira nia hahú prosesu atu tau Austrália iha tribunal, nia fó hatene ba Prezidente partidu FRETILIN, Francisco Guterres Lú Olo ho Sekretáriu Jeral, Marí Alkatiri sira hatene hotu.

“Señor Marí Alkatiri, hatene, señor Lú Olo hatene, ha’u bolu, ha’u koalia. To’o ba to’o iha ne’eba Primeiru Ministru, Rui Araújo, ne’e mak imi (povu) tenke kompriende di-diak saida mak konflitu no saida mak diferensa. Hala’o tiha, ha’u bolu sira fó hatene bei-beik, inklui José Ramos Horta, ha’u fó hatene bei-beik, bei-beik, to’o aseita tiha em prinsípiu katak ida ne’e definitivu ona hodi akordu ne’e aneksu hotu mai VII Governu diskute ho advogadu sira, diskute no aprova ba Nasoens Unidas, hodi nasaun rua Austrália ho Timor-Leste asina, aiiiiiii Marí Alkatiri nia VII Governu asina tiha hotu ba ratifika fali iha Parlamentu Nasional, sira kontra, ha’u nu’udar Timor-oan la aseita. Ne’e duni konflitu oin seluk, iha diferensa ida ne’e, diferensa de prinsípiu. Ha’u la fó hatene ba sira, ha’u foti liman, ne’ebé lalika temi (tur hamutuk) ne’e. ouuuuu imi koalia ba ami nune’e, mas imi halo saida”, dehan Xanana ho nervozu ba hahalok ne’ebé FRETILIN lideradu Lú Olo ho Alkatiri nian ne’e.

Xanana dehan, iha konstituisaun ne’e atu defende no obedese, la’os sama fali konstituisaun tuir hakarak.

“Se ita la defende, ita tuir ona dalan nasaun Guine Bissau ninian ne’ebé durante tinan 40 nonok deit. Imi (Timor-oan sira hotu) hakarak nonok deit? Se imi hakarak nonok deit, ami hakoak malu, bele! Naran fó osan mai. Tanba saida hasai tiha Sr. Francisco Monteiro ho Gualdino, ami nia konfiansa laos, tanba ha’u fó osan ba sira, sira fó osan ba ha’u, lae! Tanba defende ita-nia interese, sira (VIII Governu) hasai tiha. Ha’u la manan osan iha ne’eba, nu’udar reprezentante ba koalia problema mina-rai ninian ha’u la manan osan iha ne’eba, doit ida mos lae! Ha’u fó apoiu ba sira, dudu deit sira. Mezmu (VIII Governu) fó ha’u osan fulan-fulan mos ha’u sei la ba, tanba iha ne’eba ne’e sei la defende interese nasional. Como ha’u iha prinsípiu entaun ha’u la ba”, tenik tan líder nasionalista ne’e ba povu tomak atu komprende no intende. nes

Lee hotu :   APREZENTA PROGRAMA BA PN, AMP HEIN KOMPOZISAUN GOVERNU

Add to Comments Here!!!!

error: Content is protected.
Secured By miniOrange
You might also like:
OJE preliminar ba 2021 montante billaun USD 1,895

Governu liu Konsellu Ministru (KM) aprova...

Francisco Monteiro: Iha dívida tokon USD 4 ne’e la loos

Eis Prezidente Konsellu Administrasaun Timor Gas...

KE-KSDS rekomenda ba PR dekreta tan EE ba da-neen

Chefe Casa Civíl, Francisco Maria de...

Close