JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu aprova dekretu lei servisu militár obrigatóriu

Governu aprova dekretu lei servisu militár obrigatóriu

Governu aprova dekretu lei foun hodi regula servisu militar no foin sa’e sira ho idade 18 bele hola parte ba servisu militár obrigatóriu.

Ministru Prezidensia Konsellu Ministru (MPKM), Fidelis Leite Magalhães, relata, ho dekretu lei foun ne’e hatudu katak Timor-Leste nia sistema rekrutamentu ba militár ne’e la’ós voluntáriu, maibé obrigatóriu.

“Ho dekretu lei foun ba servisu militár ne’e loke dalan ba servisu militár obrigatóriu ba foinsa’e sira, ho tinan 18 bele halo resensiamentu no nia tinan 20 bele hola parte iha skema ida ho períodu fulan 18 ba Timor-oan sira ho idade 18 to’o 28”, MPKM ne’e ba jornalista sira iha Palásiu Governu, Kinta (29/102/2020).

Fidelis hateten, ba sira ne’ebé ho idade tinan 20, maibé sei eskola hela sira ne’e bele haruka karta hodi defere, atu nune’e labele hola parte, tanba halo referimentu.

Governante ne’e hatutan, programa ida ne’e tuir Governu nia haree importante atu halo metin liu tan sidadania no nasaun patriótika ba foinsa’e sira.

Porta Voz Governu ne’e subliña, mekanizmu ida ne’e durante fulan 18 atu bele fó oportunidade vokasionál sira ne’ebé organizadu, atu nune’e foinsa’e ida remata ninia servisu militár obrigatóriu ne’e, nia mós prontu atu sai sidadaun ne’ebé produtivu.

“Iha programa servisu militár obrigatóriu ne’e inklui mós komponente importante sira ne’ebé liga ho prevensaun ba moras hada’et sira, hanesan HIV/SIDA, TBC moras hirak ne’ebé dalabarak da’et ba foinsa’e sira, tanba sira ladún iha koñesimentu kle’an kona-bá moras hirak ne’e”, tenik MPKM ne’e.

Fidelis afirma tan, iha programa ida ne’e la’ós de’it atu treinu kona-bá servisu militár, maibé aprende mós kona-bá sidadania, área saúde, edukasaun sívika, treinamentu vokasionál sira seluk, inklui aprende mós kona-bá skill moris nian, maibé Governu sei prepara kuríkulu ida hodi aprova.

Governante ne’e haktuir liu tan, dekretu lei ne’e sei haruka ba Xefe Estadu hodi promulga, maibé Governu mós prepara hela kondisaun hodi implementa dekretu lei ida ne’e, bainhira dekretu lei ida ne’e tama iha efeitu, sei iha prosesu rekrutamentu, inklui fasilidade sira ne’ebé atu apoiu programa ne’e rasik.

“Mekanizmu ne’e voluntáriu ba sira ne’ebé hakarak tama FALINTIL-Forsa Defeza Timor-Leste (F-FDTL), tanba sidadaun ida ho idade 18 nia iha opsaun bele tama F-FDTL, sé lakohi tama mós la óbriga, maibé ba feto ou mane ne’ebé idade to’o ona 18 tenke aprezenta-an”, subliña Fidelis. cin

Lee hotu :   Dignidade no direitu partidu, AMP la substitui kandidatu pendente

Add to Comments Here!!!!

error: Content is protected.
Secured By miniOrange
You might also like:
PNTL sei pasa revista movimentasaun sidadaun iha loron finadu

Vise Ministru Interior (MI), António Armindo, hateten, Governu...

Pagamentu ba profesór kontratadu iha ona prosesu

Relasiona ho problema saláriu profesór kontratadu...

MS apela ba sidadaun sira kumpre nafatin medida preventiva COVID-19

Ministeriu Saúde (MS) liu husi Komisaun...

Close