JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN-PD apoia Governu investe fibra ótika iha Kosta Sul

FRETILIN-PD apoia Governu investe fibra ótika iha Kosta Sul

Reprezentante povu iha uma fukun Parlamentu Nasionál (PN), liu-liu bankada FRETILIN no PD apoia polítika Governu dezenvolve fibra ótika iha Kosta Sul, ho nune’e prosesu asesu internet iha Timor-Leste bele la’o ho di’ak liu tan.

“PD apoiu modernizasaun ba ita-nia sosiedade, hodi fó apoiu kabu submarinu dezenvolve husi Kosta Sul, loke dalan ba Kosta Norte setór privadu tenke tama, tanba fásil ba setór privadu sira ne’ebé tuir ona kursu ba parte ida ne’e ho la-lais atu hatún folin internet ne’ebé karun, sé la’e folin internet, bele impata investidór sira atu investe iha Timor-Leste”, Deputadu bankada PD, Mariano Assanami Sabino hato’o asuntu ne’e liu husi deklarasaun polítika debate Orsamentu Jerál Estadu (OJE) tinan 2020 iha finál globál iha PN, Kinta (08-10-2020).

Iha fatin hanesan, Xefe bankada FRETILIN, Francisco Miranda Branco, hateten, polítika investimentu fibra ótika ne’e di’ak, tanba bele fasilita di’ak liu tan estudante sira iha área rurál asesu materia no hadia administrasaun públika liu husi internet.

“FRETILIN apoiu Governu nia polítika atu halo dijitalizasaun, sei hadia ita-nia administrasaun públika loke asesu internet ho di’ak no la-lais ba sidadaun hotu, liu-liu ba ita-nia estudante sira iha área remota iha Timor-Leste laran tomak, tanba ho investimentu ba fibra ótika husi Kosta Sul. Maibé FRETILIN mós rekomenda ba Governu atu halo revizauan ba investimentu ne’e, ho nia montante tuir prinsípiu boa governasaun iha setór petróleu”, tenik Xefe bankada FRETILIN ne’e.

Antes ne’e,  iha loron 10, fulan Agostu, tinan ne’e, Primeiru Ministru (PM), Taur Matan Ruak, konvoka enkontru ho Vise PM, José Reis, Ministru Prezidensia Konsellu Ministru, Vise Ministra Finansas no Ministru Transporte no Komunikasaun, diskute kona-bá planu Governu atu aselera projetu dada fibra ótika mai Timor-Leste. Ho objetivu atu hamenus gastu ba internet liu husi satélite ne’ebé kada tinan Governu selu tokon USD 100 resin, maibé velosidade internet la’o nei-neik tebes. ety

Lee hotu :   MDI aprezenta kriasaun AMD ba KM

Add to Comments Here!!!!

error: Content is protected.
Secured By miniOrange
You might also like:
CNRT: KHUNTO la intende demokrasia

Bankada CNRT konsidera deputadu bankada KHUNTO...

OJE 2020 billiaun USD 1.4 aprovadu iha PN ■CNRT vota kontra tanba VIII Governu laiha lejitimidade

Deputadu sira Parlamentu Nasionál (PN) kinta...

PN finaliza diskusaun OJE 2020 billiaun USD 1.4 iha espesialidade

Deputadu sira kinta lejislatura finaliza ona...

Close