Fidelis rejeita fó informasaun ba karta rezignasaun MF

Ministru Prezidénsia Konsellu Ministru (MPKM), Fidelis Leite Magalhães, rejeita fó informasaun kona-bá rezignasaun Ministru Finansas (MF), Fernando Hanjam.

“Ami la komenta no laiha informasaun kona-bá ida ne’e, ha’u mós rona ona pergunta balun husi kolega média sira kona-bá asuntu ida ne’e, maibé laiha informasaun ruma para ami bele fahe ba públiku kona-bá asuntu ida ne’e,” subliña MPKM, Fidelis Leite Magalhães, iha Palásiu Governu, Kuarta (14/10/2020).

Porta voz Governu ne’e hateten, loos duni dau-daun ne’e, MF, Fernando Hanjam nia kondisaun saúde iha faze rekuperasaun.

“Ha’u laiha komentariu, tanba laiha buat ida para atu komenta, tanba laiha diskusaun ida kona-bá asuntu ida ne’e, tanba ne’e ba asuntu ida ne’e la eziste,” reafirma Fidelis. Cin